Dilshoda Xakimova | Blog

🪞CV — Sizning yuzingiz

Koʻp loyihalar, ish joylarida CV soʻrashadi. Tajribamdan ayta olamanki, u — eng birinchi tekshiriladigan hujjat. Hatto intervyularda boshqa hujjatlar emas, aynan CV ga qarab, savollar berishadi.

Demak, CV — siz yoʻq joyda siz haqingizda gapiradigan va taassurot qoldiradigan kuchli hujjat.

🏆CV (Curriculum Vitae) tayyorlash uchun eng yaxshi TOP saytlar va stillar bor.

1. Canva
2. Europass
3. Overleaf.com
4. Resume.io
5. MADS FAURHOLT
6. Goldman Sachs
7. Harvard CV
8. Stanford CV

Oʻzim esa Canva, Europass va Harvard style' dan ko'p foydalanaman. Siz-chi?😄

🔗Zoʻr CV yozish uchun

@dilshoda_xakimova

Yaqinda “El-yurt umidi” jamg’armasiga qabul ochiladi. Tayyormisiz? 😎

Unga topshirish bosqichlari shunday:

1. Xohlagan davlatdagi TOP-300 roʻyxatga kiruvchi universitetga kirib, qabul xati oling.

2. 1-bosqich: Hujjatlarni jamgʻarma saytiga yuklang.

3. 2-bosqich: hujjat bosqichidan muvaffaqiyatli oʻtgach, test topshiring.

4. 3-bosqich: Testdan yaxshi ball toʻplab, suhbat bosqichiga oʻting.

5. 2025-yil kuzdan orzu qilgan davlat va universitetda oʻqishni boshlang.🥳

➡️Shu 5 bosqichdan oʻtishni xohlasangiz, blogdagi #eyuf tegli postlarni oʻqib, tayyorlanishni boshlang.

@dilshoda_xakimova

Qiz bolaning mahramsiz chet elda oʻqishi

Tarmoqlarda chet elda oʻqish mavzusini koʻtargan qizlarga oʻgʻil bolalar “mahramsiz chetda oʻqish mumkinmas” deb qarshi fikr yozishmoqda.

Bu zamonda bu fikr qanchalik toʻgʻri?

Avvalari ayolni tashqi kuch, fitna, yoʻl qiyinchiliklaridan himoya qilish uchun mahram shart boʻlgan. Sababi qayergadir borish katta kuch talab qilgan (tuya, aravada) va yoʻllar xavfsiz boʻlmagan. Ayolning hayosi va iffatini qoʻriqlash uchun ham mahramga zarurat boʻlgan.

Hozir esa koʻplab din ulamolari qiz bolaning chet elda ishlashi yoki oʻqishi mumkinligi haqida fatvo berishgan. Faqat qiz bola oilasi va otasining ruxsatini olgan va boradigan joyi oʻzi, dini va mulki uchun xavfsiz boʻlishi kerak. Agar xavfsiz davlatga borsa, nomahramlardan alohida xonalarda yashasa, uning iffatiga qaratilgan kuchlar boʻlmasa, ketishi mumkin. Vallohu a’lam. Bu haqida faqat hujjatlarda emas, internetda ham ma’lumot koʻp. Hattoki ayol kishi hajjga mahramsiz borishi mumkinmas, degan fikr hozirga ham taalluqli deb oʻylashadi. Aslida ishongan ayollar bilan ketsa boʻladi. Bular haqda kommentga yuboraman.

Insonlarning din yuzasidan bildirayotgan fikrini koʻrib, oʻrganishayotgani uchun xursand boʻlamiz. Ammo islom dini faqat mahram-nomahram, mahr tushunchalaridan iborat emas! Qizlarini chetga yuborayotgan mahramlarning qarori nomahramlarni tashvishga solmasin.

@dilshoda_xakimova

NSP grantini yutish boʻyicha oʻtkazgan vebinardan keyin 20+ talabalar universitetlardan qabul xatlari oldi. Vebinar foyda berganidan xursandman🥰

Qabul 30-aprelda tugaydi. Rostdan ham yutmoqchi boʻlsangiz, hujjatlaringizni yaxshilab tekshirib chiqing. Kichik grammatik xato ham hakamlar ixlosini qaytaradi.

➡️Oʻzim NSP granti saralovida Yevropada yordamchi boʻlib ishlaganimda, hujjatlar tekshirib, juda koʻp narsa oʻrgandim.

1. ChatGPT ga yozdirmang.
2. Hujjat talabida nima soʻralsa, oʻshani bajaring…

#nsp heshtegi bilan kanalda NSP yutish sirlarini yozganman.

