Hujjat topshirish jarayonlari

@Grantlar_namuna loyihasidan Vengriyada toʻliq grant asosida oʻqimoqchi boʻlganlarga maxsus yordam dasturi

Kimlar uchun: Bakalavr/Magistratura/Doktoranturani Vengriyada oʻqishni xohlovchilar uchun

Qanday grant va nimalarni qoplaydi?
Hozirda Vengriya hukumati granti Stipendium Hungaricum dasturiga arizalar qabul qilinmoqda.

Grant imkoniyatlari:
– Toʻlov-kontrakt summasidan toʻliq ozod qiladi.
– Bakalavr va Magistr uchun 100 dollar oylik stipendiya.
– Doktorantura uchun 350 dollar oylik stipendiya
– Yotoqxonadan bepul turar joy beriladi.
– Sugʻurta xarajatlari qoplanadi.
– Talabaga Schengen vizasi beriladi.

Qanday yordam ko'rsatiladi?

– Kerakli barcha hujjatlarni (motivatsiya xatini ham) tayyorlashda bevosita yordam va maslahat.
– Arizani toʻgʻri, xatolarsiz va tartibli toʻldirish yuzasidan yoʻl-yoʻriq va yordam.
– Universitet va yoʻnalishlarni tanlash va topish yuzasidan yordam.
– Suhbat bosqichidan muvaffaqiyatli oʻtish yuzasidan maslahatlar va yoʻl-yoʻriqlar; berilishi mumkin boʻlgan savollar.
– Grant yutilganda viza olish uchun hujjatlarni tayyorlash va topshirish yuzasidan yordam / maslahat.
– Hujjat topshirish jarayonining boshidan oxirigacha yuzaga kelgan istalgan savolga javob berish va boshqalar.

Yordamni kim koʻrsatadi?

Yordam bevosita shu grant g'olibasi Aziza Akhmedova tomonidan koʻrsatiladi. Aziza Akhmedova hozirda Budapesht Bizness Universiteti 2- bosqich magistratura talabasi. Shu vaqtgacha bir nechta talabalarning grant uchun hujjatlariga yordam berib kelgan.

Maʻlumot uchun: bu yil grantga Oʻzbekiston fuqarolari uchun jami 170 ta oʻrin ajratilgan.

Yordam xizmati pullik.

Xizmat haqi va xizmatdan foydalanish uchun quyidagi akkauntga murojaat qiling: @GN_work

👉 Stipendium Hungaricum dasturi haqida batafsil

@grantlar_namuna

Turkiya burslari grantiga topshirmoqchi boʻlganlar uchun maxsus!

@Grantlar_namuna loyihasi Turkiya burslari boʻyicha toʻliq tartibli professional mentorlik kursini eʼlon qiladi.

Kurs kim uchun?

Bakalavriat, magistratura yoki doktoranturani Turkiyada ingliz yoki turk tilida toʻliq grant asosida oʻqimoqchi boʻlganlar uchun.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Ma'lumot uchun: Turkiya burslari dasturi Turkiyada deyarli bacha sohalarda (jumladan, tibbiyot, stomatologiya va farmasevtika sohasida ham) toʻliq grant asosida oʻqish imkonini beradi.

Mentor kim?

Kurs mashgʻulotlari Turkiya burslari granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Türkiye burslari & IsDB joint scholarship” toʻliq grantini yutgan (2021).
– “Erasmus Mundus in Smart cities and communities MSc program” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).
– Toshkentdagi Amerika markazining onlayn loyihalar uchun grantini qoʻlga kiritgan (2022-yil).

Mentor avval ham bunday kurslar qilganmi?

Ha, Abdulaziz Murtazoyev bir necha yillardan beri har xil grantlar yuzasidan mentorlik qilib keladi. Bunday kurslarga qatnashganlargan bir qanchasi turli toʻliq grantlar, jumladan, Turkiya burslari grantini ham qoʻlga kiritgan.

Dastur mashgʻulotlari Zoom konferensiyalar va/yoki telegram guruh va shaxsiy yozishmalardagi savol-javoblar orqali oʻtiladi.

