🇺🇿🇰🇷 O‘zbekiston nomoddiy madaniy merosini raqamli targ‘ib qilish bo‘yicha xalqaro loyiha shartnomasi imzolandi

⚡️ Madaniyatshunoslik va nomoddiy madaniy meros ilmiy-tadqiqot instituti hamda Osiyo-Tinch okeani mintaqasida nomoddiy madaniy meros muhofazasi bo‘yicha YUNESKO markazi (ICHCAP) o‘rtasida O‘zbekistonning nomoddiy madaniy merosini raqamlashtirish va xalqaro miqyosda targ‘ib qilishga qaratilgan hamkorlik loyihasi bo‘yicha shartnoma imzolandi.

🤝 Loyiha ichLinks National Page for Uzbekistan — O‘zbekiston nomoddiy madaniy merosiga bag‘ishlangan milliy sahifani yaratishni nazarda tutadi. Mazkur tashabbus ICHCAPning 30 ta davlat nomoddiy madaniy merosiga oid axborot resurslarini birlashtirgan ichLinks platformasi doirasida amalga oshirilib, O‘zbekistonning boy va rang-barang nomoddiy madaniy merosini yagona raqamli makonda tizimli ravishda namoyish etishga xizmat qiladi.

💰 Mazkur loyiha bo‘yicha shartnoma qiymati 12 000 000 koreys vonini (KRW) tashkil etadi.

📌 Loyiha doirasida O‘zbekistonning nomoddiy madaniy meros elementlari haqidagi ma’lumotlarni to‘plash, shakllantirish va tizimlashtirish, foto va videomateriallarni jamlash, ularni raqamli formatda tayyorlash hamda ichLinks platformasidagi milliy sahifaga joylashtirish ko‘zda tutilgan.

⚡️ Shuningdek, milliy sahifani o‘zbek, ingliz va koreys tillarida yuritish orqali O‘zbekiston nomoddiy madaniy merosi haqidagi ishonchli va tizimlashtirilgan ma’lumotlarni xalqaro foydalanuvchilarga taqdim etish, meros namunalarini xalqaro miqyosda keng targ‘ib qilish va ularning xorijiy auditoriya uchun ochiqligini ta’minlash nazarda tutilmoqda.

🫠 Kelgusida loyiha doirasida tegishli ma’lumotlar bazasini shakllantirish, kontentni muntazam yangilab borish, raqamli resurslarni boshqarish hamda O‘zbekiston nomoddiy madaniy merosini xalqaro axborot makonida keng targ‘ib etishga qaratilgan qo‘shma ishlarni amalga oshirish rejalashtirilgan.

✅ Mazkur shartnomaning imzolanishi O‘zbekiston nomoddiy madaniy merosini raqamli muhitda hujjatlashtirish, tizimlashtirish va xalqaro miqyosda ommalashtirish yo‘lidagi muhim amaliy qadam bo‘lib, ICRICH va ICHCAP o‘rtasidagi hamkorlikning yangi bosqichini boshlab beradi.

#ICRICH #ICHCAP #ichLinks #NomoddiyMadaniyMeros #Raqamlashtirish #XalqaroHamkorlik

🌍icrich.uz|🕊Telegram|📱Facebook|📱Instagram|🕊X|📺YouTube