IjtimoiyLIVE⏳📜

➖@ijtimoiyLIVE➖

❗️1 ВА 2 ГУРУҲ НОГИРОНЛИГИ БЎЛГАН ҲОДИМЛАР УЧУН ИШ ВАҚТИ ҲАФТАСИГА 36 СОАТДАН ОШМАСЛИГИ КЕРАК

📄 Меҳнат кодексининг 427-моддасига асосан,

➖ I ва II гуруҳ ногиронлиги бўлган ходимлар учун иш вақтининг давомийлиги ҳафтасига 36 соатдан ошмайдиган қилиб

✅ Шунингдек, улар учун кунлик ишнинг (сменанинг) давомийлиги тиббий-ижтимоий эксперт комиссиясининг тавсияларига мувофиқ белгиланади, лекин 6 кунлик иш ҳафтасида — 6 соатдан, 5 кунлик иш ҳафтасида — 7 соату 30 дақиқадан ортиб кетмаслиги керак.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️БОЛА ПАРВАРИШИДАГИ ТАЪТИЛ ДАВРИНИНГ 6 ЙИЛИ МЕҲНАТ СТАЖИГА ҚЎШИЛАДИ

📃 Меҳнат кодексининг 405-моддасига асосан,

➖ болани парваришлаш таътиллари даврида ходимнинг иш жойи (лавозими) сақланади.

❗️Бу таътилларнинг кўпи билан олти йили меҳнат стажига қўшилади, шу жумладан мутахассислиги бўйича иш стажига ҳам қўшиб ҳисобланади.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️"АЁЛЛАР ДАФТАРИ"ДА ТУРГАНЛАРНИНГ КОНТРАКТ ТЎЛОВИНИ МАЪЛУМ ҚИСМИ ТЎЛАБ БЕРИЛАДИ

📃 Ҳукуматнинг 2022 йилдаги 145-сон қарорида,

➖ Ўзбекистондаги олий таълим муассасаларида таҳсил олаётган (Таълим шаклидан қатъий назар) “Аёллар дафтари”га киритилган эҳтиёжманд хотин-қизлар ёхуд уларнинг олий таълимда таҳсил олаётган икки ва ундан ортиқ фарзандларининг бир нафарига бир маротаба БҲМнинг 15 бараваригача (5 625 000 сўмгача) тўлов-контрактини тўлаб берилиши мумкинлиги белгиланган.

⚡️Қўшимча маълумот:

➖ Ушбу имтиёздан фойдаланиш учун Оила ва хотин-қизлар давлат қўмитасига мурожаат қилининади;

➖ Маблағ «Аёллар дафтари» жамғармаси томонидан ажратилади;

➖ Маблағ ажратилишига кўмаклашувчи масъул ҳоким ёрдамчиси хисобланади.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️КРЕДИТ БЎЙИЧА КАФИЛ БИЛАН БИРГАЛИКДА ҚАРЗ ОЛУВЧИНИНГ НИМА ФАРҚИ БОР ?

✏️ Бугунги кунда кўпчилик одамлар кредит бўйича кафил ва биргаликда қарз олувчи тушунчаларини бир маъноли деб ўйлашади. Аслида эса бу тушунчалар бошқа-бошқа маънога эга.

❗️Шундай қилиб кафил ва бирга қарз олувчиларнинг ўртасида қандай фарқ бор ?

📄 Қонунчиликка кўра, асосий қарз олувчи олиниши режалаштирилган кредит бўйича тўловларни тўлаш учун етарли даромадга эга бўлмаганда, мазкур тўловларни биргаликда қоплаш учун даромадга эга бўлган бошқа жисмоний шахс, яъни биргаликда қарз олувчи жалб қилиниши мумкин.

➖ Кафиллик шартномаси бўйича эса қарздор ўз мажбуриятини тўла ёки қисман бажармаган тақдирда кафил кредит ташкилоти олдида жавоб беришни ўз зиммасига олади. Бошқача қилиб айтганда, кафилликни таъминот тури сифатида эътироф этиш мумкин.

