Uchramading, uchrashmadik hech,
Kesishmadi yoʻllar nogohon.
Topilsayding hechdan koʻra kech,
Seni intiq kutaman hamon!

Eh-hee, qancha odamni koʻrdim,
Takrorlamas birini-biri.
Uzoqlashib borasan goʻyo,
Men tobora sogʻingan sari.

Qayerliksan, isming kim sening,
Qay daryodan ichayapsan suv,
Toʻqnashmayin qolsakchi degan,
Yuragimni bosadi qoʻrquv!

Uzoqlardan turasan kulib,
Qoʻlim yetmas osmonga oʻxshab.
Qayerdadir borliging bilib,
Bu dunyoda yuribman yashab!

Kelgandirmiz bir-birimizsiz,
Qirq, ellikka, yuzga kirgani.
Yashasang ham qaydadir mensiz,
Faqat omon boʻlsang boʻlgani!

M. Tavfiq