Kriminogen vaziyat ogʻir mahallalar bilan yangicha ishlash mexanizmlari joriy etiladi

Fargʻona tumani hokimligida Oʻzbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimini samaradorligini yanada oshirish boʻyicha chora-tadbirlar toʻgʻrisida” qarori targʻibotiga bagʻishlangan seminar boʻlib oʻtdi.

Unda viloyat ichki ishlar boshqarmasi masʼullari, tuman sektor rahbarlari, tuman hokimi oʻrinbosarlari, mahalla yettiligi faollari ishtirok etdi.

Seminarda mazkur qarorning mazmun-mohiyati, qaror ijrosi doirasida sektor rahbarlari va mahalla yettiligi zimmasiga yuklatiladigan ustuvor vazifala, mahallalarda xavfsiz muhit yaratish va huquqbuzarliklarning barvaqt oldini olish tizimining samaradorligini oshirish boʻyicha manzilli chora-tadbirlar dasturi xususida maʼruzalar tinglandi.

Qayd etilganidek, qarorga koʻra, Oʻzbekiston Respublikasining “Huquqbuzarliklar profilaktikasi toʻgʻrisida”gi Qonuni hamda Oʻzbekiston Respublikasi Jamoat xavfsizligi konsepsiyasi bilan belgilangan masʼul idoralar va muassasalar uchun 2025-yilda “Har bir mahallada huquqbuzarliklarning barvaqt oldini olish” ustuvor vazifa etib belgilandi. Endilikda, jinoyat sodir etilgan mahallalarda ilmiy tashkilot va taʼlim muassasalari tomonidan ilmiy yondashuvlar asosida oʻrganishlar oʻtkaziladi.

Shuningdek, qarorda barcha tuman sektor rahbarlariga, Milliy gvardiya qoʻriqlash xizmati boshliqlariga va ichki ishlar organlari boshliqlari oʻrinbosarlariga 2025-yilda kriminogen vaziyat ogʻir mahallalar nomma-nom biriktirilishi belgilangan.

Seminar yakunida mahalladagi vakillarning mazkur qarordan kelib chiqadigan vazifalari va ularning ijrosi bilan bogʻliq savollariga batafsil javob berildi.


Sayt | Telegram | Facebook | Instagram | YouTube | X | Threads