Bojxona xizmati faoliyati yurtimiz xavfsizligi va iqtisodiy manfaatlarini himoya qilish, milliy mahsulotlarni xalqaro bozorga chiqarishda muhim ahamiyat kasb etadi. Sizlar bojxona chegaralarida tartib va qonuniylikni ta’minlab, noqonuniy savdo, kontrabanda va huquqbuzarliklarning oldini olishda qahramonlik va jasorat namunasini ko‘rsatib kelmoqdasiz.

Bojxona xizmatida olib borayotgan halol va samarali mehnatingiz nafaqat iqtisodiy barqarorlikka, balki xalqimiz farovonligiga ham o‘z hissasini qo‘shmoqda. Sizning mas’uliyatli va fidoyi xizmatingizga yuksak baho bergan holda, faoliyatingizda muvaffaqiyatlar, oilangizga tinchlik-xotirjamlik va bardavom farovonlik tilayman.