✅ Кафилнинг биргаликда қарз олувчидан асосий фарқи шундаки, кафил қарздор томонидан мажбуриятлар бажарилмаган тақдирдагина мажбуриятларни бажарувчи сифатида иштирок этади. Биргаликда қарз олувчи эса, кредит сўндирилгунга қадар доимий равишда асосий қарз олувчи билан бир хил мажбуриятга эга бўлади.

✏️ Қиссадан-ҳисса шуки, бирор-бир танишингизга адашиб кафил бўлиб қолган бўлсангиз хам, биргаликда қарз олувчи бўлиб қолманг! Кафил бўлиб қолган бўлсангиз банк Сизни асосий қарздор қарзини узоқ вақт давомида тўламаган тақдирда безовта қилади. Биргаликда қарз олувчи бўлсангиз "безовта қилиш графигидан чиқмаган ҳолда" исталган пайтда беровта қилиши мумкин. Шунинг учун ўйнаб иш қилсангиз хам ўйлаб иш қилинг !


❗️КРЕДИТ БЎЙИЧА КАФИЛ БИЛАН БИРГАЛИКДА ҚАРЗ ОЛУВЧИНИНГ НИМА ФАРҚИ БОР ?

✏️ Бугунги кунда кўпчилик одамлар кредит бўйича кафил ва биргаликда қарз олувчи тушунчаларини бир маъноли деб ўйлашади. Аслида эса бу тушунчалар бошқа-бошқа маънога эга.

❗️Шундай қилиб кафил ва бирга қарз олувчиларнинг ўртасида қандай фарқ бор ?

📄 Қонунчиликка кўра, асосий қарз олувчи олиниши режалаштирилган кредит бўйича тўловларни тўлаш учун етарли даромадга эга бўлмаганда, мазкур тўловларни биргаликда қоплаш учун даромадга эга бўлган бошқа жисмоний шахс, яъни биргаликда қарз олувчи жалб қилиниши мумкин.

➖ Кафиллик шартномаси бўйича эса қарздор ўз мажбуриятини тўла ёки қисман бажармаган тақдирда кафил кредит ташкилоти олдида жавоб беришни ўз зиммасига олади. Бошқача қилиб айтганда, кафилликни таъминот тури сифатида эътироф этиш мумкин.

✅ Кафилнинг биргаликда қарз олувчидан асосий фарқи шундаки, кафил қарздор томонидан мажбуриятлар бажарилмаган тақдирдагина мажбуриятларни бажарувчи сифатида иштирок этади. Биргаликда қарз олувчи эса, кредит сўндирилгунга қадар доимий равишда асосий қарз олувчи билан бир хил мажбуриятга эга бўлади.

✏️ Қиссадан-ҳисса шуки, бирор-бир танишингизга адашиб кафил бўлиб қолган бўлсангиз хам, биргаликда қарз олувчи бўлиб қолманг! Кафил бўлиб қолган бўлсангиз банк Сизни асосий қарздор қарзини узоқ вақт давомида тўламаган тақдирда безовта қилади. Биргаликда қарз олувчи бўлсангиз "безовта қилиш графигидан чиқмаган ҳолда" исталган пайтда беровта қилиши мумкин. Шунинг учун ўйнаб иш қилсангиз хам ўйлаб иш қилинг !

Kanalga ulashing
@IjtimoiyLIVE 👈👈

➖@ijtimoiyLIVE➖

❗️СОЛИҚЛАРНИ ТЎЛАМАСА НИМА БЎЛАДИ ?

