Энг омадли тижоратга ишора қилайми?
Ҳар қандай дунё тижорати гоҳида омад, гоҳида ҳасрат олиб келади.
Мўъминни ҳаётидаги ҳар душанба, пайшанба куни қилинган тижорат албатта омадли бўлади.
Росул ✔️нинг тиллари билан айтилди:
Одамзотнинг ҳар бир амали ўзи учундир, бир амали ўнта ажрдан етти юз баробаригача кўтарилади, фақатгина РЎЗА~
рўзанинг ажрини МЕН бераман, деди Аллоҳ.
Яъни 700 баробардан ҳам кўпроқ ажр-мукофот, яхшиликларни МЕН ЎЗИМ бераман, деди.
Ҳой биродар, ҳар қандай шароитда мана шу тижорат карвонидан қолиб кетманг.
Шайтон сизни Жаннатга осон олиб кирувчи амалдан тўсиб,
"Ҳозир ёз, иссиқ бўлса, чанқоқ бўлади, қийналиб қоласан, Рамазондан яқинда чиқдинг, дамингни ол, ҳали вақт бор, дейди.
Сиз унга:
Мен шундай осон келадиган катта бойликдан воз кечолмайман, мен бирига мингни берувчи билан тижоратимни бузмайман, майли бир кун чанқарман, лекин шу кунги чанқоқ энг тотли чанқоқ бўлади, денг. Шайтонингиз ҳорланиб, ортга қайтсин.
Тонгда ухлаб қолиб, бомдод азонида уйғондингиз, нафсингиз сизга:
Ана саҳарликка ҳам улгурмадинг, келаси ҳафта тутарсан, бугун оғир ишларинг бор, дейди.
Сиз унга:
Ким бир кун Аллоҳ учун рўза тутса, Аллоҳ уни Жаҳаннам ўтидан 70 минг йилга узоқ қилади, денг.
Телефонда хабар келади,
бугун йиғилиш,
меҳмондорчилик бор экан, ресторан эшиги олдида сизни кутиб туришар экан.
Бир кун ўта чанқаганингизда, жуда ҳам ҳориб-толиб оч қолганингизда, Райён эшиклари олдида кутиб олувчи Малоикаларни эсланг.
Яқинларингиз телефонда:
Эртагалик катта хурсандчиликдан қолиб кетма, дейди.
Росулингиз эса:
Рўзадорга икки катта хурсандчилик бор,
бири ИФТОР вақтида,
иккинчиси РОББИСИГА ЙЎЛИҚҚАНДА деганларини эсланг.
Ҳаёти очликда ўтган Росулингизга эргашиб,
У Зотни суннатларини тирилтириб яшанг
Очлик ва чанқоқда ҳам энг шукри кўп Зотга эргашиб ўтинг
Бугун ифторгача бироз очлик бироз чанқоққа сабр қилганингиз учун сизга энди Жаннат ҳурлари абадий дастурхон ёзишларини кутиб яшанг
Ҳаётингизни душанба, пайшанбалари
катта ОМАДЛИ САВДО карвонидан улушсиз қолмасин
Фурсат борлигида Райён эшикларини очиб кетинг