Mamadaliyev blogi

Sizlarga aytsam yaqinda networking boʻyicha dizayn sohasida katta tajribaga ega mutaxassis bilan suhbatlashdim. Suhbat davomida mendagi kamchiliklar va ularni toʻldirish masalasida anchagina maslahatlar berishdi. Xullas, dizayn boʻyicha kurslarda oʻqimaganim, nazariya yoʻqligi tufayli koʻp ishlarimda kamchiliklarga yoʻl qoʻyayotganim koʻrindi. Bugun dizayn boʻyicha boshlangich kurs sotib oldim. Birinchi dars maqul, dizayn haqidagi tushunchalarimni toʻldiryapman.
Kurs davomida olgan eng yaxshi xulosalarimni sizlar bilan boʻlishishga harakat qilaman.

Sizdan bitta 🔥

@fikriiyat

Don Korleonega giyohvand moddalarni olib oʻtish bilan bogʻliq taklif berishdi, u koʻnmadi. Bir muddatdan soʻng uni otib ketishdi, bu ishda kimni qoʻli borligi aniq... Uning oʻng qoʻlini oʻgʻirlab ketishdi... Donning oʻgʻlini ishga koʻndirishni soʻrashdi... Va yana bir qancha chalkashliklar....

Bir tomonda dedline'lar qiynayapti...

@fikriiyat

Shaxsiy hayotingizdagi muammolar ishingizga ta'sir qilmasligi kerak. Ishdagi muammolarni esa hayotingizga aralashtirmasligingiz lozim. Agar aksi boʻlsa muvozanatingiz buziladi va ancha vaqtgacha ularni joyiga keltirishga qiynalasiz. Imkon qadar pozitiv fikrlashga harakat qiling. Atrofga qanday ifor taratsangiz shunga koʻra sizga muomala qiladilar.

@fikriiyat

Qilayotgan ishingizni qolganlar oson deb baholashlari, siz qilayotgan ish ularning nazdida arzimas boʻlib koʻrinishi bu sizning xatoyingiz. Siz ishingiz qiymatini toʻgʻri shakllantirishingiz kerak. Qiymat sizning ularga berayotgan foydangizni arzirli koʻrsatib bera olishingiz.

@fikriiyat

Freelance formatda oʻz xonamda turib ishlamoqchi boʻlgandim...

Yaqinda logo va brending sohasida menga nisbatan katta tajribaga Islombek Aliyev bilan suhbatlashdim. Suhbat davomida har xil mavzularda soʻz ketdi. Eng qiziqtirgan savollardan biri uning oʻz uyida qanday ishlayotgani boʻldi. Nima sababdan? Chunki bir muddat avval oʻzim ham shunday qilmoqchi boʻlganman ammo kim ham oʻz uyida ishlardi, kamiga oʻz xonasida. Lekin suhbatdoshim ancha muddatdan buyon ishlashini aytganda rostdan ham hayron qoldim va buni qanday uddalayotgani, qanday qilib bunday natijaga erishish mumkinligi haqida soʻradim. Uy sharoitida freelance formatda ishlash uchun ayrim tavsiyalarni oʻrtoqlashdi. Men ham siz bilan boʻlishmoqchiman.

*Ishingizga eng katta ta'sir qiladigan omil bu — joy. Shunday ekan unga yaxshi e'tibor berish kerak. Dam oladigan va ishlaydigan xonalarni alohida qiling. Ishlaydigan xonangiz yorugʻ boʻlsin. Unga telefon olib kirmang. Chalgʻituvchi ilovalardan foydalanmang, shunda ish samaradorligingiz ortadi
*Yaqinlaringizni ogohlantirib qoʻying. Ular sizni ishlayotganingizga amin boʻlishsin va ish paytida bezovta qilishmasin.
*Dedline masalasida oʻzingizga KPI belgilang. Shu ishni shu vaqt ichida bajarsam, ish haqini buncha qismini oʻz ehtiyojlarim uchun ishlataman, aksi boʻlsa buncha qismini jarima sifatida belgilayman...

Bundan tashqari shaxsiy rivojlanishda yozishning ahamiyati haqida ham ancha tavsiyalar berildi. Bunga misol qilib, kundalik yozish yoki blog yuritish haqida aytdilar.

Rosti Islombekni qaytadan kashf etdim🔥

@fikriiyat

Tanqidiy fikrlash sizdagi standardlarni o'ta murakkablashtirib yuboradi. Har qanday vaziyatga negativ fikr bildira boshlaysiz, tanqidiy fikrlash yomon emas, ammo me'yorni bilish kerak. Bugun o'zimda shunga yaqin holatni sezdim va bu yomon...