📃 Маъмурий жавобгарлик тўғрисидаги кодекснинг 174-моддасига кўра,

➖солиқ олинадиган фойдани (даромадни) ёки бошқа объектларни қасддан яшириш (камайтириб кўрсатиш) ёхуд солиқлар ва йиғимлар тўлашдан қасддан бўйин товлаш — фуқароларга базавий ҳисоблаш миқдорининг ўн баравари (3 750 000 сўм) миқдорида жарима солинишига сабаб бўлади.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️Жарима баллари 12 баллдан ошса ҳайдовчи транспорт воситасини бошқариш ҳуқуқидан маҳрум қилинади

⚡️Қонун билан, Маъмурий жавобгарлик тўғрисидаги кодексига киритилган қўшимчаларга кўра, қуйидагилар учун маъмурий жавобгарлик белгиланди:

🔹Йўл ҳаракати қоидабузарликлари бўйича ҳисобланадиган жарима баллари белгиланган миқдордан ошганлиги учун маъмурий жазо қўлланилиши;

🔘Бунда:

➖Белгиланган ҳуқуқбузарликлар содир этилганлиги учун транспорт воситасининг ҳайдовчисига нисбатан мазкур ҳуқуқбузарликларда назарда тутилган асосий жазо билан бирга жарима баллари ҳисобланади. Бунда содир этилган ҳар бир ҳуқуқбузарлик учун ҳисобланадиган жарима балининг энг юқори миқдори 2 баллдан ошмаслиги керак.

➖Жарима баллари белгиланган ҳуқуқбузарликлардан бири биринчи марта содир этилган кундан эътиборан бир йил давомида ҳисоблаб борилади. Ушбу модданинг биринчи қисмида назарда тутилган ҳуқуқбузарликлар учун ҳисобланган жарима баллари бир йил ўтгач транспорт воситасининг ҳайдовчисидан автоматлаштирилган тарзда ечилади.

➖Ҳисобланган жарима баллари бир йил давомида 12 баллдан ошган ҳолларда, охирги содир этилган ҳуқуқбузарлик учун белгиланган тартибда қўшимча жазо тариқасида ҳайдовчи транспорт воситаларини бошқариш ҳуқуқидан маҳрум қилинади. Бундай ҳуқуқдан маҳрум қилиш муддати 6 ойдан кам бўлмаслиги белгиланди.

🔹Сиқилган табиий газда, суюлтирилган нефть газида ёки дизель ва газсимон ёқилғи аралашмасида ишлайдиган транспорт воситаларидан фойдаланишда хавфсизлик қоидаларини бузганлик учун;

🔹Транспорт воситасида одам ташиш қоидаларини бузганлик учун;

🔹Транспорт воситаларини қувиб ўтиш қоидаларини бузганлик учун;

🔹Йўл безорилиги учун;

🔹Ҳуқуқни муҳофаза қилувчи органлар ходимларининг фото- ва (ёки) видеотасвирини уларнинг обрўсизлантирилишига олиб келадиган тарзда бузиб тарқатганлик учун.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️АҲОЛИ УЧУН ГАЗ ВА ЭЛЕКТР БЎЙИЧА БУГУНГИ КУН ҲОЛАТИГА БЕЛГИЛАНГАН ЛИМИТЛАР ҚАНЧА ?

⚡️ САВОЛ:
Ҳозирги кунда аҳолига газ ва электр учун бир ойлик белгиланган лимит қанча ?

⚡️ЖАВОБ:
✏️ Негалигини балмайман, лекин ҳар-сафар газ ва электр энергияси учун белгиланган манашу лимитларга кўзим тушганида кайфиятим бузилади. Шундай пайтларда, "Сен ёлғиз эмассан тинчлан жигарим" деб ўзимни босаман. Бу саволга ҳам имкон қадар анашу босиқлик билан жавоб беришга ҳаракат қиламан.

📄 Вазирлар Маҳкамасининг 16.04.2024 йил кунги 204-сон қарорига асосан,

❗️Электр энергияси учун белгиланган ойлик тарифлар:

➖ ойига 200 кВт соатгача — 450 сўм;
➖ ойига 201 кВт соатдан 1 000 кВт соатгача — 900 сўм;
➖ ойига 1 001 кВт соатдан 5 000 кВт соатгача — 1 350 сўм;
➖ ойига 5 001 кВт соатдан 10 000 кВт соатгача — 1 575 сўм;
➖ ойига 10 001 кВт соат ва ундан юқори — 1 800 сўм этиб белгиланган.

