Қўқонда ажойиб эксперемент ўтказишибди. Ажойиб лойиҳа, аммо локацияни хато танлашган деб ўйлайман. Чунки, бундай маълумотларни юқорида ўтирадиганлардан бориб сўраш керак! Ўшанда билинади, юқорида кимлар ўтиргани! Оддий аҳолидан сўрашдан нима фойда? Ҳар бир лойиҳани мақсади бўлади. Оддий қора халқдан бунақа нарсаларни сўрашдан мақсад нима? Уларни қанчалик билимсиз эканлигини, саволларга жавоб беролмай қизарган юзларини оммага кўрсатишми?

Аслида билсангиз, бу инсонларга тезроқ нонларини, меваларини сотиб, иссиқ уйларига бориши қизиқ. Сизлар бу саволларни кўпроқ ушбу шахсларни ўқиб, ўрганиб институт ва университетларга кириб, битириб, юқори лавозимларда ишлаётган одамларга берсангиз мақсадга мувофиқ бўлади. Чунки улар шу билимлари орқасидан пул топишмоқда!

Бозордаги инсонлардан эса ўзини йўналишидаги нарсаларни сўранг! Агар ушбу пост шу эксперементни ўтказганларга етиб бориб қолса, кейинги манзилингиз ҳокимият, суд ва бошқа давлат ташкилотлари бўлишини сўраб қолган бўлардим

@gonzo_uz | ғайриоддий журналист