nothin

ARTIKL #1

MAVZU: BOYLIK


Chamasi 4-5 oylardan beri o'zimga bir savolni ko'p bora berdim, har safar kamida yarim soat o'ylanib qolaman, lekin... javob yo'q.

To'g'ri, boy bo'lishga nisbatan intilishlarim boshqa sohalarga qaraganda ancha kuchli. Lekin savol shundan iboratki:

"Bu orqali aslida men nimani xohlayabman?"

Deylik, pulim ko'p. Xo'p, undan keyinchi? Aslida, xoh u villa bo'lsin, xoh saroy bo'lsin, shifti bor va to'rt tomoni o'ralgan ichkarisi issiq bino bajargan vazifani bajaradi-ku. Va bu narsaning nomi "BOSHPANA" deyiladi, inson o'lmay yashashi uchun, u nechpulga olingan bo'lsa ham.Yoki 10 000 $ lik mashina ham 100 000 $ lik mashina ham A nuqtadan B nuqtaga yetkazish vazifasini bajaradi-ku. Va bu narsaning nomi "ULOV" deyiladi, uzoqni yaqin qilish uchun, u nechpulga olingan bo'lsa ham. Yoki, inson qorni, u kim bo'lishidan qat'i nazar bir kosa ovqatga to'yadi-ku. Va bu narsaning nomi "YEGULIK" deyiladi, inson ochlikdan o'lmasligi uchun, u nechpulga olingan bo'lsa ham.

Endi, bu degani miyangni ortiqcha zo'riqtirmasdan, hamma nima qilsa, sen ham o'shani qilib, hayotning standart "tarifi" da yashayver deganimi?

Menimcha, yo'q! Nega? Chunki bizga berilgan boshqa in'omlar singari, miyani ham ozgina qiynasak, u bizni hayotning premium "tarifi" ga yetaklovchi vositaga aylanadi deb hisoblayman. Mana shu fikrim uchun ham ko'pchilik meni noshukur deb biladi.

Yuqoridagi qanoat qilishga doir keltirgan fikrimga qaramay, negadir, boy bo'lishga intilaveraman. Va aynan mana shu savolning po'st kallasi.


Bu holat xuddi...

Men :
Boy bo'lmoqchiman!

Boshqalar :
Nima, Xudo bergan ne'matlarga rozi emasmisan?


Tushunyabsanmi, Karl? Nima demoqchiman?
Insonlar o'z dangasaligi va yalqovligi ortidan toraygan rizqlarining sababini o'zlaridan emas, Xudodan deb bilishadi.
Yo'q! "Bu narsaga Xudoning daxli yo'q" demoqchimasman. Lekin mening fikrimcha, rizq bandaning o'zi va uning Xudo bilan munosabatlarining natijasida Xudo tomonidan taqsimlanadi deb hisoblayman.


Ey! Stop, Stop! mavzudan chetlashib ketdik!

Qisqasi, bugun behosdan o'sha meni qiynagan savolga javob topdim!

Qanday topdim? Instagramda bir kitob reklamasiga ko'zim tushdi. U rolikda kitobdan olinadigan "insight" lar juda ajoyib tarzda tavsiflab berilgan. Ko'rsang, olib o'qiging keladi. Va o'sha rolik kommentariyasida tahminan 20 tacha odam kitobning narxini so'rab yozgan edi... Bo'ldi, shu.

Buning nimasi javob? Javob shundaki, u kommentariyalarni o'qimagunimcha kitobning narxi qancha ekanligi haqida o'ylash hayolimga ham kelmagandi. Ya'ni, u kitobni ko'rdim, menga yoqdi, o'qigim keldi. Narxi nechpul? Bilmayman. Muhimi kitob menga yoqdi.

Tushunyabsanmi, Karl!
Men ham endi tushundim. Boylikka bo'lgan intilishim va qiziqishim, bular noshukurlik yoki ochko'zlikdan emas, o'zim uchun kerakli deb bilgan mahsulot yoki moddiy manbaani narxiga qaramay xarid qilishni xohlashimdan!

Masalan, ota-onangni qo'shni viloyatdagi sanatoriyaga ham dam olishga jo'natishing mumkin, yoki Maldiv orollariga ham. Yoki, farzanding bilan kelajak haqida suhbatlashayotgan vaqting "Eh, men unday qilganimda, bunday bo'lardi, bunday qilganimda, unday bo'lardi" deb o'zingni "noreal" ko'rinishingni maqtab o'tirishing mumkin, yoki "O'g'lim/Qizim, men bunday qilganim , Xudo menga bu narsani berishi uchun katta sabab boʻlgan, mana buni qilganim esa, falon narsalarga erishishimga sabab bo'lgan" deb ularning ko'z oldida haqiqiy "qahramon" ni gavdalantirishing ham.

Qisqasi, men sovuq kunlarda "ulardek" metan zapravkada navbatda turvolib, "qanoat psixoterapiyasi" dan dars o'tish o'rniga, issiqqina uyimda, oilam davrasida, qishni deraza ortidan xursandchilik bilan kuzatib yuborishni xohlayman. Bo'ldi, shu.



Keyingi chuqur mavzularda ko'rishguncha, Chao!

Endi ishladi 🥹

Blyat, haliyam ishlamayapti...

Blin, internet yaxshi ishlamayapti. Menimcha yil almashganidan bo'lsa kerak. Mantiqsiz, lekin boshqa sabab ko'rmayabman...

Yesss endi meniyam kanalim bor 🗣