Kursga qatnashish uchun 2025-yil 10-yanvargacha roʻyxatdan oʻtish lozim.

Hozirda oxirgi sinf yoki bosqichda oʻqiyotgan oʻquvchilar va talabalar ham topshira oladi.

Kurs, kursning narxi haqida batafsil maʼlumot olish va roʻyxatdan oʻtish uchun murojaat: @abdulaziz_murtozaev

@grantlar_namuna

NSP dasturiga topshirayotganlar uchun maxsus hujjat tekshirish xizmati

NSP dasturi uchun ariza topshirayotgan talabalar hamda tadqiqotchilar uchun maxsus hujjat tekshirish xizmatini yo’lga qo’yganmiz.

Xizmat davomida:
— Dastur uchun kerakli hujjatlar 2 marotaba tekshirib beriladi.
— Kamchiliklari batafsil aytiladi.
— Dasturda g’olib bo’lishda yordam beradigan omillar eslatib o’tiladi.

Hujjatlar ushbu dastur 3 marotaba g’olibasi, har mavsumda 50 dan ortiq o’zbek talabalarning grant yutishiga yordam berayotgan mentor Ozodaxon Oʻktamova tomonidan tekshirib beriladi.

Xizmatdan foydalanish uchun @GN_work hisobiga yozing.

ESLATMA: profilingiz qanchalik yuqori bo’lmasin, hujjatlaringiz talabga javob bermagan holda, hakamlar tomonidan ko’rib chiqilmasligiga sabab bo’ladi.

@grantlar_namuna

Xorijda oʻqish davomida ishlamoqchiman, nimalarga eʼtibor qilishim kerak?

Aksariyat yoshlar xorijda oʻqish davomida albatta ishlashni (part-time) reja qiladi. Xoʻsh, bunda nimalarga eʼtibor qaratish lozim.

Shular haqida qisqacha toʻxtalib oʻtamiz.

1. Borayotgan davlatingiz tilini oʻrganing (imkon qadar). Borayotgan davlatingizning tilini bilish – ish topishni siz oʻylagandan koʻra, ancha osonlashtiradi.

Agar davlat tili ingliz tili boʻlmagan mamlakatga ingliz tilida oʻqishga ketayotgan boʻlsangiz, mahalliy tilni ham imkon qadar oʻrganing: Yaponiyaga boʻlsa – yapon, Ispaniyaga boʻlsa – ispan, Germaniyaga boʻlsa – nemis tilini.

Albatta, davlat tilini bilmasdan turib ham amallab ish topish mumkin. Lekin bu oson kechmaydi. Shu sababli, hech boʻlmaganda kundalik suhbatlardagi oddiy soʻzlashuvlarni ham oʻrganib olgan maʼqul.

2. Ishlash ruxsati qanday olinishini oldindan tekshiring. Baʼzi davlatlarda ishlash ruxsati oʻsha davlatga yetib borishingiz bilanoq – aeroportning oʻzida berilishi mumkin (masalan, Yaponiyada shunday). Bunda odatda talabadan “Ishlash niyating bormi?” deb soʻraladi. Ha, desa, ruxsat muhrini urib berishadi. Yoʻq, desa ruxsat muhri urilmaydi.

Albatta, ruxsatni keyinchalik ham olish mumkin. Lekin bu uchun alohida ariza bilan mahalliy organga murojaat qilish va kutish kerak. Shu uchun aeroportning oʻzida ruxsatni olgan ancha oson va tez.

Koʻp davlatlarda aeroportda ishlash ruxsati berilmaydi. Bunday ruxsatni olish uchun masʼul mahalliy organga ariza bilan murojaat qilish kerak.

Ayrim davlatlarda esa talaba boʻlish avtomatik tarzda ishlash uchun ruxsat beradi: hech qanday ariza shart emas (masalan, Ruminiya).

Borishdan oldin ishlash ruxsati olish tartibini bilib olsangiz, oʻzingiz uchun oson kechadi.