❗️Табиий газ учун иситиш мавсумида белгиланган ойлик тарифлар:

➖ ойига 500 куб метргача — 650 сўм;
➖ ойига 501 куб метрдан 2 500 куб метргача — 1 500 сўм;
➖ ойига 2 501 куб метрдан 5 000 куб метргача — 1 950 сўм;
➖ ойига 5 001 куб метрдан 10 000 куб метргача — 2 275 сўм;
➖ ойига 10 001 куб метр ва ундан юқори — 2 600 сўм.

✏️ Бугун беихтиёр электр энергияси бўйича расмий ташкилотларимиз берган бир маълумотга кўзим тушиб қолди. Унда айтилишича, бир ҳонадонда 11 турдаги электр жиҳозлари ишлатилса, ойига 180 кВт ток сарфланар эмиш 👀 ийи, у қандай электр жиҳозлари эканки бир ойда атига 180 кВт электр сарфласа. Ўша 11 турдаги электр жиҳозларининг ўнтаси телефон "зарядчик"ларими дейман. Ха майли, маълумот расмий ташкилотлар томонидан берилганку тўғри бўлса керакда...

✏️ Биз бу ерда мавзуга ҳазил қўшиб гапиряпмиз. Лекин, ҳақиқий ҳаётда кам ойликка ишлаб юрганлар бу лимитларни қандай тўлаяпти экан. Ҳеч қаерда ишламаётганларчи. Умуман олганда лимитлар майли, аммо ўша лимитлар хам тўғри ишлаяптими йўқми. Лимит доирасидаги хисоб-китоблар адолатли бўляптими йўқми? Ҳақиқий ҳаётдаги реал ҳолатларни билиш бизга мавзуни ёритишимиз учун кўпроқ маълумот ва имконият беради. Ушбу масала бўйича кимда низоли ҳолатлар бўйича саволлари бўлса қуйида бизга ёзиб қолдиринглар!

Kanalga ulashing
@IjtimoiyLIVE 👈👈

➖@ijtimoiyLIVE➖

❗️ҲЕЧ КИМ "АЁЛЛАР ДАФТАРИ"ДАН ШУНЧАКИ ЧИҚАРИБ ЮБОРИЛМАСЛИГИ КЕРАК !

✏️ Кўпчилик аёллар, мен "Аёллар дафтари"га киритилган эдим менга ҳеч қандай ёрдам кўрсатмасдан дафтардан чиқариб юборди деб бизга мурожаат қилишади. Ҳош, аслида "Аёллар дафтари" дан чиқариш асослари қандай ?

📄 Вазирлар Маҳкамасининг 145-сон қарори билан тасдиқланган низомга асосан,

➖ хотин-қизлар қуйидаги ҳолларда «Аёллар дафтари»дан чиқарилиши мумкин;

🟢 ҳар бир тоифа бўйича белгиланган амалий ёрдамлар тўлиқ кўрсатилганда (индивидуал дастур асосида);

🟢 тўлиқ давлат таъминотига олинганда;

🟢 ўз аризасига кўра;

🟢 «Аёллар дафтари»га ноқонуний киритилганлиги аниқланганда;

🟢 бошқа давлатларга доимий яшаш учун чиқиб кетганда;

🟢 суднинг озодликдан маҳрум этишни назарда тутувчи ҳукми қонуний кучга кирганда;

🟢 шахс вафот этган тақдирда ёки суд қарори асосида бедарак йўқолган деб топилганда.

❗️Низомда «Аёллар дафтари»га киритилган хотин-қизларнинг индивидуал дастурга киритилган масалалари тўлиқ ҳал этилгунга қадар уларни «Аёллар дафтари»дан чиқаришга йўл қўйилмайди деб кўрсатилган. Яъни, кимдир бу дафтарга киритилдими, унга қандайдир йўналишда амалий ёрдам берилиши шарт дегани бу.

