Oliy ta'lim fan va innovatsion vazirligiga Nodavlat OTM — Toshkent texnologiyalar universitetining (TTU) «Yurisprudensiya» talabalari nomidan murojaatnoma. Xabaringiz bor Vazirlik yaqinda yopilayotgan nodavlat OTM lar talabalarining o'qishini ko'chirish masalasida bayonot berdi.
Ammo bu bayonotda nodavlat OTM larda tahsil olayotgan
«Yurisprudensiya» talabalarining bir qator savollari ochiq qolgan.
Birinchidan, vazirlik aytib o'tdiki, yopilayotgan nodavlat OTM lar talabalari davlat OTM lariga o'z o'qishlarini imtihon asosida ko'chirishlari mumkin deb tushuntirish berildi. Ammo bu jarayonni tartibga soluvchi
PQ-200 sonli qarorida litsenziyasi bekor qilingan nodavlat OTM talabasi davlat oliygohiga
qaysi tartibga asosan o'qishni ko'chirishi ko'rsatilmagan. Oliy ta'lim, fan va inovatsiyalar vazirligi talabalarning o'zlari ariza yozgan davlat yoki novdalatniga ko'chirish mumkinligi aytasada lekin
davlat oliygohiga o'qishni ko'chirish imtihon asosida amalga oshirilishini aytmoqda. Nega qonunda aniq belgilanmagan holat talabalarga qiyin yo'l bilan hal etilmoqda ?! Ikkinchidan, bilamizki Respublikamizdagi barcha ta'lim yo'nalishlari ichida, o'qishni ko'chirishda eng yuqori ball (
140 ball) «Yurisprudensiya» yo'nalishi hisoblanadi. Bundan tashqari davlat oliygohlaridagi «Yurisprudensiya» fakultetlari
qabul hajmi ancha kam hisoblanadi. Shu va boshqa jihatlar yopilayotgan nodavlat OTM lar «Yurisprudensiya» talabalari hamda boshqa yo'nalishlar o'rtasida
ijtimoiy tenglik buzilishi mumkinligi hisobga olinganmi ?!Uchinchidan, vazirlik xabar berishicha yopilayotgan nodavlat OTM «Yurisprudensiya» yo'nalishi talabalari o'z o'qishlarini davlat oliygohiga ko'chirishni istamasa yoki yetarli ball to'play omasa, talaba o'z o'qishini
nodavlat oliygohdagi «Yurisprudensiya» yo'nalishiga imtihonsiz ko'chirishi mumkinligi aytilgan.
Bu yerda vazirlik tomonidan O'zbekiston
Kasaba uyushmasi qoshidagi Mehnat va Ijtimoiy munosabatlar akademiyasini aytib o'tilgan.
Yopilayotgan OTM lar ichida esa yagona yuridik yo'nalish
Toshkent texnologiyalar universiteti (TTU) dagi
«Yurisprudensiya: biznes huquqi» yo'nalishi hisoblanadi.
Vazirlik taklif etayotgan nodavlat OTM larida
biznes huquqi bo'yicha yo'nalish mavjud emas. Umuman olganda yopilayotgan nodavlat OTM «
Yurisprudensiya» talabalarida tanlov huquqi juda cheklangan.
To'rtinchidan, Vazirlik tomonidan nodavlat OTM larning «Yurisprudensiya» talabalariga taklif etilayotgan
Akademiyaga o'qishni ko'chirishda ham bir qator savollar keltirib chiqarmoqda.
Avvalambor ushbu Akademiya qamrovi yopilayotgan nodavlat OTM lar «Yurisprudensiya» yo'nalishi talabalarini
qabul qilish imkoniga egami ?! O'qish ko'chirilganda o'quv dasturlari qanday moslashtiriladi ?!
Eng muhim masalalardan biri ushbu Akademiya
to'lov kontrakti va yopilayotgan nodavlat OTM to'lov kontrakti o'rtasidaga farq qanday hal etiladi.
Misol uchun yopilayotgan TTU «Yurisprudensiya» yo'nalishining
kunduzgi ta'lim shaklida
bir yillik kontrakt miqdori 20 million so'mni tashkil etgan bo'lsa, Kasaba uyushmasining
Akademiyasida bir yillik kontrakt miqdori 27 million so'm hisoblanadi. Bu farq
sirtqi ta'lim shaklida ham mavjud. Ya'ni talaba o'z o'qishini boshqa nodavlat oliygohga ko'chirganda kontrakt miqdori oshishi mumkin. Bu esa talabada ba'zi moliyaviy jihatdan to'g'ri kelmasligi mumkin.
Yuqorida sanab o'tilgan va boshqa holatlar hamda savollar yuzlab talabalarni qiziqtirmoqda.
Oliy ta'lim vazirligi (OTFIV) dan ushbu holatlarga e'tibor qaratishini hamda talabalar taqdiriga befarq bo'lmasligini so'rab qolamiz.
Toshkent texnologiyalar universiteti talabalari.➡️
@Huquqshunos_bloger