3. Universitetning oʻzida ishlashingiz mumkinligini tekshiring. Koʻplab universitetlar oʻz talabalariga ish taklif qiladi. Borishdan oldin universitetingizdan talabalarga moʻljallangan ish bor yoki yoʻqligini soʻrab oling. Boʻlsa, ariza topshirishingiz mumkin.

4. Qonun boʻyicha haftasiga necha soat ishlash mumkinligini aniqlashtiring. Turli davlatlarda talabalarning bir haftada necha soat ishlashi haqidagi qoidalar turlicha boʻlishi mumkin.

Masalan, Avstraliyada talaba oʻqish payti haftasiga 20 soat, taʼtil paytida haftasiga 40 soatgacha ishlashi mumkin.

Yaponiyada esa talaba haftasiga 28 soatgacha ishlashi mumkin.

Imkon qadar shu qoidalarga amal qiling. Lekin koʻpchilik qonunda ruxsat etilganidan koʻproq ishlaydi. Biroq bu qonun buzilishi ekanligi, aniqlansa, oʻzingizga yomon boʻlishini esdan chiqarmang.

5. Vaqtingizni toʻgʻri taqsimlang. Ishlash oʻqishingizga xalal berib qolmasin. Haftasiga 20 soat ishlash oʻqishingizni qiyinlashtirayotgan boʻlsa, kamaytiring. Vaqtni ish va oʻqish uchun yetarli darajada taqsimlang.

6. Oʻqishingiz muhimroqmi va part-time ishingizdan topayotgan pulingizmi – shuni toʻliq aniqlashtirib oling.

Baʼzilar oʻqishga ketib, oʻqish davomida turli ishlarda zo'r berib ishlab (ofitsiant, kuryer, taksi haydovchisi va h.k.) ishlab oyiga 2-4 ming dollargacha topa boshlashi mumkin.

Va pul topishga qiziqib ketib, oʻqishini tashlab qoʻyishi, yaxshi oʻzlashtirmasligi mumkin.

Lekin oʻqishingizni bitirgach, sohangizni yaxshi oʻzlashtirgan boʻlsangiz, shu soha boʻyicha ishlay boshlaganingizdan bir oz vaqt oʻtib oyiga 5-8 ming dollar topa boshlashingiz mumkin.

Bu summa ofitsiant, taksi haydovchisi yoki boshqa boʻlib ishlash orqali topilgan 2-4 ming dollardan koʻp. Va ishingiz ham nisbatan yuqoriroq mavqega ega boʻladi.

Shu sababli oʻqishni bitirib yaxshiroq ishda ishlash va koʻproq pul topish muhimmi yoki aynan hozirning oʻzida nima ish qilib boʻlsa ham (oʻqishni 2-darajaga surib) imkon qadar koʻproq pul topish muhimmi, oʻzingiz uchun aniqlashtirib oling.

@grantlar_namuna

Erasmus Mundus grantiga topshirmoqchi boʻlganlar (topshirayotganlar) uchun maxsus!

@Grantlar_namuna loyihasi Erasmus Mundus boʻyicha toʻliq tartibli mentorlik kursini eʼlon qiladi.

Kursning asosiy jihatlari:
1. Grantni yutish imkoniyatingizni oshiradi.
2. Hujjatlarni (motivatsiya xati, CV va h.k.) tayyorlashda bevosita maslahat va yordam koʻrsatiladi.
3. Ariza va hujjatlarni xatolarsiz, 100% toʻgʻri va muvaffaqiyatli topshirishingizni taʼminlaydi.
4. Suhbatga alohida tayyorgarlik.
6. Ariza topshirishdan boshlab, to qabul qilinishgacha boʻlgan jarayonda istalgan payt istalgan savolingizni berishingiz va javob olishingiz mumkin boʻladi.

Maʼlumot uchun: Erasmus Mundus dasturi magistraturani Yevropa davlatlarida toʻliq grant asosida oʻqish imkonini beradi (kontrakt summasi qoplanadi, oylik stipendiya 1400 yevro va sugʻurta xarajatlari qoplanadi).

Kursni kim olib boradi?