✏️ Агар кимдадир бу каби дафтарларга киритишда ёки дафтарлардан чиқариш жараёнида ноқонуний ҳолатлар кузатилган бўлса қуйида бизга ёзиб қолдиринг!

Kanalga ulashing
@IjtimoiyLIVE 👈👈

➖@ijtimoiyLIVE➖

❗️ИЖАРАДА ЯШАЙДИГАН ЁШ ОИЛАЛАРНИНГ ИЖАРА ТЎЛОВИ ТЎЛАБ БЕРИЛАДИ

📃 Вазирлар Маҳкамасининг 07.06.2022 йил кунги 312-сон қарори билан тасдиқланган Низомга асосан,

➖ "ёшлар дафтари"га киритилган ёшларга бир-қатор енгилликлар берилган.

❗️Жумладан:

✅  Мазкур низомга асосан «Ёшлар дафтари» жамғармалари хисобидан ижтимоий ҳимояга муҳтож ёш оилаларга ҳар ойда базавий хисоблаш миқдори (ҳозирги кунда 375 000 сўм)нинг 3 баравари (1 125 000 сўм)дан ошмаган миқдорда 12 ойгача турар жой ижараси учун субсидия ажратилиши белгиланган.

Kanalga ulashing
@IjtimoiyLIVE 👈👈

➖@ijtimoiyLIVE➖

✔️Қонунчиликка кўра, йўловчилар метрополитендан фойдаланишда қуйидаги ҳуқуқларга эга:

🔹ўзлари билан биргаликда 7 ёшгача бўлган болаларини, болалар ва ногиронлиги бўлган шахслар аравачаларини, болалар велосипедларини, мусиқа асбобларини бепул олиб юриш;

🔹ногиронлиги бўлган ва имконияти чекланган шахслар томонидан метрополитеннинг техник воситаларидан фойдаланиш, заруратга кўра тегишли ходимлардан ёрдам олиш;

🔹бекатларни ҳаваскорлик фото ва видеотасвирга олиш;

🔹бекатларда жойлашган тиббий пунктлар ёрдамидан фойдаланиш;

🔹телефон ва алоқа воситаларидан фойдаланиш.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️Пиёдалар ўтиш жойида ҳаракатланаётганда тақиқланади !!!

👉 телефондан фойдаланиш;

👉 китобларни ёки даврий нашрларни ўқиш;

👉 видеоматериалларни томоша қилиш;

👉 аудиоматериалларни эшитиш;

👉 эътиборни чалғитадиган бошқа электрон воситалардан фойдаланиш;

❌ Юқоридаги каби ҳолатлар
шунингдек йўлнинг ҳаракат қисмини белгиланмаган жойлардан кесиб ўтиш;

❗️БҲМнинг учдан бир қисми миқдорида жарима солишга сабаб бўлади.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️16 ёшга тўлган шахс ўз ФИО-сини ўзи ўзгартириши мумкин!

📃 Оила кодексининг 226-моддасига асосан,

➖ Фамилияни, исмни ва отанинг исмини ўзгартириш ҳақидаги аризалар ариза берувчи ўн олти ёшга тўлгандан кейин фуқаролик ҳолати далолатномаларини ёзиш органи томонидан, ушбу шахснинг доимий яшаш ёки вақтинча турган жойи бўйича рўйхатдан ўтган жойдан қатъи назар, кўриб чиқилади.

✅ Фамилия, исм ва ота исмини ўзгартириш тўғрисидаги хулоса ички ишлар органлари томонидан ушбу шахс тегишлича текширувдан ўтказилгандан кейингина тузилиши мумкин.

❗️Агар Фуқаролик ҳолати далолатномаларини ёзиш органи фамилия, исм ва ота исмини ўзгартиришни рад этса рад этилганлик ҳолати бўйича манфаатдор шахс судга шикоят билдириш ҳуқуқига эга.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️ТОМОРҚАНГИЗДА МЕҲНАТ ҚИЛИБ ХАМ РАСМИЙ МЕҲНАТ СТАЖИГА ЭГА БЎЛИШИНГИЗ МУМКИНЛИГИДАН ҲАБАРДОРМИСИЗ ?