🔎Agar hujjatlaringizni tekshirishda professional yordam kerak boʻlsa, @ment0ringiz ga yozing. Mukammal qilib, tekshirib beraman🫡

⚡️Amerika elchixonasi tomonidan qoplanuvchi “English for IT 2025” yozgi oromgoh

Faqat Nukus, Buxoro, Fargʻona, Samarqand va Toshkentda yashovchi 9-10-sinf maktab oʻquvchilari qatnashishi mumkin.

Qabul qilinganlar tegishli shaharlarda 17 kun davomida ingliz tilini yaxshilash, IT koʻnikmalarini va ijtimoiy koʻnikmalarni yaxshilash mashgʻulotlarida qatnashadi.

Oxirgi muddat: 2025-yil 30-aprel

➡️Batafsil bu yerda

@dilshoda_xakimova

Oʻquvchim Malika Matkarimova Amerikaga grant yutdi😍🇺🇸

Endi Amerikada 1 oy davomida liderlik, ayollar liderligi boʻyicha oʻqib keladi😍

Ha, bu oʻsha mashhur — SUSI dasturi🥳🥳🥳

@dilshoda_xakimova

Sertifikat olish uchun:

1. Ushbu link orqali www.mysafetysign.com/free-cold-stress-hazards-quiz kiring

2. 10 ta test savollari javob
bering. Mavzu: Ishxonalardagi sovuq stress xavfi.

3. Oxirgi savol ostida ism-familiya va email kiriting.

4. Soʻng “get certificate” ni bosing.

Saytni oʻzida sertifikatni yuklab olishingiz mumkin.

❗️Bu siz uchun xalqaro qoʻshimcha yutuq boʻladi. Afsus, ba’zilar buni falon pulga sotyapti ekan. 😅 Sizga tekinga oʻrgataman.

@dilshoda_xakimova

Siz ham shunday xalqaro sertifikat olishni xohlaysizmi?😍

“Workplafe Safety” boʻyicha test yechasiz va sertifikat beriladi.

⤵️Yonayotgan yurak 100 ta boʻlsa, sizgayam oʻrgataman❤️‍🔥

@dilshoda_xakimova

⚡️ Abu-Dabida xarajatlari qoplanadigan butunjahon kongressi — IUCN World Conservation Congress

Talablar
— 18-35 yosh oralig'idagi yetakchilar uchun;
— Tabiatni muhofaza qilish, biologik xilma-xillik, iqlim o'zgarishi va/yoki barqaror rivojlanish sohalarida innovatsion yechimlar va ilg'or ekologik harakat loyihalarini ishlab chiqish hamda amalga oshirishda yetakchilik va tajribani namoyish etgan bo'lishi;
— Hozirda dasturning bir yoki bir nechta mavzulariga mos keladigan innovatsion yechim yoki atrof-muhitni muhofaza qilish loyihasi ustida ishlayotgan bo'lishi lozim.

Foydali tomonlari
— Bepul sayohat va turar joy;
— Dastur davomidagi ovqatlanish va boshqa xarajatlar;
— Loyihalarni xalqaro auditoriyaga namoyish qilish.

Oxirgi muddat
27.04.2025 01:00

Batafsil bu yerda

@dilshoda_xakimova

⚡️Bucharest Summer University: Barcha bosqich talabalari uchun Ruminiyada 2 haftalik yozgi maktab; 100% gacha grantlar mavjud

Bu yilgi yozgi maktab mavzusi – Marketing in the AI Era: Insights, Engagement, Innovation. Yozgi maktab 2025-yil 10-24-avgust kunlari boʻlib oʻtadi (ingliz tilida).

Yozgi maktab uchun toʻliq yoki qisman grantlar takif etiladi. Oʻz hisobidan qatnashish ham mumkin.

Imkoniyatlari

Qabul qilingan 40+ ishtirokchi quyidagi sharoitlar bilan taʼminlanadi:
– Turar joy
– Kuniga 3 mahal ovqat
– Aerorportdan maktab manziliga borish va qaytish uchun transport
– Dam olish kunlarida barcha xarajatlari qoplanadigan ekskursiya
– Kurslar va qoʻshimcha mashgʻulotlar

Arizalar 2025-yil 1-iyungacha qabul qilinadi.

Batafsil bu yerda

@dilshoda_xakimova

Bakalavrni tugatib, darhol magistratura oʻqish afzalliklari⤵️

1. Akademik va tadqiqotning uzluksizligi — Tadqiqot va ko'nikmalaringiz hali yangiligida magistraturada oʻqish oson boʻladi.