Dastur Erasmus Mundus granti gʻolibi Abdulaziz Murtozayev tomonidan olib boriladi.

Abdulaziz grantlar boʻyicha boy tajribaga ega. Uning ayrim yutuqlari:
– “Erasmus Mundus in Smart cities and communities MSc program” toʻliq grantini yutgan (2021).
– “Türkiye burslari & IsDB joint scholarship” toʻliq grantini yutgan (2021).
– Amerika kengashlarining “Young Professional Internships Program” haq toʻlanadigan amaliyot dasturini yutgan (2020).
– “The Nippon Foundation JACAFA scholarship” stipendiyasini yutgan (2019).

Dastur mashgʻulotlari Zoom/telegram konferensiyalar, telegram guruh va shaxsiy yozishmalardagi savol-javoblar orqali oʻtiladi.

Dasturga qatnashish uchun imkon qadar ertaroq roʻyxatdan oʻtish lozim.

Bakalavriatni bitirganlar yoki hozirda bakalavriatning oxirgi bosqichida o'qiyotganlar qatnashishi mumkin.

MUHIM: Dastlab siz oʻqimoqchi boʻlgan soha mavjudligini BU YERDAN tekshirib oling.

Kurs, uning haqi toʻgʻrisida batafsil maʼlumot va roʻyxatdan oʻtish uchun murojaat: @abdulaziz_murtozaev

@grantlar_namuna

AQSHda oʻqish uchun qanday turdagi grantlar mavjud?

AQSH universitetlarida oʻqish uchun ajratiladigan grantlarning asosiy 6 turi mavjud. Bular vaziyatdan kelib chiqib, toʻliq yoki qisman grant shaklida taqdim etilishi mumkin.

Quyida ular haqida qisqacha maʼlumot beramiz.

1. Koʻrsatkichlarga asoslangan grantlar (Merit scholarships). Bunday grantlar talabaning koʻrsatkichlari, erishgan yutuqlari asosida beriladi.

Masalan, bunday grantlar:
– aʼlo baholarga egalik va/yoki SAT/ACT imtihonidan yuqori ball olganlik uchun (Academic Scholarships);
– aʼlo baholar va imtihonlardan olingan yuqori ballardan tashqari, talabaning jamiyatga qoʻshgan hissasi va darsdan tashqari mashgʻulotlarda ishtiroki uchun (Average Academic Performance Scholarships);
– Sportda erishgan yutuqlari uchun (Sports Scholarships) berilishi mumkin.

2. Moliyaviy ehtiyojga asoslangan grantlar (Need-based scholarships). Bu grantlar oʻqish toʻlovlari va oʻqish bilan bogʻliq boshqa xarajatlarni toʻlashga moliyaviy imkoniyati yetmaydigan talabalarga beriladi.

3. Mamlakatga asoslangan grantlar (Country-based scholarships). Bunday grantlar rivojlanayotgan davlatlarning fuqarosi boʻlgan xalqaro talabalarga beriladi.

4. Universitet grantlari. Koʻplab AQSH universitetlari muayyan mezonlarga mos xalqaro talabalarga oʻz grantlarini taklif qiladi.

Bu mezonlarni universitetning oʻz belgilaydi, masalan, biror universitet muayyan soha boʻyicha oʻqish uchun topshiruvchi eng yuqori koʻrsatkichlarga ega nomzodlarga grant ajratishi mumkin.

5. Xususiy sektor moliyalashtiradigan grantlar. Bunday grantlar xususiy kompaniyalar, tashkilotlar va boshqalar tomonidan xalqaro talabalarga taklif etiladi.

Lekin odatda ularning talablari nisbatan qattiqroq boʻladi va ular koʻpincha muayyan guruhga mansub talabalar (masalan, ayollar, rivojlanayotgan davlatlar fuqarolari va h.k.) uchun beriladi.

6. AQSH hukumati moliyalashtiradigan grantlar. Bunday grantlar taʼlim tizimini globallashtirish maqsadida xalqaro talabalarga AQSH hukumati tomonidan ajratiladi. Ushbu grantlar odatda AQSHda oʻqish uchun eng nufuzli grantlar hisoblanadi (masalan, magistraturada oʻqish uchun Fulbright granti).

