Anasxon Mahmud | Iymonlashamiz marafoni

Namoz - bu najot.
Ba’zida insonni odam emas,
pul emas,
tashqi dunyo emas…
Faqat sajdasi asraydi.

Chunki hayot har doim silliq ketmaydi.

Ba’zida so‘zsiz siqilasiz,
ko‘ngil tushadi, yurak og‘riydi.
Hech kim tushunmaydi, hech kim eshitmaydi.

Lekin Alloh - eshitadi.
Siz sukutda bo‘lsangiz ham -
U Qalbda aytilgan nolani eshitadi.

Namoz - bu yurakni tozalovchi,
ruhni ko‘targuvchi, tushkunlikdan chiqaruvchi eng katta quvvat.

Dunyo sizni yerga urganida,
namoz sizni sajda orqali osmonga bog‘laydi.
Siz yiqilganda, Allohga suyanish imkonini beradi.

Namoz - bu hayotingizni tartibga soluvchi kalit.
U sizga vaqtni o‘rgatadi.
Sabrni o‘rgatadi.
Eng muhimi - Allohni unutmaslikni o‘rgatadi.

Hech kimga ayta olmaydigan sirlaringiz, siz yig‘laydigan tunda chiqmaydigan so‘zlaringiz bor-a ?

Mana, shunda faqat namozgina yaxshi ko‘rib, yomonlik qilmaydigan Zotga eltadi.

Shuning uchun…
Namozni tark qilganingda, faqat farzni emas, najotni ham tark qilgan bo‘lasan.

Sajda qilayotganingda esa…
Faqat bosh emas, yuragingni ham eng tog’ri Zotga topshirgan bo‘lasan.

Namoz - bu najot.
Qalb najoti. Hayot najoti. Oxirat najoti.

@Anasxon_Mahmud

Qur’on Hofizasi aytadi: Mening kundalik virdim 10 poradan iborat, ya’ni 3 kunda Qur’onni toʻliq oʻqib chiqaman.

Uyda juda ham ishlarim koʻp, lekin barcha ishlarimni tez va osonlik bilan tugataman.

Onamga koʻp aytaman: Vallohi, onajon, xuddi men bilan yana kimdir ishlayotgandek, yordam berayotgandek.

Qur’on nimaga aralashsa, unga baraka kiradi.

@Anasxon_Mahmud

Erkaklar ayoliga nafaqa berishi kerak

Ko‘p erkaklar nafaqa bermaydi, ayollari hatto nafaqa olishi mumkinligini ham bilmaydimi?

Erkakning ahliga o‘z gardanidagi farz nafaqasidan ortiqcha qilgan harajatlari — oziq-ovqati, kiyim kechagi, sovg‘a-salomi, uy anjomlari nafaqa o‘rnidadir. Erlar xotininig shuncha xizmatiga bir-ikki so‘m bermaydi ham, deganlar diqqatiga:
- Er topganiga uy quradi;
- Bolalarini kiydiradi;
- Bolalarini o‘qitadi;
- Oila a’zolaridan birortasi kasal bo‘lsa, davolatadi;
- Uyiga olib kelganini hisob-kitob qilib, xotinidan hisobot so‘rayverib xunob qilmaydi;
- Bulardan ham orttirsa, bolasiga to‘y qiladi;
- Farzandlariga uy-joy quradi;

Endi tashvishlardan xalos bo‘lsa, qarib bo‘lgan bo‘ladi! Xali o‘rtada ro‘zg‘or qilaman deb qancha mashaqqatlar, diqqatchiliklar chekishi bor.

Shular nafaqa emasmi?
Shular oila uchun harakat emasmi?
Shular himmat emasmi?

(Ro‘zg‘or qilish erning majburiyati lekin mayonez va ketchup ham olib kelishi majburiyati emas. Pista-bodom, banan, ananas ham...)

Erning o‘zi bir kosa ovqatga to‘yadi, bir kosa ovqat pulini esa yarim kunda topa oladi. Lekin u yil-o‘n ikki oy tong sahardan tun qorong‘usigacha shu oilasi uchun tinmay ishlaydi...

Xotin ham bekor o‘tirmaydi, buni juda yaxshi bilamiz))

➡️ Yaqinlaringizga ham ulashing

💬 @Anasxon_Mahmud — sahifamizga obuna boʻling!

HAR BIR MUSULMON BILISHI LOZIM BO‘LGAN RASULULLOH (S.A.V.) HAQLARIDA 10 TA MA’LUMOTLAR

1.  Payg‘ambarimiz Muhammad (s.a.v.) milodiy 571 – Fil yili, bahor fasli, dushanba kuni, tong vaqti Makkada tug‘ilganlarini aytishgan
2.  Otalari tug‘ilishlaridan oldin, onalari esa 6 yoshlarida vafot etishadi. U Zot yosh bola payitlarida yetim   bo‘lib qoladilar.
3.  U kishining tarbiyasi bilan bobolari Abdulmuttalib, keyin amakilari Abu Tolib shug‘ullanganlar.
4. 9 yoshlaridan boshlab, amakilari bilan tijorat safarlarida qatnashganlar.
5.  U Zot o‘zlarining rostgo‘yliklari bilan jamiyat oldida hurmatga erishganlar. Amin-rostgo‘y laqabini olganlar.
6.  25 yoshlarida Xodicha onamizga uylanganlar.
7.  40 yoshlarida payg‘ambar bo‘lib, 13-yil Makkada, 10-yil Madinada islomni tarqatganlar.
8.  Payg‘ambarlik 23-yil davom etgan.
9.  Payg‘ambarimiz (sollallohu alayhi vasallam) o‘qish va yozishni bilmaganlar.
10. Payg‘ambarimiz (sollallohu alayhi vasallam) 632-yil Madinada vafot etganlar.

@Anasxon_Mahmud