Ta'limga rag'bat.
Ta’lim sohasiga rag‘batni oshirish bugungi kunning dolzarb masalalaridan biridir. Bir kuni Eronlik MMA treneri bilan suhbatlashib qoldim. Unga taksi chaqirib bergan paytimda, "O‘zbekistonda boshlang‘ich ta’lim ustozlarining oyligi qancha?" deb so‘radi. "Taxminan 300 dollar," dedim. "Sizlardachi?" desam, u qisqa qilib, “Like bullshit,” deb javob berdi. Eronlik ustozlarning maoshi 250-270 dollar atrofida ekan. Eng hayratlanarlisi, u aslida maktab o‘qituvchisi, ya’ni asosiy kasbi ustozlik. Shunchaki daromad yetishmasligi sababli trenerlik va tarjimonlik bilan ham shug‘ullanishiga to‘g‘ri kelarkan.
Bu holat meni o‘ylantirib qo‘ydi. Chunki, xohlaymizmi-yo‘qmi, pul kasbimizda va qilayotgan ishimizda muhim ahamiyat kasb etadi. Ming ishingizni sevgan bo‘lsangiz ham, agar u daromad jihatidan sizni qoniqtirmasa, unda o‘sha mehnat ma’nosizdek tuyuladi.
Jamiyatda ustozning o‘rni beqiyos, lekin ularning ishiga bo‘lgan e’tibor darajasi ham shunga mos bo‘lishi kerak. Universitetlarda maoshlar nisbatan yaxshi bo‘lishi mumkin, ammo maktablarda bu masala achinarli darajada past. Ehtimol, agar o‘sha Eronlik ustozning maoshi yetarli bo‘lganida, u boshqa ishlar bilan band bo‘lib yurmagan, o‘z kasbiga ko‘proq e’tibor qaratgan bo‘larmidi? Shunda bolalarga yaxshiroq ta’lim berish ustida bosh qotirar, qanday qilib yanada samarali dars o‘tish haqida o‘ylagan bo‘larmidi?
Bizning maktab o‘quvchilaridan ko‘p eshitaman: “Ustozlar darsni yaxshi tushuntirmaydi, umuman hech narsani anglamaymiz.” Bu holat afsuski, ko‘p joyda haqiqatga yaqin. Chunki, maktablarda o‘qituvchilar orasida “oylikni olish uchun vaqtni o‘tkazish” kabi yondashuv shakllangan.
Ta’lim sifatini oshirishni o‘ylasak, avvalo, ustozlarning moddiy ahvolini yaxshilash lozim. Chunki, o‘qituvchi moliyaviy jihatdan qiynalganida, barcha e’tiborini faqat darsga qaratishi qiyin. Bu esa jamiyatning kelajagiga, ya’ni yosh avlodning bilimiga ta’sir qiladi.
Ta’limni rivojlantirish – jamiyatni rivojlantirish bilan teng. Shu sabab, ustozlarimizning mehnatini qadrlash, ularning sharoitini yaxshilash hammamizning burchimizdir.
Ta’lim sohasiga rag‘batni oshirish bugungi kunning dolzarb masalalaridan biridir. Bir kuni Eronlik MMA treneri bilan suhbatlashib qoldim. Unga taksi chaqirib bergan paytimda, "O‘zbekistonda boshlang‘ich ta’lim ustozlarining oyligi qancha?" deb so‘radi. "Taxminan 300 dollar," dedim. "Sizlardachi?" desam, u qisqa qilib, “Like bullshit,” deb javob berdi. Eronlik ustozlarning maoshi 250-270 dollar atrofida ekan. Eng hayratlanarlisi, u aslida maktab o‘qituvchisi, ya’ni asosiy kasbi ustozlik. Shunchaki daromad yetishmasligi sababli trenerlik va tarjimonlik bilan ham shug‘ullanishiga to‘g‘ri kelarkan.
Bu holat meni o‘ylantirib qo‘ydi. Chunki, xohlaymizmi-yo‘qmi, pul kasbimizda va qilayotgan ishimizda muhim ahamiyat kasb etadi. Ming ishingizni sevgan bo‘lsangiz ham, agar u daromad jihatidan sizni qoniqtirmasa, unda o‘sha mehnat ma’nosizdek tuyuladi.
Jamiyatda ustozning o‘rni beqiyos, lekin ularning ishiga bo‘lgan e’tibor darajasi ham shunga mos bo‘lishi kerak. Universitetlarda maoshlar nisbatan yaxshi bo‘lishi mumkin, ammo maktablarda bu masala achinarli darajada past. Ehtimol, agar o‘sha Eronlik ustozning maoshi yetarli bo‘lganida, u boshqa ishlar bilan band bo‘lib yurmagan, o‘z kasbiga ko‘proq e’tibor qaratgan bo‘larmidi? Shunda bolalarga yaxshiroq ta’lim berish ustida bosh qotirar, qanday qilib yanada samarali dars o‘tish haqida o‘ylagan bo‘larmidi?
Bizning maktab o‘quvchilaridan ko‘p eshitaman: “Ustozlar darsni yaxshi tushuntirmaydi, umuman hech narsani anglamaymiz.” Bu holat afsuski, ko‘p joyda haqiqatga yaqin. Chunki, maktablarda o‘qituvchilar orasida “oylikni olish uchun vaqtni o‘tkazish” kabi yondashuv shakllangan.
Ta’lim sifatini oshirishni o‘ylasak, avvalo, ustozlarning moddiy ahvolini yaxshilash lozim. Chunki, o‘qituvchi moliyaviy jihatdan qiynalganida, barcha e’tiborini faqat darsga qaratishi qiyin. Bu esa jamiyatning kelajagiga, ya’ni yosh avlodning bilimiga ta’sir qiladi.
Ta’limni rivojlantirish – jamiyatni rivojlantirish bilan teng. Shu sabab, ustozlarimizning mehnatini qadrlash, ularning sharoitini yaxshilash hammamizning burchimizdir.