Qaysi universitetda qanday grant taklif qilinishini qanday bilsam boʻladi?

Bu uchun kerakli universitetning rasmiy veb-saytiga kirasiz va u yerdan “Financial Aid and Scholarships” yoki “Admission and Aid” yoki shu kabi moliyaviy yordam hamda grantlarga bagʻishlangan boʻlimga kirasiz.

Bu boʻlimda xalqaro talabalar uchun qanday grantlar mavjudligi bilan tanishib chiqishingiz mumkin.

@grantlar_namuna

FLEX dasturiga oid muhim oʻzgarish

FLEX dasturiga qabulning oxirgi sanasi 2024-yil 26-sentabrga oʻzgartirildi (avvalroq 28-sentabr edi).

Ariza topshirmoqchi boʻlganlardan ushbu oʻzgarishni hisobga olishni soʻraymiz.

MUHIM: Ariza shaklini toʻldirishni boshlagandan keyin 10 kun ichida arizani toʻldirib, yuborishingiz (Submit) lozim. Agar arizani boshlagach 10 kun ichida topshirmasangiz, bu yil ariza topshirish huquqidan mahrum boʻlasiz.

FLEX dasturi haqida manbalar:

👉 FLEX dasturi talablari, qabul jarayoni va boshqalar haqida batafsil maqola

👉 FLEX haqida eng koʻp beriladigan savollarga javoblar

👉 FLEX dasturiga ariza topshirish qoʻllanmasi – 3 tilda

👉 FLEX dasturining oʻtgan yilgi gʻolibasi bilan suhnat

Maʼlumot uchun: FLEX dasturi maktab va kollej/litsey oʻquvchilariga AQSH maktablarida (high school) 1 yil davomida oʻqish imkonini beradi. Dastur bilan bogʻliq barcha xarajatlar qoplanadi.

@grantlar_namuna

Ko'pchilik talabiga binoan NSP dasturiga ariza topshiruvchilar uchun mentorlik kursi

Xabaringiz bor, NSP almashinuv dasturi uchun anchadan buyon ariza topshirishga yordam berib kelmoqdamiz.

3 yildan beri mentorlik kursimiz orqali har mavsumda 80 nafarga yaqin o'zbek talaba va tadqiqotchilari NSP dasturi g'olib bo'lib, hozirda Slovakiyada o'z o'qish yoki ilmiy ishlarini davom ettirmoqda.

Ko'pchilik talabiga binoan ushbu kursning yangi mavsumini e'lon qilamiz.

Kurs kimlar uchun?
Bakalavrni kamida 2,5 yilini tugatgan hozirda 4-kurs talabalari, magistrlar uchun. PhD talabalari hamda tadqiqotchilarga individual xizmatlar taklif etamiz.

Kurs mentori: Ozodaxon O'ktamova — NSP dasturi 3 marta g'olibi

Kursimiz afzalliklari:
— Slovakiya universitetga qabul qilinishda individual yordam.
— Kerakli hujjatlarni tayyorlash bo’yicha doimiy ko’rsatma.
— Haftada 2 marta mentor bilan jonli onlayn suhbat.
— Barcha hujjatlarni (CV, motivatsion xat, talabalik haqidagi ma’lumotnoma, tavsiyanomalar va boshqalarni) 2 martadan tekshirib berish.

Kurs narxi: 500 ming so'm.

ESLATMA: Avvalgi mavsumda ushbu kursni bepul tashkil etganmiz. Istovchilar aynan bepul kurs videolarini ko'rishlari va hujjatlarini o'zlari tayyorlashlari mumkin. Ular uchun esa maxsus hujjat tekshirib berish xizmatimizni taklif etamiz.

Bunda jami 4 ta hujjat tekshiriladi:
— Motivatsion xat
— O’quv rejasi
— Tavsiyanoma 2 ta

Hujjatlarni tekshirib berish xizmat narxi: 300 ming.

