​​Кўз илғамас уммоннинг бор адоғи,
Боғ-у дала, ўрмоннинг бор адоғи,
Ҳатто мовий осмоннинг бор адоғи,
Аммо олий тафаккурда сарҳад йўқ.
Поён бордир барча азим дарёда,
Поён бордир тоғларда-ю саҳрода.
Поён бордир ҳатто ёруғ дунёда,
Аммо фараз деганларда сарҳад йўқ.
Бу оламнинг жумбоғи кўп,
Бу оламнинг сўроғи кўп,
Бу оламда савол чексиз,
Бу оламда хаёл чексиз...

Анвар Обиджон

https://t.me/drabllar