𝐂𝐡𝐚𝐫𝐨𝐬 𝐇𝐚𝐲𝐢𝐭𝐨𝐯𝐚 (Aydin)𝐇𝐢𝐤𝐨𝐲𝐚𝐥𝐚𝐫𝐢

#ҚОНЛИ_ҚАСОС
#Muallif_Charos_Hayitova
#H_51

Базм авжида бўлаётган залга кириб борар эканман, юрагим қинидан чиққудек ура бошлади. Ўзимни ўтмишга қайтаётгандек ҳис қилаябман. Аслида шундай ҳам. Айни вақтда унутилмас ўтмишим билан юзлашаман.
-- Ҳой асабийлашмасангчи, бу нима қилганинг?. Қўлимда қасдинг борми?.
Викторнинг шовқин бўлгани учунми, қулоғим остида баланд гапиришидан ўзимга келдим.
-- Биласанми нима?. Ҳатто қизлар ҳам бунча нолишмайди.
Билагини ўзим сезмаган ҳолатда ғижимлаганимни билиб, қўлимни олдимда давра ўртаси томон ҳаракатландим. Аммо зум ўтмай, у ортимдан етиб келди ва елкамдан номига қучиб, жилмайганча гапира бошлади.
-- Рол ўйна деб , энди ўзинг бузябсанми?. Унутма биз ҳозир шериклармиз.
-- Виктор... Тўғрисини айт нима бўлди сенга?. Бу кичкина мийянг билан уришиб қолмадингми мабодо?.
Шу вазиятда ҳам унинг қилиғи мени яхшигина кулдира олди. Кечаги қуёнюрак Викторни алиштириб қўйишганга ўхшайди гўё.
-- Ҳадеб қуёнюрак деяверманг Анна Деврис хоним. Бу энди ғашимга тегаябди.
Бу гапидан сўнг жойимда таққа тўхтадим. Унга бир оз тикилиб энсаларим қотиб қолди. Нимадир демоқчи бўлди-му, аммо бу ерга нега келганимни унутмаслигим керак. Битта ақлдан озаётган телбани деб режамни барбод қила олмайман.
-- Сизни бу ерда учратаман деб ўйламаган эдим, қочоқ хоним.
Ён тамонимдан келган овозни деб, Виктордан нигоҳларимни уздим.
-- Қочоқ хонимми?. Мен ҳам шу фикрдаман шилқим жаноб.
Қаршимда Викторга ўқрайиб турган Тайлер яъни Эмелининг ўгай акасини кўриб, зиғирча қолган кайфиятим ҳам тушиб кетди.
-- Тайлер. Тайлер Серҳатман. Ҳар холда эшитган бўлсангиз керак.
Гапирган куйи қўлини мен томонга чўзди.
-- Серҳатлар оиласи ҳақида эшитган эдим. Мен...
-- Виктор. Виктор Борис. Ёнимдаги соҳибжамолни йигитиман.
Мендан олдин жавоб бериб, Тайлернинг қўлини сиқиб қўйган Викторга қараб, ақлдан озиб қолаёздим.


https://t.me/Hayitova_charos

#ҚОНЛИ_ҚАСОС
#Muallif_Charos_Hayitova
#H_50

Уни кўзларидаги қўрқувни кўриб анча ҳовурим пасайди. Секинлик билан ундан узоқлашиб, машинамни яна юрғиза бошладим. -- Мен билан ўйнашмаганинг маъқул. Шунчаки бугун бир неча соатга сенга берган ролимни ўйнаб бер. Истасанг бунинг учун яхшигина ҳақ тўлайман. Аммо зинхор мен билан ўйнаша кўрма.. агар жонингдан умидинг бўлса.
У ҳеч нима демади. Лекин мен жавоб кутган эдим. Ошириб юбордимми ёки?.
Ҳашаматли қасрлардек қурилган меҳмонхонага ҳам етиб келдик. Кўринишини ўзи кўзни олади. Ичкарисини тасаввур қила бошладим.
-- Энди ролингни ўйнашинг мумкин.
-- Мен актёр эмасман. Шунчаки машинасозман. Балки жуда хавфлидирсан, аммо менга барибир. Сен билан умуман ишим йўқ. Кимсан ўзи менга буйруқ берасан?. Тирик қолишим керак деб сени итинг бўлишим керакми?.
Виктор асабий чаккасини қашлаганча менга кўз остидан қараб олди. Мен уни яна қурқита олганим учун жим бўлди деб ўйлаган эдим. Аммо адашибман. Уни ғурурига тегиниб қўйдим шекилли.
-- Шунчаки бир соатга ёрдам беришинг қийинми?.
Яширмайман унга ҳурматим ошди. Жонини деб ҳамма нарсага кўниб кетавермаганидан.
-- Тахдид қилмай, ёрдам сўраш қийинми?.
-- Унда мени ёрдам сўраяпти деб тасаввур қил. Тахдид қилганимни эса унут. Лекин билиб қўй, агар ичкарида менга ёқмайдиган иш қиладиган бўлсанг.. кейин мен сенга ҳақиқий тахдид қанақа бўлишини кўрсатиб қўяман. Қани кетдик.
Гапириб бўлиб, машинадан тушдим ва уни кута бошладим. У ҳам тушиб ёнимга келгач эса, кенг жилмайдимда унинг билагидан икки қўллаб тутдим.
-- Иложи бўлса сен ҳам жилмай. Ҳар холда мотам маросимига келмадик.
-- Жуда ҳам жиддий гапиришингни билармидинг?. Ҳатто кулябсан- у, аммо гапларинг яна тахдидли чиқаябди. Озроқ мулойимроқ бўла олмайсанми... янги танишим Анна.
Ичкарига томон ҳаракатланар эканмиз, унинг табора дадиллашиб кетаётганидан кулгим қистади. У менга ёки паст баҳо берябди. Ёки ростдан ҳам жонидан тўйган.