Kursga yozilish yoki hujjat tekshirish xizmatidan foydalanish uchun: @GN_Work telegram hisobi

👉 NSP almashinuv dasturi haqida batafsil ma'lumot BU YERDA

👉 NSP dasturi bo'yicha biz tayyorlagan qo'shimcha manbalar barchasi BU YERDA

@grantlar_namuna

Grantga hujjat topshirishdagi muhim qoida: qabulning oxirgi kunini kutmang

Biror grant yoki dasturga ariza topshirishni oxirgi kun/daqiqagacha kutmasdan, ertaroq ariza topshirish qattiq tavsiya qilinmadi. Chunki arizani qabul oxiriga taqash bir nechta ko'ngilsiz oqibatlarga olib kelishi mumkin.

Masalan:

1. Oxirgi kun / daqiqalargacha taqab borish arizangizning pala-partish boʻlib qolishiga sabab boʻlishi mumkin. Muddat qancha yaqinlashsa, kishida tezroq harakat qilishim kerak degan vahima kuchayadi.

Bu esa diqqatni jamlashga xalal beradi va soʻnggi daqiqalarda tayyorlanayotgan / yozilayotgan hujjatlarning sifatiga salbiy taʼsir qiladi. Natijada qabul qilinish ehtimolingiz pasayishi mumkin.

2. Qabul muddatdan oldin yopib qoʻyilishi mumkin. Dastur/grantga qabulning muddatdan oldin yakunlanishi holatlari, ayniqsa, qisqa muddatli grantlarda (yozgi maktab, kurs, lager va hk) tez-tez uchrab turadi. Bunga asosiy sabab arizalarning nihoyatda koʻpayib ketishidir. Bunday holat Oʻzbekistondagi AQSH elchixonasi eʼlon qilgan dasturlarda bir necha bor kuzatilgan.

Agar oxirgi kunni kutib yurgan boʻlsangiz, qabul muddatdan oldin tugasa, ishtirok etish imkoniyatini toʻliq qoʻldan chiqarasiz.

3. Grantlarning ertaroq ariza topshirilgan nomzodlarga ajratilishi. Bir qancha universitetlar bakalavriat, magistratura va boshqa bosqichlarga grant ajratishda “First-come, first-served” qoidasiga amal qiladi.

Yaʼni maʼlum grant oʻrinlari boʻladi, shu oʻrinlar eng birinchi ariza topshirgan munosib nomzodlarga taqsimlab beriladi. Bu oʻrinlar munosib nomzod chiqmasagina qabulning soʻnggi kunigacha saqlanib qolishi mumkin. Bu qoida AQSH, Britaniya kabi davlatlarda tez-tez qoʻllaniladi.

Bunda qabulning oxirgi kunigacha kutish tayyor imkoniyatdan oʻz xohishi bilan voz kechish degani.

4. Savol chiqib qolsa, javob ololmay qolasiz. Biror muhim savol tugʻilganda uni aniqlashtirish uchun tashkilotchilarga telefon qilish yoki koʻp hollarda email yozish kerak.

Lekin telefonga javob berish uchun ish vaqti tugagan boʻlishi yoki emailga javob berilishi uchun kamida 1-3 kun muddat talab etilishi mumkin. Oxirgi kun / daqiqada hujjat topshirayotib shunday savolga duch kelsangiz, javob ololmay qolishingiz mumkin. Bu esa yana sizning qabul qilinishingizga salbiy taʼsir qilishi mumkin.

5. Qoʻshimcha qoida: shoshilib ham topshirmang! Eng erta topshiraman degan oʻy bilan, shoshma-shosharlik qilib ariza topshirish ham tavsiya qilinmaydi.

Biror grantga topshirmoqchi boʻlganingizda, dastlab, uning talablari, qoidalari, mezonlari, koʻp beriladigan savollarga javoblari va boshqalarni diqqat bilan oʻqib chiqing. Biroq ularni oʻqib chiqishni orqaga surib yurmang, imkon qadar ertaroq oʻqib chiqing.