@fikriiyat

Mario Pyuzoning "Choʻqintirgan ota" asarini boshladim. Atigi 50 bet oʻqidim. Kitobda "networking" haqida gap ketayotganini sezdim. Qanaqasiga deyishingiz mumkin, kitob bosh qahramoni Don Korleone qoʻli ochiq, yordam soʻrab kelganlarga qoʻlidan kelgancha yordam beradigan shaxs sifatida tasvirlanmoqda. Uni hamma taniydi. Bu tomonini olib qarasak uning shaxsiy brendi ancha kuchli... Xullas, endi imkon qadar tez-tez xulosalarni yozib turaman

@fikriiyat

#networking

Oʻzining kreativligi bilan hammadan ajralib turadigan Maddoosh bilan boʻlgan suhbatda, uning kreativligi va ilhomlanishi haqida soʻradim, kreativlik koʻpchilik oʻylagandek murakkab narsa emas, kreativlik oddiylik, shunchaki kuzatish va ilhomlanish kerak dedilar va bunga *texnomart kompaniyasining mashhur "Uyingizni issiq-sovuq qilib beramiz" iborasini keltirdilar. Oddiy, xalq orasidagi gap va uni shunchaki toʻgʻridan-toʻgʻri ma'noda qoʻllashgani foyda bergani haqida aytib oʻtdilar. Bundan tashqari kreativlik hammada borligini, ammo hammada har xil boʻlishini aytdilar. Ular tomonidan kreativlikka berilgan yana bir ta'rif bunday boʻldi: kreativlik — odamlar ahamiyat bermaydigan narsani olib chiqish. Kreativlikni oshirish uchun kompaniyani his qilish kerak...

Dizayn haqida bergan ta'riflari alohida mavzu:
Dizayn — pul keltiradigan hobby. Uni kasb deb qabul qilmaslik kerak. Oʻzingiz qilayotgan ishingizdan rohatlaning, shundagina ishlaringiz chiroyli ha kreativ chiqadi.

Rostini aytsam bir necha kun davomida suhbatlashishga urindim, shaxsiydan har kuni 1 marotaba xabar joʻnatdim. Suhbatda holat haqida oʻzlari izoh berdilar. Koʻpchilik suhbat qurishga uringani, ammo u kishidan javob kelmagani tufayli takabburlikda ayblashgani haqida ham gapirdilar.

@fikriiyat

#networking

Madina Mavlonova bilan bilan boʻlgan suhbatda asosan shaxsiy brend va brending masalalari haqida gaplashdik.

*Dedline masalasi jiddiy ekanligi toʻgʻrisida, shaxsiy brendni tezda rivojlantirish uchun ayni paytda urfga kirayotgan ammo kamchilik qoʻl urayotgan sohani oʻrganish va unga doir kontentlarni oʻz sahifasida koʻpaytirish, shu orqali tezroq natijaga erishish haqida gapirdilar. Bundan tashqari deyarli koʻpchilik dizaynerlarda kuzatiladigan stress masalasini ham soʻradim. Stressga yengilroq qarash, uni jiddiy qabul qilmaslik kerakligini, agarda stress holatiga tushilsa yaxshi dam olish yoki sayohatga chiqish foyda berishini aytdilar. Mijozlar bilan ishlash jarayonida yoʻl qoʻyiladigan ayrim xatolar yuzasidan ham tavsiyalar berdilar. Navbatdagi postlarda batafsil yoritishga harakat qilaman

@fikriiyat

Keyingi suhbatda dizayn sohasida koʻp yillik tajribaga ega inson bilan gaplashaman. Oʻzingizni qiziqtirgan savollarni va muammoli vaziyatlarni yozib qoldiring.

Siz uchun ham javob olib blogda ulashaman

#networking

Madina Mavlonova va Maddoosh bilan suhbatlashdim. Ikkila suhbatda ham juda koʻp xulosalar oldim. Qaysi biri haqida post joylay?

🔥 Madina Mavlonova
🏆 Maddoosh

Bu suhbat Ucell kompaniyasida ishlayotgan mutaxassis Saxir Radjabov bilan boʻldi. Suhbat avvalida oʻzlari haqida soʻradim. UI/UX sohasida tajribalari, ta'limlari haqida soʻraganimda, u kishida nazariyotdan koʻra amaliyot koʻp ekanligini aytdilar. Bundan tashqari dizayner yaxshi ish qilishi mumkinligi ammo qilgan ishini toʻgʻri taqdim etolmagani sababli koʻpchilikda kuzatiladigan «rad javobi olish» holatlari yuzaga kelishini va ushbu holatga tushmaslik uchun taqdimot qilishni oʻrganish kerakligini aytdilar.

