HR_blog_uz

🚫 "HR-da Qora ro'yxat" – Ishga olinmasligi kerak bo‘lgan nomzodlar 🚫

Har bir HR mutaxassisi intervyu vaqtida turli xil nomzodlar bilan uchrashadi. Ba’zilari tajribasi va kompetensiyalari bilan ajralib tursa, boshqalari esa jamoaga salbiy ta’sir ko‘rsatishi mumkin. Shunday nomzodlarni aniqlash HR mutaxassisi uchun muhim ko‘nikmalardan biri hisoblanadi.

📌 Ishga olinmasligi kerak bo‘lgan 7 turdagi nomzodlar:

🔴 1. Doimiy ravishda ish joyini o‘zgartiradiganlar.

📌 6 oy – 1 yil ichida bir necha marta ish joyini o‘zgartirgan odamlar barqaror emas. Ish beruvchi uchun bu xavfli signal – ular sizning kompaniyangizda ham uzoq qolmasligi mumkin.

🔴 2. Manipulyator va yolg‘onchilar.

📌 Intervyuda tajribasini bo‘rttirib ko‘rsatadigan, o‘zining xatolarini boshqalarga yuklaydigan yoki kompaniya haqida noto‘g‘ri ma’lumot so‘rab, shubhali harakat qiladigan nomzodlardan ehtiyot bo‘lish kerak.

🔴 3. Tanqid va konstruktiv fikrni qabul qila olmaydiganlar.

📌 Har qanday tahlil yoki tanqidga agressiv munosabat bildiradigan, hamkasblar bilan ishlashni istamaydigan odamlar jamoa ichida muammo tug‘dirishi mumkin.

🔴 4. Sobiq ish beruvchisini doim yomonlaydiganlar.

📌 Oldingi rahbariyatni, ish muhitini yomon gapiradigan odam ertaga sizning kompaniyangiz haqida ham xuddi shunday gapirishi mumkin.

🔴 5. Motivatsiyasi faqat pul bo‘lgan nomzodlar.

📌 Ish haqi muhim, albatta. Lekin agar nomzodning yagona motivatsiyasi pul bo‘lsa va u o‘z sohasiga qiziqmasa, kompaniyada uzoq qolmaydi.

🔴 6. Mas’uliyatsiz va beparvo nomzodlar.

📌 Intervyuga kechikadigan, oldindan belgilangan uchrashuvni unutadigan yoki hech qanday tayyorgarlik ko‘rmay keladigan nomzodlar kelajakda ham sust ishlash ehtimoli yuqori.

🔴 7. Toksik va konflikt yaratadigan odamlar.

📌 Har doim jamoa ichida muammolar tug‘diradigan, negativ tarqatadigan va boshqa xodimlarni demotivatsiya qiladigan odamlar ofis muhiti uchun xavf tug‘diradi.

🎯 Xulosa: HR mutaxassisi sifatida nomzodni faqat tajribasi bo‘yicha baholash yetarli emas. Uning xarakteri va ish muhitiga moslashish darajasi ham muhim ahamiyatga ega!

Sizningcha, yana qanday odamlar "HR qora ro‘yxati"ga tushishi mumkin? Fikrlaringizni kommentlarda yozib qoldiring! 👇

📱 Kanalga taklif eting:
@hr_blog_uz

🔴 🟦🟦🟦

HR-lar tomonidan nomzodlarga yoki xodimlarga beriladigan va’dalar ko‘pincha kompaniyaning ishga qabul qilish jarayoni va ichki madaniyatiga bog‘liq bo‘ladi.

Quyida HR-lar tomonidan eng ko‘p uchraydigan va’dalar ro‘yxati keltirilgan:

1. Ishga olish va’dalari:

✅ “Siz bilan albatta bog‘lanamiz” – Ammo ko‘pincha javobsiz qoladigan va’da.

✅ “Natijani bir hafta ichida aytamiz” – Lekin javob kelmaydi yoki bir necha oy o‘tib keladi.

✅ “Sizning rezyumeingiz bizning bazamizda saqlanib qoladi” – Ko‘pincha real amaliyotda ishlatilmaydi.

✅ “Siz juda kuchli nomzodsiz, lekin hozir boshqa variantni tanladik” – Hech qachon yana bog‘lanmaslikning muloyim usuli.