Biror savol tugʻilsa, darhol tashkilotchilarda email yoki telefon orqali soʻrab aniqlashtirib oling.

Dastur va uning talablari, hujjatlar tarkibi hamda boshqa muhim masalalarga toʻliq tushunib olganingizdan keyingina hujjatlaringizni topshiring.

Yuqoridagi qoidalarga amal qilsangiz, dasturga qabul borasida anchagina koʻngilsizliklarning oldini olgan boʻlasiz.

Albatta, qabulning oxirgi daqiqalarida hujjat topshirib, grant yutganlar ham bor. Lekin hujjat topshirishni soʻnggi kun / soʻnggi daqiqalarga qadar taqab olib borish yuqoridagi koʻngilsiz oqibatlarga olib kelishi mumkin. Shu sababli oxiriga taqash mutlaqo tavsiya qilinmaydi.

@grantlar_namuna

FLEX boʻyicha savollarga javoblar.

Quyida FLEX 2025-2026 dasturi boʻyicha eng koʻp berilayotgan va eng muhim savollarga javoblar berilgan.

1. 2008-yil 15-iyuldan keyin tugʻilganman, lekin 11-sinfman yoki kollej/litseyning 2-kurs talabasiman. FLEX dasturiga qatnasha olamanmi?
– Yoʻq. Faqat 2008-yil 15-iyul va 2010-yil 15-iyul oraligʻida tugʻilgan maktabning 9-10-sinf va kollej/litseyning 1-kurs oʻquvchilari qatnasha oladi.

2. FLEX dasturi davomida AQSH universitetiga hujjat topshirib, qabul qilinsam, FLEX tugagach AQSHda qolsam boʻladimi?
– Yoʻq, boʻlmaydi. FLEX ishtirokchilari dastur tugagach vataniga qaytishi SHART. Qaytgach AQSH universitetiga topshirib, qaytadan viza uchun hujjat topshirishingiz va universitet qabul qilsa hamda viza chiqsa, keyin AQSHga qaytsangiz boʻladi.

3. Qatnashish uchun til sertifikatim (IELTS, TOEFL va h.k.) boʻlishi shartmi?
– Yoʻq, shart emas. Til sertifikatisiz ham bemalol qatnashish mumkin.

4. Ingliz tilini bilish darajam qanday boʻlishi kerak?
– FLEX ingliz tili dasturi emas. Shu uchun ingliz tili darajasi uchun aniq talab qoʻyilmagan. Agar nomzodda FLEX dasturi uchun barcha xislatlar boʻlsa, lekin til darajasi u qadar yuqori boʻlmasa, til boʻyicha qoʻshimcha tayyorgarlik kursi qoʻyib beriladi.

Lekin hozirga qadar FLEXga qabul qilingan oʻzbek oʻquvchilarning aksariyatida til darajasi kamida B2 darajada boʻlgan. Lekin til darajangiz qancha yuqori boʻlsa, oʻzingiz uchun shuncha yaxshi.

5. Nogironligim bor, men ham qatnashsam boʻladimi?
– Albatta, boʻladi. FLEX dasturi nogironligi bor oʻquvchilarni ham dasturga ariza topshirishga ragʻbatlantiradi. Hozirga qadar FLEX dasturiga dunyo boʻylab 300 dan ortiq nogironligi bor (koʻzi ojiz, qulogʻi ogʻir/eshitmaydigan, jismoniy kamchiliklarga ega) oʻquvchilar qabul qilingan.

6. Gʻolib boʻlsam, qaysi shtat, shahar yoki maktabda oʻqishni oʻzim tanlaymanmi?
– Yoʻq, siz tanlamaysiz. Oʻquvchilar boradigan shtat va maktablarni dastur maʼmuriyati belgilab beradi.

7. FLEX gʻoliblarning qanday xarajatlarini qoplaydi?
– Barcha xarajatlar (AQSHga borish-kelish, yashash, turar joy, oziq-ovqat va h.k.) qoplanadi.

8. Imtihonda qanday savollar tushadi?
– Asosan ingliz tilidan savollar tushadi va ayrim testlarda orada 3-4 ta matematikadan savol tushishi mumkin.

