Toshkent shahar hokimiyati so‘rovnoma orqali poytaxtimizdagi umumta’lim maktablarining ijtimoiy-psixologik muhitini, texnik jihozlanganlik darajasini va o‘quv jarayoniga ta’sir qiluvchi omillarni o‘rgangan.

So‘rov 322 ta maktabdagi 52 mingdan ortiq o‘quvchi va 7 mingdan ortiq o‘qituvchi o‘rtasida o‘tkazilgan ekan. Ammo, ushbu tadqiqoqtda nogironligi bo‘lgan o‘quvchilarning ehtiyojlari o‘rganilganmi, yo‘qmi — bu haqida ma’lumot yo‘q.

❓ Inklyuziv ta’lim islohotlar jadal amalga oshirilayotgan paytda bunday so‘rovlarda nogironligi bo‘lgan bolalar ehtiyojlarini ham inobatga olish kerak emasmi? Toshkent shahar hokimiyati qoshidagi Raqamli rivojlantirish departamentiga savollarim ko‘p:

- So‘rov o‘tkazish uchun onlayn platforma nogironligi bo‘lgan shaxslar uchun moslashtirilganmi? Ular uchun kerakli raqamli sharoitlar yaratilganmi?

- Maktablarining ijtimoiy-psixologik muhiti va xavfsizligiga nogironligi bo‘lgan o‘quvchilar va pedagoglar uchun yaratilgan shart-sharoitlar ta’sir qilmaydimi? Masalan, oddiy hojatxonalar moslashtirilganligi?

- Maktablarning texnik jihozlanganlik darajasiga yordamchi texnologiyalar va oqilona qulayliklar ta’sir qilmaydimi?

- Umumta’lim maktablarda ko‘zi ojiz pedagoglar mehnat sharoitlarini qanchalik baholashadi?

Menimcha, umumta’lim maktablari reytinglarini qilayotganda ularning inklyuzivlik darajasini ham baholash kerak shunday so‘rovnomalar orqali — va bu mezon majburiy bo‘lib, umumiy reytingga to‘g‘ridan-to‘g‘ri ta’sir qilishi kerak.

Balki sizlarda hokimiyatimizga yana savollar bor? Izohlarda qoldiring.

(Перевод на русский в комментариях).

@dilmurad_me