HR MKBANK

🚀 Sattorov Chori Toshmamatovich – Avtomatlashtirilgan bank tizimlari departamenti direktori!

🟡 Joriy yilning aprel oyidan Chori Sattorov Avtomatlashtirilgan bank tizimlari departamenti direktori etib tayinlandi.

📈 Karyera yoʻli:
Chori Sattorov Abu Rayhon Beruniy nomidagi Toshkent davlat texnika universitetining informatika va axborot texnologiyalari yoʻnalishini tamomlagan. 1994-yilda karyerasini boshlagan. 2006-yilda MKBANK Jamoasiga qoʻshilgan. 2009-yilda Axborot texnologiyalari departamenti dasturiy ta'minot boshqarmasi hisoblash tarmogʻi, elektron pochta va elektronika boʻlimi boshligʻi etib tayinlangan. 2024-yildan buyon Axborot texnologiyalari departamenti Avtomatlashtirilgan bank tizimlari yoʻnalishi boʻyicha direktor oʻrinbosari lavozimida faoliyat yuritib kelgan.

👅 Chori Sattorovni ushbu yutuq bilan chin dildan muborakbod etamiz! Uzoq yillar davomida MKBANK rivojiga qoʻshgan hissasi alohida e'tirofga sazovordir. Ishonamizki, Bankimizning avtomatlashtirilishi boʻyicha yanada yuksak choʻqqilarni zabt etadi.

✅ @hrmkbank

🤎 Qashqadaryo viloyat hududiy boshqarmasida – "Milliy liboslar kuni"!

🤎 Ishga odatdagidek emas, balki oʻz ildiziga, xalqiga va urf-odatlariga mehr bilan yondashgan holda kirib kelish — mana bu chinakam ilhom! Milliy libos — bu o‘zligimizga bo‘lgan hurmat, buvilarimizning qo‘l mehnati, tariximizdan kelgan nafislik va zamonaviylik uyg‘unligidir. Bugun Boshqarmamizda nafaqat ish, balki milliy ruh, iliq kayfiyat va birdamlik hukmron.

🤎 MKBANK Jamoasi sifatida qadriyatlarni ulug‘lashdan, ularni zamon bilan uyg‘unlashtirishdan faxrlanamiz!

✅ @hrmkbank

🏆 MKBANK Jamoasi – UZCARD futbol turnirida!

⚽️ UZCARD tomonidan tashkil etilgan futbol turniri davom etmoqda. 19-aprel kuni oʻtkazilgan musobaqada MKBANK Jamoasi "Soliq Servis" jamoasini 10:0 hisobida ortda qoldirib gʻalaba qozondi.

🎉 MKBANK Jamoasini ushbu natija bilan tabriklaymiz va kelgusi oʻyinlarda omad tilab qolamiz!

✅ @hrmkbank

🚀 Anvarov Javlon Rustam oʻgʻli – Dasturiy ta'minot va sun'iy intellektni rivojlantirish departamenti direktori!

🔘 Joriy yilning aprel oyidan Javlon Anvarov Dasturiy ta'minot va sun'iy intellektni rivojlantirish departamenti direktori etib tayinlandi.

⤴️ Karyera yoʻli:
Javlon Anvarov Toshkent axborot texnologiyalari universitetining Telekommunikatsiya texnologiyalari yoʻnalishini tamomlagan. 2019-yilda karyerasini boshlagan. 2022-yilda MKBANK Jamoasiga qoʻshilgan. 2023-yildan buyon Axborot texnologiyalari departamenti Tizimlararo integratsiya va dasturlarni qoʻllab-quvvatlash boshqarmasi boshligʻi lavozimida faoliyat yuritib kelgan.

⚡️ Javlon Anvarovni ushbu yutuq bilan chin dildan tabriklaymiz! Oʻz sohasida faqat ulkan marralarni zabt etishiga va Bankimizda sun'iy intellektdan foydalanish boʻyicha yangiliklar kiritishiga ishonch bildirib qolamiz.

✅ @hrmkbank

🏛 MKBANK Xodimlari – "Banks & Business Expo-Forum 2025"da!

🌏 16-18-aprel kunlari bank va moliya tashkilotlari uchun "Banks & Business Expo-Forum 2025" tashkil etildi. Ushbu Forumga yurtimizning talabalaridan tortib, chet ellik yirik biznes egalarigacha kuzatuvchi sifatida tashrif buyurishdi. Forum MKBANK uchun nafaqat turli iqtidorlarni, balki munosib mahalliy hamda xalqaro hamkorlarni kashf etishda ajoyib imkoniyat boʻldi.

🚀 MKBANK Xodimlari yurtimiz rivojiga xizmat qiluvchi muhim tadbirlarda faol ishtirok etishda davom etadi!

✅ @hrmkbank

💬 MKBANK Xodimlari - "Speaking Club"da!

💕 Strategiya va raqamli bank xizmatlarini rivojlantirish departmenti Bosh mutaxassisi Yusupi Barnoxon tomonidan Bankimizda ingliz tilini oʻrgatish uchun "Speaking Club" tashkil etilgan. Darslar har hafta olib boriladi va ingliz tilini oʻrganishga qiziquvchi xodimlarimiz soni ortib bormoqda. Bankda nafaqat kasbiy malakani oshirish va soft-skillarni rivojlantirishga e'tibor qaratiladi, balki til oʻrganishga boʻlgan ishtiyoq ham qoʻllab-quvvatlanadi.

🗳 Siz ham MKBANK Jamoamizga qoʻshiling va har tomonlama rivojlaning!

✅ @hrmkbank

🏫 MKBANK Xodimlari - Mirzo Ulugʻbek nomidagi Oʻzbekiston Milliy universitetida!

🎁 18-aprel kuni Mirzo Ulugʻbek nomidagi Oʻzbekiston Milliy universitetida "Karyera kuni" tashkil etildi. Tadbirda yurtimizning nufuzli idora-tashkilotlari bilan bir qatorda MKBANK Xodimlari ham ishtirok etdi.

⚡ MKBANK Xodimlarni boshqarish (HR) departamenti salohiyatli talabalarni qoʻllab-quvvatlashda davom etadi!

✅ @hrmkbank