2. Ish sharoitlari va’dalari:

✅ “Bizda ajoyib jamoa va do‘stona muhit bor” – Lekin ichki intriga va g‘iybatlarga tayyor bo‘ling.

✅ “Flexible (moslashuvchan) ish vaqti bor” – Ammo ko‘pchilik holatlarda qat’iy ish jadvali bo‘ladi.

✅ “Tez orada lavozim ko‘tarilish imkoniyati mavjud” – “Tez orada” degani 3-5 yil ichida bo‘lishi mumkin.

✅ “Oylik ish haqi o‘z vaqtida to‘lanadi” – Odatda to‘lanadi, ba’zan kechikadi, ba’zan esa buxgalteriya bo‘limida muammo chiqadi. 😬

Nomzod yoki xodim sifatida siz shunday va’dalarga duch kelganmisiz? 😄 Fikrlaringizni kutamiz! 👇

📱 Kanalga taklif eting:
@hr_blog_uz

🔴 🟦🟦🟦🟦

🟢Xodim tomonidan intizomiy qilmish sodir etilganligi faktini, uning sodir etilishida xodimning aybini, xodim tomonidan intizomiy qilmish sodir etilishiga imkon bergan sabablar va shart-sharoitlarni aniqlash maqsadida ish beruvchi tomonidan xizmat tekshiruvi o‘tkazilishi mumkin.

🟢Xizmat tekshiruvi o‘tkazish to‘g‘risidagi ish beruvchining qarori buyruq bilan rasmiylashtirilib, unda xizmat tekshiruvi o‘tkazish bo‘yicha komissiya tuzilishi ko‘rsatiladi.

🟢Xizmat tekshiruvini o‘tkazish tartibi MKning 303 — 311-moddalarida belgilangan.

🟢Sudlarga tushuntirilsinki, xizmat tekshiruvi natijalari to‘g‘risidagi qarordan norozi bo‘lgan xodim yakka tartibdagi mehnat nizolari uchun belgilangan tartibda sudga shikoyat qilishga haqli (MKning 306-moddasi).

O‘zbekiston Respublikasi Oliy sudi plenumining Qarori (20.11.2023 yildagi 26-son).

📱 Kanalga taklif eting:
@hr_blog_uz

🔴🟦🟦🟦

🔎Bo‘sh ish o‘rinlari bo‘yicha marketing Modeli (Inbound Recruiting).

📍Mohiyati: Passiv nomzodlarni jalb qilish uchun kontent marketing va brending strategiyalaridan foydalanish.

🖥 Asosiy tamoyillari:

📊 HR va kompaniyaning ijtimoiy tarmoqlardagi brendini mustahkamlash.

💬Blog postlar, vebinarlar, video intervyular orqali nomzodlar e’tiborini jalb qilish.

➡️Potensial nomzodlarning kompaniya bilan qiziqishini oshirish.

⏩Qachon ishlatish kerak?

🟣 Raqobat yuqori bo‘lgan sohalarda eng yaxshi nomzodlarni jalb qilish uchun.

🟣 IT, marketing va kreativ sohalarda ish beruvchi brendini mustahkamlashda.

📱 Kanalga taklif eting:
@hr_blog_uz

🔴 🟦🟦🟦🟦

Quyidagi hollarda xodimni boshqa ishga o‘tkazish qonunni ochiq-oydin buzilgan holda amalga oshirilgan deb topiladi:

🔴xodimning roziligisiz amalga oshirilgan bo‘lsa, bundan ishlab chiqarish zaruriyati yoki bekor turib qolinishi hollari mustasno;

🔴xodimning sog‘lig‘iga to‘g‘ri kelmaydigan ishga o‘tkazish, agar ish beruvchiga bu haqda oldindan ma’lum bo‘lsa;

🔴ishlab chiqarish zaruriyati yoki bekor turib qolish munosabati bilan xodimning roziligisiz, agar jamoa shartnomasida, u tuzilmagan taqdirda ish beruvchi tomonidan kasaba uyushmasi qo‘mitasi bilan kelishilgan holda bunday boshqa ishga o‘tkazishlarning amal qilish muddatlari, shuningdek ishlab chiqarish zaruriyatining alohida hollari belgilanmagan bo‘lsa;

