Love bombing – bu manipulyativ xatti-harakat bo‘lib, unda kimdir sizni haddan tashqari sevgi, e'tibor, sovg‘alar va maqtovlar bilan "bombardimon" qilib, tezda yaqinlik hissini uyg‘otadi. Buning asosiy maqsadi – sizni tezroq bog‘lab olish va keyinchalik nazorat qilishdir.

Love bombing qanday ko‘rinishda bo‘ladi?
❗️Juda tez rivojlanadigan munosabatlar – Dastlab hamma narsa juda mukammal va juda tez bo‘lib ko‘rinadi. Kecha tanishib bugun sizga "ovqat yedingmi, o'zingga qara, menga keraksan" kabi so'zlarni aytishadi.
❗️Cheksiz maqtovlar va sovg‘alar – tanishganiga ko'p bo'lmasa ham "Sen mening taqdirimsan", "Men sensiz yashay olmayman" kabi gaplar. 1 hafta oldin tanishib, keyin qimmatboho sovg'alar beradi va sovg'a berganini tez-tez eslatib turadi. Sizni sovg'a orqali nazorat qiladi.
❗️ O‘zgaruvchan xatti-harakatlar – Dastlab juda shirin va mehribon bo‘lib, keyinchalik sovuq yoki tajovuzkor bo‘lib qolishi mumkin.

✅Nega bu xavfli?
Love bombing odatda toksik yoki manipulyativ munosabatlarning boshlang‘ich bosqichi bo‘ladi. Bunday odatlar keyinchalik ruhiy bosim, nazorat yoki hatto hissiy zo‘ravonlikka olib kelishi mumkin.