https://t.me/Hayitova_charos

#ҚОНЛИ_ҚАСОС
#Muallif_Charos_Hayitova
#H_49

Машинада уни кутишни бошлаганимга ҳам ўн дақиқадан ошди, аммо бу қуёнюракдан дарак йўқ.
Сабрим тугаб яхшигина асабийлаша бошладим. Шундоқ ҳам бугунги кунимни қандай ўтказиб олишни ҳаёлан минг мартта ўйлаб кўрдим. Бироқ ҳаёл бошқа, ҳаёт бошқа экан.
-- Жин урсин, ўлиб қолдимикана?
Жахлланиб сегаретимдан бирини олиб тутата бошладим. Бу анчагина тинчлантиради, хатто умримни еса ҳам. Шундоқ ҳам мен яшаётган ҳаётнинг якуни аён. Бизга ўхшаганлардан эгаси воз кечган куни қутилишади. Худди Босс менга жосусларимиздан бирини ўлдиришни буюргандек. Ууф ҳали у иш ҳам бор...
-- Куттириб қуймадимми?.
Ҳаёл билан бўлиб уни келганини сезмай қолибман.
-- Куттирдинг. Бунча имилламасанг. Шунақа ҳам бўладими одам деган?.
-- Размиримни билганингга қойил қолдим. Нима мени анча вақтдан буён кузатиб юрасанми?.
Тўғриси ундан бундай гапни кутмаганим учун бир зум ҳайратланиб қолдим. Қуён юрак қахрамонимизга нима бўляпти экан?. Ёки мени уни ёқтириб қолди деб ўйлаябдимикан?. Агар шундай бўлса бу ҳаёли учун аниқ уни ўлдираман.
-- Базмда сени танишим деб таништираман. Менинг исмим Анна. Анна Деврис. Маделман... Икки йилдан буён шу соҳада фаолият юритаябман, яқинда Италиядан келдим. Сен билан яқинда танишдик. Аслида бу маълумотлар кўп керак бўлмайди. Ҳар эхтимолга қарши. Сени эса кимлигингни биламан.
-- Билардим кузатиб юрганингни. Нима сенга ёқиб қолдимми?. Нега энди танишим дейишинг керак?. Йигитим десангчи.
Бир гап эшитган эдим. Сичқонни ўлгиси келса мушук билан ўйнашар экан. Менимча Виктор ҳам кўп яшаб юборганини ҳис қилиб асабимга тега бошлаябди.
Машинага қаттиқ тормоз босиб йўл четига тўхтатдимда, доим ўзим билан олиб юрадиган кичкинагина, аммо ниҳоятда ўткир тиғли пичоқчамни унинг буйнига тирадим.
-- Агар яна мени жахлимни чиқарадиган гап гапирсанг, ўйлаб ўтирмай бошингни сапчадек узиб ташлайман. Бир икки яхши гапирганимга ўзингдан кетма... қуён юрак Виктор.


https://t.me/Hayitova_charos

#ҚОНЛИ_ҚАСОС
#Muallif_Charos_Hayitova
#H_48


Ниҳоят мен анча йиллардан буён кутган кун келди, ва бугун мен сен билан юзлашаман Эмели.

Кундалигимни ёпиб, уни шкаф ортига ўрнатилган сейфимга солиб қўяр эканман. Кузгу қаршисига бориб ўзимни кўздан кечирдим.
Эгнимдаги белгача ёр, этак қисми кенг ўртача калталикда бўлган қора либос, бугун мени анча машаққатлар билан эришган йўзимга янада курк бағишлаб турар эди. Очиқ бўйнимга нафис ишланган тақинчоғимни тақдим. Сочларимни ёймоқчи эдим. Аммо бу негадир менга ярашмагандек, шунчаки уларни тепадан йиғиб қўйишни маъқул топдим.
-- Ана энди бўлди. Ўйлайманки, мени жахлимни чиқармайсан Виктор.
Кузгудаги аксимга, мамнун қараб ташқарига йўл олдим. Йўл- йўлакай эрталаб буюртма бериб қўйган, Виктор учун танлаган кастиюмни олишни ҳам унутмадим. Унда бунақаси борми, йўқми дея таваккал қилгим келмади. Бир бўлса ҳам оддий бўлса керак. Мен бораётган жойга мос эмаслиги аниқ.
-- Келди.
Эшик қўнғироғини бир икки марта босганимдан сўнг, у эшикни очди ва нимадир демоқчи бўлди-ю аммо гапини йўқотиб қўйди шекилли.
-- Тайёрланибсан... Хурсанд бўлдим раҳмат. Аммо буни кийсанг янада яхшироқ бўлар эди.
Эгнидаги оддийгина кийимга қисқа нигоҳ ташлаб, қўлимдагини унга узатдим.
-- Қарорингизни ўзгартирмадингизми?.
Ҳаёллари жойига келди чоғи, яна сайрай бошлади.
-- Беш дақиқа вақтинг бор. Ҳа яна мени сизлашинг шарт эмас. Машинада бўламан. Тезроқ бўл. Имиллаганлар ёқмайди.
-- Ёқишга ҳаракат қиламан деб ўлиб ўтирибман ўзи ҳам.
Гапириб бўлиб ортимга ўгирилдим, лекин унинг ўз- ўзига ғингшиб айтган гапи қулоғимга чалинди. Бу асабимни қузиган бўлсада сабр қилиб, машинам томон одимладим.
Шундоқ ҳам у бир қўғирчоқ. Бугунча ишимга яраб турса бўлди. Ярайди деб умид қиламан ҳар холда.


https://t.me/Hayitova_charos