🔴ishlab chiqarish zaruriyati yoki bekor turib qolish munosabati bilan xodimning roziligisiz boshqa ishga o‘tkazish, agar bunday o‘tkazishlarning amal qilish muddati jamoa shartnomasida ko‘rsatilgan, u tuzilmagan bo‘lsa, ish beruvchi bilan kasaba uyushmasi qo‘mitasi o‘rtasidagi kelishuv bo‘yicha belgilangan muddatlardan ortiq bo‘lsa;

🔴jamoa shartnomasiga kiritilmagan hollarda ishlab chiqarish zaruriyati munosabati bilan xodimning roziligisiz boshqa ishga o‘tkazish, agar u ish beruvchi va kasaba uyushmasi qo‘mitasi o‘rtasidagi kelishuv bo‘yicha ishlab chiqarish zaruriyati hollari qatoriga kiritilgan bo‘lmasa;

🔴ish beruvchi tomonidan boshqa ishga o‘tkazish yuzasidan belgilangan tartiblarni qo‘pol ravishda buzgan boshqa hollarda amalga oshirilgan bo‘lsa.


O‘zbekiston Respublikasi Oliy sudi plenumining Qarori (20.11.2023 yildagi 26-son).

📱 Kanalga taklif eting:
@hr_blog_uz

🔴 🟦🟦🟦🟦

Sudga murojaat qilish shakllari.

Sudga murojaat qilish:

📝 fuqarolik huquqiy munosabatlardan kelib chiqadigan nizolar bo‘yicha - da’vo arizasi shaklida;

📝 buyruq tartibida ish yuritish bo‘yicha, alohida tartibda yuritiladigan ishlar bo‘yicha, shuningdek ushbu Kodeksda nazarda tutilgan boshqa hollarda - ariza shaklida;

📝 apellyatsiya yoki kassatsiya, tegishli taftish instansiyasi sudlariga murojaat etilganda — shikoyat (protest) shaklida amalga oshiriladi.

O‘zbekiston Respublikasining Fuqarolik protsessual kodeksi 4-modda.

📱 Kanalga taklif eting:
@hr_blog_uz

🔴 🟦🟦🟦

Ertaga (mehnat kodeksining 161-moddasi 2-qismi 5-bandiga asosan mehnat shartnomasi bekor qilingan xodim ishi bo‘yicha) sud majlisi bor.

Sud jarayonida juda qiziq holatlar ham bo‘lgan....

📌Toshkent shahar fuqarolik ishlari bo‘yicha Uchtepa tumanlararo sudining hal qiluv qarori ustidan Apellyatsiya shikoyati berganmiz.

✅Sababi sudya ishni bir tomonlama ko‘rib chiqib, taqdim etilgan dalillarni inobatga olmagan. Xodim bilan mehnat shartnomasini bekor qilish bosqichlari belgilangan tartib asosida amalga oshirilgan bo‘lsa ham Sudya xodim tomonidan sodir etilgan qilmishning og‘ir-yengilligi hisobga olinmaganligi, da’vogarga nisbatan xizmat tekshiruvi o‘tkazilmaganligini asos qilib keltirib, Mehnat kodeksi va Oliy Sud plenumi qarorlarini noto‘g‘ri talqin qilish orqali o‘zi chiqargan hal qiluv qarorini asoslashga harakat qilgan!

✅ Bundan tashqari, Prokuror sud muzokarasida, ish hujjatlari bilan tanishib chiqib, dalillarni o‘rganib, Mehnat kodeksi talablariga to‘liq rioya etilganligi, xodim bilan tuzilgan mehnat shartnomasini ish beruvchining tashabbusi bilan bekor qilishda qonunchilik talablari buzilishi holatlari o‘z tasdig‘ini topmaganligi sababli da’vo talablarini to‘liq rad etishni so‘radi.

✅Ammo, negadir sudya hal qiluv qarorida ishda ishtirok etgan prokuror ma’lumotlarini yoki prokurorning fikrini umuman ko‘rsatib o‘tmagan.

📗Yuqoridagilarga asosan. javobi topilmagan savollarimizni aniqlashtirish maqsadida apellyatsiya shikoyatini berdik. Natijasini ko‘ramiz.....

📱 Kanalga taklif eting:
@hr_blog_uz