Biz o'zbekmiz. Kasal bo'lsak doktorga bormaymiz. Qanaqadir dorilar ichib koramiz. Foydasi bolmasa ham yuraveramiz. Qachonki u surunkali holatga o'tib, odatiy hayot tarzimizni o'tkazishda juda katta halaqit qila boshlagandagina shifokorga boramiz. Qarabsizki davolash jarayoni kuchli muolajalarni talab qiladi. Ilk alomatlar yuz berganda 1-2 dori bilan bitishi mumkin bo'lgan ish endi 10lab dorilarni talab qiladi. Bunday holatga sabab nima? Balki shunchaki ortga nazar tashlashimizning o'zi yetarli bo'lar. Bilaman sizni ham kichkinaligingizda "aytganimni qilmasang doktorga aytaman kelib ukol qiladi" deb qo'rqitishgan. Hali ongimiz endi shakllanayotgan vaqtdagi bu kabi gaplardan keyin odamda qanday qilib shifokorga nisbatan negativ paydo bo'lmasligi mumkin. Bu holatni yaxshi tomonga o'zgartira olish men va sizlarning qo'limizda. Shifokorga nisbatan qarashni o'zgarishi ularni o'z ishiga yanada masuliyatli va xalq uchun doimo layoqat bilan xizmat qilishga undaydi)