📃 Президентнинг 366-сон қарорига кўра,

➖ ўзининг шахсий томорқа ер участкасида қуйидаги фаолият турлари билан шуғулланаётган фуқаролар томонидан йилига БҲМнинг камида 1 баравари (375 минг сўм) миқдорида ижтимоий солиқ тўланган тақдирда, улар расмий банд бўлган аҳоли тоифасига киритилади ва ушбу давр уларнинг меҳнат стажига қўшилади:

✅ чорвачилик (қорамол, қўй, эчки, от ва бошқалар);

✅ иссиқхона;

✅ паррандачилик (бедана, курка, ғоз, ўрдак);

✅ қуёнчилик;

✅ асаларичилик;

✅ балиқчилик;

✅ боғдорчилик;

✅ лимончилик;

✅ гулчилик.

✏️ Маълумот учун: ўзини ўзи банд қилиш учун ижтимоий солиқ йилига бир марта тўланади ва ижтимоий солиқ тўланган йил учун ўзини банд қилдирган шахсга бир йиллик меҳнат стажи ёзилади. Шу йўсинда шахс ўн йил ўзини ўзи банд қилиш учун шундай солиқ тўланса у ўн йил меҳнат стажига эга бўлади.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️БУГУНГИ КУН ҲОЛАТИГА БОЛАЛАР НАФАҚАСИ ВА МОДДИЙ ЁРДАМНИНГ АНИҚ МИҚДОРЛАРИ

📃 Президентнинг  11.08.2021 йил кунги ПФ–6277-сон фармонига кўра,

❗️ Болалар нафақаси ва моддий ёрдамнинг ҳар ойлик миқдори:

🟢 250 000 сўм – 3 ёшдан 18 ёшгача бўлган битта фарзанд учун,

🟢 325 000 сўм – ёши 3 ёшгача бўлган битта кичик фарзанд учун;

🟢 150 000 сўм – оиланинг иккинчи фарзанди учун қўшимча;

🟢 100 000 сўмдан – оиланинг учинчи ва ундан кейинги ҳар бир фарзанди учун;

❗️ Кам таъминланган оилалар учун моддий ёрдамнинг ойлик миқдори – 380 000 сўм.

✏️ Болалар нафақаси ва моддий ёрдам олиш бўйича кимда ўзини қийнаб келаётган саволлари бўлса қуйида бизга ёзиб қолдиришлари мумкин!

Kanalga ulashing
@IjtimoiyLIVE 👈👈

➖@ijtimoiyLIVE➖

❗️ТУНГИ ВАҚТДА ШОВҚИН КЎТАРГАН ШАХСЛАРГА ЖАВОБГАРЛИК БОР!

📄 Маъмурий жавобгарлик тўғрисидаги кодекснинг 192-моддасига асосан,

➖ тунги вақтда — соат 23.00 дан 06.00 гача — фуқароларнинг осойишталиги ва нормал дам олишини бузиш, яъни баланд овоз билан қўшиқ айтиш, мусиқа чалиш, товуш сигналлари бериш, хонадонларда, турар жойларнинг йўлаклари ва эшикларида, кўчаларда овози баланд қилиб қўйилган телевизорлар, радиоприёмниклар, магнитофонлар ва овоз чиқарувчи бошқа аппаратуралардан фойдаланиш, турар жой биноларида ва улардан ташқарида жуда зарур бўлмагани ҳолда шовқин чиқарувчи ишлар қилиш, шунингдек маиший шовқинга қарши кураш талабларини бузувчи бошқа ҳаракатларни содир этиш — фуқароларга базавий ҳисоблаш миқдорининг учдан бир қисми, мансабдор шахсларга эса — учдан бир қисмидан иккидан бир қисмигача миқдорда жарима солишга сабаб бўлади.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️ЎЗИНГИЗНИ БАНД ҚИЛДИРИШГА ШОШИЛМАНГ !!!