9. Imtihonga qanday tayyorlansam boʻladi?
– Shunchaki, ingliz tilingizni (reading, listening, writing, speaking) orqali tayyorlaning.

10. Suhbatda ingliz tilida gapirish shartmi?
– Yoʻq, shart emas. Oʻzbek yoki rus tilida gapirsangiz ham boʻladi. Lekin ingliz tilida gapira olsangiz, ingliz tilida gapirish tavsiya etiladi.

Suhbatda oʻzbek yoki rus tilida gapirib, FLEX dasturini yutganlar anchagina.

11. Bu yilgi qabulda gʻolib boʻlsam, AQSHga qachon ketaman?
– 2025-yil kuzda ketasiz va keyingi yili qaytasiz.

12. Oʻzbekistondan nechta oʻquvchi qabul qilinadi?
– 2020, 2021, 2022 va 2023-yildagi qabulda 40-55 nafar oʻzbek oʻquvchi qabul qilingan. Shundan kelib chiqib, bu yili ham oʻrtacha 40-50 nafar oʻquvchi qabul qilinishini taxmin qilish mumkin.

13. FLEX dasturiga qayerda roʻyxatdan oʻtaman va ariza topshiraman?
– Arizalar MANA BU YERDA topshiriladi. Ariza topshirishni boshlashdan oldin akkaunt yaratishingiz kerak (Create an account). Arizalar 2024-yil 28-sentabrgacha qabul qilinadi.

14. AQSHda o'qib kelgan yilim O'zbekistindagi maktabda hisobga olinadimi?
– Agar siz o'qiydigan (O'zbekistonda) maktab, litsey yoki kollej Xalq ta'limi vazirligiga qarasa, ha, hisobga olinadi. Masalan, 9-sinfni bitirib, AQSHga FLEX orqali ketdingiz, 10-sinfni AQSHda tugatdingiz. O'zbekistonga qaytgach, o'qishni 11-sinfdan davom ettirasiz.

Xususiy ta'lim muassasasida o'qisangiz, buni o'sha o'qish joyingizdan so'rab ko'ring.

15. Muhim:
– Akkaunt ochishda o'zingiz doim ishlatadigan, paroli yodingizda bo'lgan emaildan foydalaning. Emailingiz bo'lmasa, oching va login hamda parolini qayergadir yozib, saqlab qo'ying. Saralash davomida shu emailingizga xabarlar yuborib turiladi.

Email ochish bo'yicha tavsiyalarni BU YERDAN topasiz.

👉 FLEX dasturi haqida batafsil

Barcha nomzodlarga omad tilaymiz! 💪

@grantlar_namuna

Barcha kutgan DAAD to'liq mentorlik kursi

Ko'pchilik talabiga binoan magistraturani Germaniyada to'liq grant asosida o'qish imkoniyatini taqdim etuvchi DAAD dasturlari uchun mentorlik kursini tashkil etdik.

Kim tomonidan: @grantlar_namuna kanali hamkorligida DAAD granti 2024-yilgi sohibi Izzatullayev Bahodir tomonidan olib boriladi .

Kimlar uchun: Magistratura bosqichini Germaniyada davom ettirish istagida bo’lganlar uchun.

Kursda o'rgatiladi: DAAD ERP va DAAD ALL DISCIPLINES dasturiga ariza topshirishda kerak bo'ladigan barcha hujjatlarni qanday tayyorlash bo'yicha to'liq ko'rsatma beriladi, hujjatlar tayyor bo'lgach tekshiriladi. Qolaversa, universitet va yo'nalish tanlash, dastur g'olibi bo'lganingizdan so'ng viza jarayonlarida ham to'liq ko'rsatma beriladi.

Kurs narxi:
- Guruh tarzda 700 ming so'm.
- Individual tarzda 1,5 million so'm.

Kurs haqida qo'shimcha ma'lumotlar uchun @Ozodakhon_Work hisobiga yozing.

Kursga qabul 2024-yil 10-avgustga qadar davom etadi.

@grantlar_namuna