2. Karyerada ko‘tarilish — Magistrlik soha bo'yicha chuqurroq bilim beradi va siz mehnat bozorida yanada “qadrli” boʻlasiz.

3. Yuqori daromad olish — Ba'zi sohalar yuqori darajadagi lavozimlar uchun magistr darajasini talab qiladi, ya'ni siz tezroq yaxshi ishga kirishingiz mumkin.

4. Netvorking imkoniyatlari — Professor, tadqiqotchi va kursdoshlar bilan professional munosabatlar o'rnatasiz.

5. PhDni erta boshlash — Agar PhD darajasini olishni rejalashtirsangiz, magistraturani erta tugatgan yaxshi.

6. Shaxsiy rivojlanish — Magistrlik tanqidiy fikrlash, muammolarni hal qilish va mustaqil tadqiqot ko‘nikmalarini oshiradi.

7. Grantlar — Ko‘p universitetlar to‘g‘ridan to‘g‘ri bakalavrdan so‘ng topshirganlarga stipendiyalar taklif qiladi.

❓Xoʻsh, kim “srazu” magistr oʻqimoqchi?

@dilshoda_xakimova

❤️“Progress-D” loyihasi bitiruvchisi, Qarshi 35-maktab o’quvchisi Shodiyeva Dilnura chet elda bakalavr oʻqish uchun umumiy hisobda 264 ming dollar grant yutib oldi!

1. Western England University’da oʻqish uchun jami 128 ming dollar Prezident Stipendiyasi.

2. Saint Louis University’da oʻqish uchun jami 38 ming euro Inigo mukofoti.

3. Simmons University’da oʻqish uchun jami 96 ming dollar Trustee Stipendiyasi.

💸Bu raqamlar hali davom etadi. Dilnuraning keyingi ishlariga omad tilaymiz!

@dilshoda_xakimova
@Progress_d

Assalamu alaykum! Eng yaxshilarim🤍

Bugungi Iyd al-Fitr — ulugʻ Ramazon Hayiti muborak boʻlsin! Allohdan nimaiki soʻrasangiz, xayrli shaklda nasib boʻlsin. Qilgan ibodatlar, tutilgan roʻzalarni dargohida qabul qilsin.

InshaaAllah, keyingi Ramazon oyiga salomatlikda yetkazsin!

@dilshoda_xakimova

🤔Magistraturada sohani o’zgartirsa bo’ladimi?

Magistr sohamni aytgandan keyin ko’pchilik so’radi: “Til filologiyasini bitirib, ta’lim boshqaruvida o’qisa bo’ladimi?”

🤔Ha, albatta.

Ammo O’zbekiston milliy universitetlarida bakalavr sohaga mos bo’lgan turdosh magistraturaga topshirish shart. Magistrda sohasini o’zgartirish maqsadidagi yoshlar ko’p.

Xorijiy universitetlar va O’zbekistondagi xalqaro universitet filiallarida esa bakalavr sohasiga qaralmaydi.

Xalqaro universitetlar magistratura “admission requirements” da bakalavr diplomini talab qilishadi. Lekin aynan mos sohadagi diplomni emas. Magistrda yo’nalishini o’zgartirganlar o’qishga kirolmasa, bakalavr sohasi to’g’ri kelmaganini aytadi. Aslida unday emas!

Xo’sh, bakalavrda boshqa yo’nalish, ammo magistrda umuman boshqa sohani tanlab o’qishga kirmoqchi bo’lsak, nima qilish kerak?

— TOP universitetlar sohaga kuchli qiziqishi borlarni qabul qiladi. Kuchli qiziqishni esa quyidagilar orqali aniqlaydi:

1. Xatlarda magistr sohasiga kuchli qiziqishingizni ko’rsating.

2. Portfolio (hujjatlar) ni magistr sohasiga mos ish tajribasi bilan boyiting. Amaliyot qiling.

3. O’zgartirgan sohangiz bo’yicha proyektlarga qatnashing, loyihalar tashkillang.

4. O’sha soha bo’yicha qo’shimcha trening, kurslar o’qing.

5. Soha bo’yicha ilmiy izlanish qilib, maqola, tezislar yozing.

6. Eng muhimi, topshirayotgan hujjatlaringizda bakalavrda olgan bilim, ko’nikmalaringiz magistratura sohasida zo’r bo’lishingizga imkoniyatlar berishini tushuntiring.

🚀Bularni bajarsangiz, istagan sohangizga ko’zlariga 🦜yo qilib qabul qilishadi😉

@dilshoda_xakimova