➖ Болалар нафақасини олишда кўпчилик ишсиз шахслар Солиқ органига бориб ўзини ўзи банд қилса болалар нафақаси ёки моддий ёрдам пулини олишим мумкин деб ўйлайди, лекин бу хар доим хам тўғри эмас. Бунинг сабаби Ҳукуматнинг 654-сон қарори билан тасдиқланган Низомда, ўзини ўзи банд қилган фуқароларнинг даромадлари миқдорини аниқлашда даромад аниқланаётган даврда меҳнатга ҳақ тўлаш энг кам миқдори (2024 йил 1 октябрдан бошлаб 1 155 000 сўм) нинг икки баравари (2 310 000 сўм) миқдорига тенг бўлган бир ойлик ўртача норматив даромад қабул қилинади деб белгиланган.

✏️ Бу нима дегани ? Агар Сиз ўзини ўзи банд қилган шахс сифатида рўйхатга олинсангиз ўз-ўзидан Сиз меҳнатга ҳақ тўлаш энг кам миқдорининг икки бараварини топаётган шахсга айланасиз. Яъни, Сизни бир ойлик даромадингиз 2 310 000 сўм деб хисобланади. Сиз агар оилада бир нафар фарзандингизга болалар нафақаси олмоқчи бўлсангиз Сизни ўзини ўзи банд қилганликдаги даромадингиз киши бошига болалар нафақасини олиш учун белгиланган минимал истеъмол ҳаражатлари миқдоридан ошиб кетади ва аризангиз Сиз топаётган даромад юқоридаги низомда белгиланган норматив даромаддан ошиб кетди деб қайтарилади. Ижтимоий нафақа олишда ўзини ўзи банд қилиш кўпроқ икки ва ундан кўп болали оилаларга фойдали бўлиши мумкин.

✏️ Агар Сиз меҳнат стажига эга бўлиш учун ўзингизни банд қилмоқчи бўлсангиз марҳамат, муаммо йўқ. 375 000 сўм Солиқ органига тўлаб бир йиллик меҳнат стажига эга бўлишингиз мумкин. Агар, айнан болалар нафқасини олиш учун ўзингизни банд қилдирмоқчи бўлсангиз бунга шошилмаган маъқулроқ!

Kanalga ulashing
@IjtimoiyLIVE 👈👈

➖@ijtimoiyLIVE➖

❗️ЭРКАКЛАР ҲАМ АЁЛЛАР ХАМ МУДДАТИДАН ИККИ ЙИЛ ОЛДИН ЁШГА ДОИР ПЕНСИЯГА ЧИҚИШИ МУМКИНЛИГИДАН ҲАБАРДОРМИСИЗ?

📃 "Фуқароларнинг давлат пенсия таъминоти тўғрисида"ги қонуннинг 14-моддасига кўра,

▪️ технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:

➖ Эркаклар — 58 ёшга тўлганда ва иш стажи камида 25 йил бўлган тақдирда;

➖ Аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар деб белгиланган.

✏️ Демак, штатига қисқартириш келган ҳодим муддатидан икки йил аввал пенсияга чиқиши мумкин, фақат бунинг учун у юқорида кўрсатилган ёшга ва иш стажига эга бўлиши хамда меҳнат органларида ишсиз деб эътироф этилган бўлиши керак.

✏️ Пенсия миқдорлари, ногиронлик пенсиясига чиқиш, пенсияга чиқиш вақтида иш стажининг архив базаларидан топилмаслик ҳолатлари бўйича  ва бошқа қўшимча саволларингиз бўлса қуйида бизга ёзиб қолдиринг!

Kanalga ulashing
@IjtimoiyLIVE 👈👈

➖@ijtimoiyLIVE➖

❗️Ҳарбий хизматни ўташ билан боғлиқ муносабатлар тартибга солинади

Қарор (ПҚ-21-сон, 23.01.2025 й.) билан Президентнинг айрим қарорларига ўзгартириш ва қўшимчалар киритилди

⚡️Унга кўра, Президентининг айрим қарорларига ҳарбий хизматни (хизматни) ўташ билан боғлиқ чекловлар ўрнатишни назарда тутувчи ўзгартириш ва қўшимчалар киритилди.

