Ijtimoiy himoya milliy agentligi Namangan viloyati boshqarmasi joriy yilning 22-yanvar kuni ijtimoiy tarmoqda yo’llangan “Mannonov Abdulvohidni sovuq kunlarda ko’chada boshpanasiz qolganligi” mazmunidagi murojaati bo’yicha quyidagilarni ma’lum qiladi: 

To’raqo’rg’on va Mingbuloq tumanlari “Inson” ijtimoiy xizmatlar markazlari mas’ullari tomonidan shu kunni o’zidayoq murojaat o’rganildi.

Fuqaro Mannonov Abdulvohid Abdurahmonovich 1959-yil Namangan viloyati To’raqo’rg’on tumanida tug’ilgan. Oilali, 4 nafar farzandi bor. Oilaviy nizo tufayli hozirda turmush o’rtog’i bilan birga yashamasligi ma’lum bo’ldi. Nafaqada, ayni kunlarda Mingbuloq tumanidagi “Mingbuloq betakror zamin” fermer xo’jaligida qorovul vazifasida ishlab kelmoqda. Sog’lig’i yaxshi. Nomida uy-joyi mavjud.

Fuqaro bilan suhbatlashilganda asosiy maqsadi oilasi istiqomat qilayotgan uy (8 sotixli hovli)ni bo’lib olish ekanligini bildirgan.

Mannonov Abdulvohidni doimiy yashash manzili To’raqo’rg’on tumani Obod MFYga olib kelindi hamda mahalla faollari ishtirokida turmush o’rtog’i bilan yarashtirib qo’yildi.

Shuningdek, mazkur oilaga tuman “Inson” ijtimoiy xizmatlar markazi tomonidan bir nechta ijtimoiy xizmatlar ko’rsatilishi rejalashtirildi.

🟢Ijtimoiy himoya milliy agentligi Namangan viloyati boshqarmasi matbuot xizmati

Rasmiy sahifalarimiz👇
📝Telegram |  📝Facebook | 💻 Instagram