"Ilk taqdimotingiz yaxshi chiqmasligi mumkin, qayerdadir gaplaringizni unutib, chalkashlikka yoʻl qoʻyishingiz mumkin ammo muhimi siz harakat qilishingiz, hamma narsani jarayon orqali oʻrganish anchagini samarali..."

Suhbatimiz davomida mijozlar toʻgʻrisida ham toʻxtalib oʻtdik. Ya'ni mijozlarning asosiy 3 turi:

¹ekonom

Ish uchun kam pul toʻlashadi va kutuvlari judayam katta. Sizdan toʻlaganlariga nisbatan koʻproq narsa talab qilishadi.

Bunday insonlar bilan sohaga yangi kirib kelgan dizaynerlar tajriba orttirish uchun hatto tekinga ham ishlashlari mumkinligini aytdilar.

²biznes

Kutuvlariga yarasha haq toʻlay oladiganlar.

Ushbu turdagi mijozlar ma'lum miqdorda tajriba hosil boʻlgandan soʻng, siz bilan ishlashlari mumkin

³premium

Oʻzlari istayotgan sifatli mahsulot uchun istalgan summani berishga imkoniyati bor va bera oladiganlar

Sizni oʻz sohasini professionali deb qaraydigan va sizni top mutaxassis sanaydigan insonlar.

Anchagina insaydlar oldim, ular bilan ham oʻzimda qoʻllagan holda oʻrtoqlashib boraman. Hozircha shular

Kecha UI/UX boʻyicha 7 yillik tajribaga ega mutaxassis bilan tanishdim va suhbatlashdim. Qolgan tafsilotlar haqida tez orada post joylayman🔥

Shaxsiy brend qurishda eng ahamiyatli narsalar qaysilar?
Shunchaki fikringizni bilmoqchiman.
Izohlashamiz

Chiroyli gaplar

Mussolini juda chiroyli gapirar edi. Uni ketidan butun Italiya ergashdi. Lekin Italiya vayron bo’ldi.

Gebbels juda chiroyli gapirar edi. Uning gaplariga butun Germaniya quloq solar edi. Lekin Germaniya vayron bo’ldi.

Elizabet Xolms juda chiroyli prezentatsiyalar qilar edi. Investorlar lol qolishar edi. Lekin barcha investorlar pullariga kuydi.

Kecha 2 kishining 3 soatli debatini ko’rib tugatdim.

Orada biri ikkisiga juda ham o’rinli argumentlar va «tupikga» tiqadigan savollar berdi. Lekin, savollarni qabul qilgan odam juda ham kuchli ritorik edi.

Uning javoblari noto’g’ri bo’lsa-da u gaplarini juda ham katta ishonch bilan va chiroyli gapirdi. Oqibatda debatni yutdi.

Chiroyli gaplar - to’g’ri gaplar degani emas.

Chiroyli gaplarga aldanib qolmaslik uchun har bir gapni tagiga yetaylik.

©mashrabov_aa

@fikriiyat

Fundament

1 dona xonadan iborat uy ko’tarayotgan odam 2 oyda uyni qurib tugatadi.

14 ta xonadan, 1 basseyn, 1 trenajor zal, qishki oshxona va saunadan iborat uy ko’tarayotgan odam 2 oyda fundamentini ham tugata olmaydi.

1 xonali uyga qaraganda karra-karta ko’proq vaqt ketadi. Uyning elektrika va santexnikasi qismiga kelganida esa qurilish to’xtab qolgandek tuyiladi go’yo.

Lekin, uy bitishiga 2 yil ketsa ham arziydi. Chunki bitgandan so’ng uyning egasi 1 boshpana ostida nabiralarini ham sig’dira oladi.

Qo’shnimiz tomini yopayotganida biz hali fundamentni tugatmagan bo’lishimiz mumkin.

Bu degani biz ulardan qolib ketyapmiz degani emas,

Balkim 14 xonali uy solayotgandirmiz? Arqonni uzunroq tashlagandirmiz?

1 xonali uy solayotganlar ustimizdan kulishlari mumkin, «meni aytganimni qilganingda allaqachon zo’r bo’lib ketar eding» deyishlari mumkin.

Rejamiz kattami? Ularni eshitmaylik. Fundament ko’proq vaqt talab qiladi.

©mashrabov_aa

@fikriiyat