✅ Жумладан:

📕 Ички ишлар органларида хизматни ўташ тартиби тўғрисидаги низомига киритилган қўшимчага кўра:

▪️Ички ишлар органлари хизматига кириш истагини билдирган фуқаро “Ички ишлар органлари тўғрисида”ги Қонунида белгиланган ички ишлар органларида хизматни ўташ билан боғлиқ чекловлар билан ёзма шаклда таништирилади.

▪️Мазкур чекловларга рози бўлган ҳамда вазирликнинг махсус талабларига жавоб берадиган номзодлар ички ишлар органлари хизматига қабул қилинадилар.

📕Шунингдек, давлат божхона хизмати органларида хизматни ўташ тўғрисидаги низомга киритилган қўшимчага кўра:

▪️Божхона органларида хизматни ўташ билан боғлиқ қонун ҳужжатларида белгиланган чекловларга риоя этишни рад этган ёки махсус талабларга жавоб бермайдиган фуқаролар хизматга қабул қилиниши мумкин эмаслиги белгиланди.

📕 Бундан ташқари, фуқароларининг ҳарбий хизматни ўташ тартиби тўғрисидаги низомига киритилган қўшимчага кўра:

▪️Контракт бўйича ҳарбий хизматга кириш истагини билдирган фуқаро “Умумий ҳарбий мажбурият ва ҳарбий хизмат тўғрисида”ги Қонунида ва ҳарбий хизмат шартларида назарда тутилган ҳарбий хизматни ўташ билан боғлиқ бўлган чекловлар ҳамда махсус талаблар билан ёзма шаклда таништирилади.

▪️Мазкур чекловлар билан контракт тузишга рози бўлган ҳамда вазирликларнинг махсус талабларига жавоб берадиган номзодлар контракт бўйича ҳарбий хизматга қабул қилинадилар.

Kanalga ulashing
@IjtimoiyLIVE 👈👈

➖@ijtimoiyLIVE➖

❗️"ПРАВАСИ РИШОН" БЎЛГАНЛАР МУДДАТИДАН ОЛДИН ЧЕКЛОВДАН ҚУТИЛИШИ МУМКИНМИ ?

⚡️САВОЛ:
Мени "правам" бир йил олдин бир йилу олти ойга "ришон" бўлган эди. Шуни тўлиқ муддат тугамасдан чекловдан қутилишим мумкинми ?

⚡️ЖАВОБ:
Маъмурий жавобгарлик тўғрисидаги кодекснинг 343-моддасига асосан,

➖ муайян муддатга транспорт воситасини бошқариш ҳуқуқидан маҳрум этилган шахс меҳнатга ҳалол муносабатда бўлиши ва намунали хулқ-атвори билан ўзини кўрсатган тақдирда, унга нисбатан жазо қўллаган жиноят ишлари бўйича суд бундай ҳуқуқдан маҳрум қилиш муддатини белгиланган муддатнинг камида ярми ўтгач ва суд томонидан тайинланган жарима тўлангач, корхона, муассаса, ташкилот маъмуриятининг илтимоси билан қисқартириши мумкинлиги белгиланган.

✏️ Сизни ҳайдовчилик гувоҳномангиз бир йил олдин бир йил олти ойга "ришон" бўлган бўлса, демак белгиланган муддатни ярмидан кўпи ўтибди. Энди Сиз ишлаётган ташкилот маъмурияти шу фуқарони транспорт воситасини бошқариш ҳуқуқидан маҳрум этилган муддатини қисқартиришингизни сўраймиз деган мазмундаги илтимоснома билан судга мурожаат қилса, суд томонидан 1 йил 6 ой тўлиқ тугамасидан Сизни автомашина бошқариш ҳуқуқингиз қайта тикланиши мумкин.

Kanalga ulashing
@IjtimoiyLIVE 👈👈