Mirzo Ulug‘bek nomidagi O‘zbekiston Milliy universiteti Ijtimoiy fanlar fakultetida tegishli mas’ullar, jumladan, Rektor maslahatchisi J.Ro‘ziyev, Korrupsiyaga qarshi kurashish “Komplaens nazorat” tizimini boshqarish bo‘limi xodimi M.Abduraxmonov va guruh tyutori B.Boyqulov ishtirokida talabalar bilan profilaktik suhbat bo‘lib o‘tdi.
Ma’ruzachilar o‘z so‘zlarida talabalarning yot va buzg‘unchi g‘oyalar ta’siriga tushib qolmasligi, yoshlar o‘rtasida giyohvandlik vositalari, psixatrop moddalar va kuchli ta’sir qiluvchi preparatlarning iste’moli hamda noqonuniy aylanishi bilan bog‘liq holatlarni oldini olish, turli xil korrupsion holatlarni bartaraf etish, huquqbuzarliklarning oldini olish borasida tushunchalar berib o‘tildi.
Davra suhbati yakunida talaba-yoshlar o‘zlarini qiziqtirgan savollariga javob olishdi.

@ijtimoiyfanuz