- Ha-a, balli, jiyan! Axiyri aqling kiribdi-da! O'shanda aytmabmidim senga "Hali ko'nikib ketasan!" deb. Mana nihoyat senga ham es bitibdi. Qani yur uyga ketamiz! Hali hammasi yaxshi bo'lib ketadi. Tashla kitoblaringni! Ha-a, ana! Qani yur! Ota-enang kutib turibdi uyda. Ehhe, hali to'ylar qilamiz. Hovli burchida uylar solamiz! Hali hammasi zo'r bo'lib ketadi. Kallang butun, mana buyog'iga biz bormiz. Hali bizni shunaqa jiyan bor, deb bir kerilib yuray, bir kerilib yuray! Eee, jiyan!
Tog'a jiyan yuklarni mashinaga ortamiz. Men ortga o'girilaman. To'xtatarga kimdir chiqarmikin deya ancha vaqt kutib turaman. Yo'q, hech kim kelmaydi.
- Jiyan, nega taxtadek qotib qolding! Bo'l tez! Hali "zapravka"ga kirishimiz kerak! - deydi tog'am. Noiloj mashinaga o'tiraman. Bir narsadan quruq qoladigandek g'izillab yurib ketamiz.
@ezma_shoir