АНТИКОР

Порадан сақланинг!

09.01.2025 йилда Сирдарё вилоятидаги туманлардан бирининг йўллардан фойдаланиш корхонаси директори 5 минг АҚШ доллари билан тезкор қидирув тадбирида ушлангани айтилмоқда.

Жиноят содир этганликда айбланаётган шахс унинг айби қонунда назарда тутилган тартибда ошкора суд муҳокамаси йўли билан исботланмагунча ва суднинг қонуний кучга кирган ҳукми билан аниқланмагунча айбсиз деб ҳисобланади.

@huquq_ustuvor⚖

Шаҳрихон туманида мактаб ўқитувчиси М. Н.дан фарзандига баҳо қўйишни талаб қилган ота-она суд томонидан жаримага тортилди. Ўқитувчи ҳуқуқбузар ота-онадан моддий ва маънавий зарар ҳам ундириб олди.

Ўқувчининг ота-онаси С. С. ҳамда Г. С. ўқитувчининг яшаш хонадонига келиб, фарзандига баҳо қўйишини айтиб, унинг билимини тўғри ва холис баҳоланишига таъсир кўрсатган ҳамда педагогнинг хизмат вазифаларини бажаришига тўсқинлик қилган.

Ҳуқуқбузарлик ҳолати жиноят ишлари бўйича Шаҳрихон тумани судида кўриб чиқилган ҳамда ота-онанинг ҳар бирига Маъмурий жавобгарлик тўғрисидаги кодекснинг 197-5-моддаси (таълим ташкилоти педагог ходимининг касбий фаолиятига қонунга хилоф равишда аралашиш ёки ўз хизмат вазифаларини бажаришига тўсқинлик қилиш) 1-қисми билан базавий ҳисоблаш миқдорининг 7 баравари миқдорида маъмурий жарима жазоси тайинланди.

Шундан сўнг ҳолат бўйича жабрланувчи деб эътироф этилган М. Н. фуқаролик ишлари бўйича Бўстон туманлараро судига даъво ариза билан мурожаат қилиб, ўқувчисининг ота-онасидан содир этилган маъмурий ҳуқуқбузарлик оқибатида етказилган моддий зарар учун 3 миллион 325 минг сўм, маънавий зарар учун эса 3 миллион сўм ундириш ҳақида ҳал қилув қарори қабул қилишни сўраган.

Бироқ даъвогар суд мажлисида жавобгарлар билан ҳуқуқбузарлик оқибатида етказилган зарарларни ундириш масаласида келишиб олганлигини таъкидлаган. Шу боис суд арз қилинган талабдан воз кечишни қабул қилиб, фуқаролик ишини иш юритишдан тугатиш ҳақида ажрим чиқарди.

@huquq_ustuvor⚖

Иномарка машинани 2000 долларга ижарага олиб, 2 млн га карнай-сурнайни обкелиб, 1000 долларга камерани олиб келиб, боласини туғриқхонадан олиб чиқаётиб 50 минг сўм сўраганим учун порталга ёзворибди номард!

Доктор ҳасрати

@huquq_ustuvor⚖

Айбсизлигини исботлаб оқланди, сўнг адвокат бўлди...

1998 йилда 17 ёшли Жаррет Aдамс гуруҳда номусга тегишда айбланиб, 20 йилга қамалади.

Аксига олиб, давлат томонидан тақдим этилган адвокат унга ҳеч қандай ёрдам бермайди (ахир у қора танли эдида).

“Бизни бир хил жиноятда айблашди, бироқ муаммо муносиб хуқуқий ҳимоя қилишда эди”
дейди у.

Бир ярим йил панжара ортида ўтиргандан сўнг, унинг камерадоши юриспруденция билан шуғулланишни, адвокати нима нотўғри қилгани ва хатоларини қандай тузатишни маслаҳат беради. У қамоқхона кутубхонасига доимий ташриф буюриб, жиноят ҳуқуқи адабиётларини топади ва ўз устида ишлайди.

8 йил ўтгач, Aдамс ўзининг айбсизлиги ҳақидаги далилларни тўплаб, суддан ишини қайта кўриб чиқишни сўрайди. Бироқ бу сафар у ўзини ўзи ҳимоя қилишга қарор қилади. Натижада бу қарор ўзини оқлайди, ҳукм бекор қилиниб, у озодликка чиқади.

Сўнг, у коллежга ўқишга кирди ва жиноят ҳуқуқи бўйича бакалавр даражасини олди. 2015 йилда эса Чикаго университети юридик факултетини тамомлаб, адвокат бўлиб ишлашни бошлайди.

Шундан бери Aдамс сохта айбловга учраган инсонларга фаол ёрдам бериб келмоқда.

Айтмоқчи бўлганим шуки, қандайдир сабаблар сизни ҳеч қачон адолатни қарор топтиришга, ҳақиқатни юзага чиқаришга бўлган урунишингизга таъсир ўтказмасин. Адолат тантанаси учун курашишда чарчаманг!

Ҳар ким муносиб ҳимояга эга бўлишга ҳақли. Ҳаракат биздан эканлигини унутманг!

@huquq_ustuvor⚖