Oʻzbekistonning boy madaniy merosi, iqtisodiy va sayyohlik salohiyati Vena va Bratislava shaharlarida namoyish etildi

“Oʻzkimyosanoat” AJ, Oliy taʼlim, fan va innovatsiyalar vazirligi, Toshkent kimyo-texnologiya instituti hamda Bratislava iqtisodiyot va menejment universiteti bilan birgalikda Bratislavadagi mazkur oliy taʼlim dargohida Oʻzbekistonning boy madaniy merosi, iqtisodiy va sayyohlik salohiyatiga bagʻishlangan taqdimot tadbiri oʻtkazildi.

Unda ijtimoiy-siyosiy, ilmiy va akademik va biznes doira vakillari hamda Bratislava iqtisodiyot va menejment universitetida tahsil olayotgan talabalar ishtirok etdi.

Ishtirokchilar eʼtiboriga tariximiz, madaniyatimiz, urf-odatlarimiz, mamlakatimizning zamonaviy taraqqiyotiga bagʻishlangan videoroliklar namoyish etildi.

Tadbir qatnashchilari mamlakatlarimiz oʻrtasidagi iqtisodiy munosabatlar yuzasidan ham fir almashdilar. Hozirgi kunda koʻplab Slovakiya kompaniyalari Oʻzbekiston bilan hamkorlikni yoʻlga qoʻyishga qiziqish bildirayotgani aytib oʻtildi.

Oʻzbekiston delegatsiyasi Bratislava iqtisodiyot va menejment universiteti faoliyati bilan yaqindan tanishdi.

Shuningdek, Vena shahridagi Vebster xususiy universitetida ham Oʻzbekiston madaniyat kunlari tadbiri boʻlib oʻtdi.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube