Заработок с телеграм-канала

С аудиторией от 1500 подписчиков. Подключайтесь!

Доход с телеграм-канала

От 1500 подписчиков. Подключайтесь с Яндексом!

Ваш доход с телеграм-канала

С аудиторией от 1500 подписчиков. Подключайтесь!

Статистика Избранное

Dildora_bookaholic

@dildora_bookaholic

Гео и язык канала: Узбекистан, Узбекский

Категория: Книги

Kitoblarda qolgan hislarim ❤️‍🩹

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Dildora_bookaholic

25 Jan, 13:24

#dolzarb

5 daqiqa vaqtingizni ajratib ushbu soʻrovnomani toʻldirish orqali kitob sohasiga oʻz hissangizni qoʻshing 🕊️

Kreativ javob egalariga sovgʻa ham bor ekan.

https://docs.google.com/forms/d/e/1FAIpQLSc7fCSIWy-yo1dt2efwtN5tBfJAx1enwNQkr0BoArNfZxh4fg/viewform?usp=dialog

Kitobxonlar uchun so‘rovnoma

Kitobxonsiz va nashriyotlarni ham e’tibor bilan kuzatib borasiz. O‘quvchilarning kayfiyatini bilish uchun sizning fikringiz juda muhim, savollar ko‘p bo‘lishi mumkin lekin sizga qiyinchilik tug‘dirmaydi degan umiddamiz.

286 0 0 7

Dildora_bookaholic

24 Jan, 09:46

https://t.me/adabiy_blog/235

Turkchada 4 ta kitob oʻqib tarjimon boʻvolganlarga yuboradigan post boʻlibdi)

Akmalning blogini kuzatib borishni tavsiya qilaman. Top muharrirlardan!

Akmal Azzamqulov

Turk tilidan qilingan tarjimalarda yaqqol koʻzga tashlanadigan illatlar: jarayon va oqibatlar Aytish mumkinki, hozirda eng sifatsiz tarjimalar turk tilidan oʻgirilgan asarlarda uchraydi. Nega? Bu holat boshqa tillar bilan uchramayaptimi? Yoʻq uchraydi. Rasvo tarjimani ingliz tilidan qilinganda ham,...

446 0 2 14

Dildora_bookaholic

22 Jan, 11:01

Mana, men Lermontov yoshiga yetdim…

756 0 1 59

Dildora_bookaholic

21 Jan, 19:38

“Ijtimoiy tarmoqlar kichkinagina yopiq olamdan iborat. Ekranni oʻchirishing bilan hech kimning sen bilan ishi boʻlmay qoladi”

Rebekka Kuang - Yellowface

Asar ikki yozuvchi dugona haqida hikoya qiladi. Afina muvaffaqiyatga erishgan, yozgan har bir kitobi hammasi bestsellar, mualliflik huquqini koʻplab davlatlarga sotgan. Juniperning esa amallab chiqargan bitta dona kitobi ham e’tibordan chetda qolib ketgan.

Afinaning dahshatli oʻlimiga guvoh boʻlgach Juniper uning oxirgi yozgan qoʻlyozmasini olib ketadi va oʻz nomidan nashr qildiradi. Ammo buning ortidan kelgan mashhurlik kutilganidek silliq ketarmikan…

Asarda kitob sohasi ipidan ignasigacha tasvirlangan. Kitob uchun gʻoya topish, uni qogʻozga tushirishdan tortib, nashr qildirish, marketing qismigacha batafsil yoritilgan.

Shuningdek, kitobda qora piar qanday ishlashini muallif aniq misollar bilan koʻrsatib bergan. Kimnidir ommaviy heyt qilarkanmiz, biz vaqtimizni, asabimizni havoga sovurganimiz qoladi. Heyt qilinayotgan odam bundan faqat yutadi, ayniqsa u media odami boʻlsa (jiddiy kasb egalariga aks ta’sir koʻrsatadi lekin).

Asar 1-shaxs tilidan hikoya qilingani minusga ishlagan. Bunga bosh qahramonning noliyverib asabga tegishi sabab. Boshida qiziqish bilan boshlangan kitobga yarmidan oʻtar-oʻtmas qaragim kelmay qoldi, ochigʻi. Lekin bu oʻta shaxsiy fikr.

Kitobda yozuvchilarning ahloqiy normalari ustida ham soʻz boradi. Deylik, siz qalbingizni bir yozuvchi tanishingizga ochdingiz. Koʻnglingizning eng tubidagi sirlaringizni boʻlishdingiz. Koʻp oʻtmay huddi shu voqealarni oʻsha yozuvchining yangi chiqqan kitobida oʻqib tursangiz, goʻyo oʻzingizga koʻzgu tutilgandek boʻlsa. Ustiga ustak, hali jarohatlaringiz bitmagan boʻlsa. Qay ahvolga tushardingiz? Odamning ustidan sovuq suv quyib yuborgandek boʻlsa kerak. Afina va Juniper misolida shu masalaga toʻxtalar ekan, yozuvchi oʻquvchini qiyin savollar oldida qoldiradi. Hamma yozuvchining ham ishi shu aslida, lekin har xolda oʻziga ishonilgan sirlarni oz boʻlsa ham xurmat qilish kerak deb oʻylayman. Yaqinlarining ishonchini suiiste’mol qilishni hech narsa bilan oqlab boʻlmaydi.

Zamonaviy adabiyot deganda xayolimizga keladigan asarlardan keskin farq qiladi. Noodatiy mavzuda asar oʻqimoqchi boʻlsangiz tavsiya qilaman. Lekin oʻqimasangiz ham hech narsa yoʻqotmaysiz.

875 0 6 21

Dildora_bookaholic

19 Jan, 22:41

Kimga qasr yetmas, kimga mol-dunyo,
Menga esa havo yetmaydi, xolos.

1.1k 1 8 51

Dildora_bookaholic

15 Jan, 20:21

Pir nashrdan yangi kitoblar keldi sovgʻaga. Doimgidek sifatli 🩵

Orqadagi ikkita ustun kitoblar ham hammasi shu yil hisobidan olindi.

1.7k 0 2 25 50

Dildora_bookaholic

13 Jan, 09:35

Oxirgi vaqtlar koʻp muhokamalarga sabab boʻlayotgan original tildan tarjima, boshqa tildan tarjimalarga munosabatim:

1. Kim qaysi tilni bilsa eplaganicha qilaversin. Tarjima sohamiz gullab yashnab, tarjimonlar qatorlashib turgani yoʻq. Shu tarjimalar boʻlayotganiga rahmat deydigan holatdamiz hozir. Faqat turkchadan tarjima qilib, inglizcha/nemischa/lotinchadan qildim deb aldamang. Oʻquvchi ahmoq emas. Baribir farqiga boradiganlar chiqadi.

2. Ijtimoiy tarmoqlardagi sahifangizga oʻzingizning tarjimangizni kimnikidir bilan yonma-yon qoʻyib, mana mening tarjimam zoʻr deb maqtanmang. Avvalo bu kasb etikasiga toʻgʻri kelmaydi. Ikkinchidan esa noprofessionalligizni koʻrsatib qoʻyasiz. Bu ishni oʻquvchining hukmiga qoldiring, oʻzi holis bahoni beraveradi.

A tak, uyalmasangiz bilganingizni qiling.

1.8k 0 1 16 43

Dildora_bookaholic

11 Jan, 18:03

“Ochlik – bolaligidan qolgan yagona xotirasi edi”

Joha al-Harti – Osmon jismlari

Ummonlik yozuvchi Joha al-Harti qalamiga mansub “Osmon jismlari” 2019-yil Xalqaro Buker mukofotini qoʻlgan kiritgandi. To read listimga qoʻshganimga ancha boʻlgandi, endi oʻqib chiqdim.

Asar Ummonning kichik shaharchalaridan birida ulgʻaygan uch opa-singil va ularga bevosita yoki bilvosita aloqador qahramonlar taqdiri haqida hikoya qiladi.

Bir-biriga turli rishtalar orqali bogʻlangan qahramonlar goʻyoki bir qarashda bir-biridan koʻp ham farq qilmaydigandek. Ammo ularning har biri osmon jismlari kabi oʻz orbitasida aylanadi, oʻz trayektoriyasi, ya’ni dunyosiga ega.

Asar nima uchun shunday nufuzli mukofotga loyiq deb topilgan, deb uzoq oʻyladim. Bu mukofotni qoʻlga kiritgan bir nechta asarlarni mutolaa qilganman. “Osmon jismlari” ularning darajasida emas. Lekin yozuvchi kichik hajmli asarida xalqining tarixi, madaniyati, qadriyatlari toʻgʻrisida toʻliq tasavvur berib, oʻquvchi koʻz oldida butun manzara hosil qilolgan. Shaxsan oʻzim Ummon davlati haqida umumiy ma’lumotlarnigina bilardim. Ammo aynan shu asar orqali tarixdagi ziddiyatlari, quldorlik davri, ijtimoiy tengsizlik kabi muammolari, umuman arab dunyosining butun chigalliklaridan boxabar boʻldim.

Kichik hajmiga qaramay asarda qahramonlar juda koʻp, har birining oʻzaro bogʻliqligini eslab qolish osonmas. Voqealar xronologik tartibda berilmagani ham oʻquvchini dastlab chalgʻitishi mumkin. Ammo tez orada relsga tushvolgandan keyin hammasi silliq ketadi. Qahramonlarning taqdirino yurak hovuchlab kuzatishingizga toʻgʻri keladi.

Fikrimda qolaman, asar juda kuchlimas (balki men koʻp narsa kutgandirman). Ammo arab dunyosiga qiziqsangiz oʻqib chiqsangiz boʻladi.

1.8k 0 1 5 6

Dildora_bookaholic

11 Jan, 11:14

Amerika fojiasini shu nashrda topsam oʻqiyman derdim. Endi boshlasam ham boʻladi.

Janni Rodarining Telefonda aytilgan ertaklari, Uchtadan oxiri bor ertaklari bolalikda oʻqilaverib yod boʻlib ketgan. Qadrli kitob boʻlgani uchun buni ham olib qoʻyaverdim.

Kitoblarni @taskin_kitoblari dan oldim

1.7k 0 11 19 20

Dildora_bookaholic

7 Jan, 15:02

“Biz oʻtmishga hozirgi dunyoqarashimiz bilan qaraymiz. Ya’ni biz oʻzgargan ekanmiz, qaysidir ma’noda oʻtmish ham oʻzgargan”

Энн Пэтчетт - Голландский дом

Meyv va uning ukasi Denni gollandcha uyda baxtli yashardi. Bu uy ular uchun shunchaki boshpana emas, butun dunyosi edi. Dastlab onasi, soʻngra otasidan ayrilgach, oʻgay onasi ularni koʻchaga haydab chiqaradi. Bagʻritosh dunyo domiga uloqtirilgan opa-ukaning bir-biridan boshqa suyanchi yoʻq edi, bu dunyoda ikkisi yashab qolish uchun bor kuchi bilan harakat qiladi…

Kitob XX asr ikkinchi yarmi Amerika hayotini toʻliq qamrab olgan. Mamlakatdagi iqtisodiy, ijtimoiy oʻzgarishlar fonida butun bir oilaning taqdirini kuzatish mumkin.

Shuningdek, kitobda kechirish mavzusi ham asosiy planda turadi. Inson qalbida oʻzini xafa qilganlarga nisbatan nafrat olib yurarkan, bu hech qanday yaxshilikka olib kelmaydi, bundam faqat oʻzi aziyat chekadi. Toʻgʻri, kechirish osonmas, ba’zan bu imkonsiz boʻlishi ham mumkin. Ammo bunday davom etishi kerakmas-ku, shundaymasmi?!

Bosh qahramon uy boʻlgan asarni birinchi marta oʻqishim. Yoʻq, bu uyda Stiven King asarlaridagidek arvohlar yurmaydi, lan’atlangan ham emas. Shunchaki bu uyga bir marta kirgan odam butun umrga uning asiriga aylanadi. Meyv va Denni katta hayotda oʻz yoʻlini topib, mustaqil oyoqqa turganidan keyin ham gollandcha uyga intilaveradi. Opa-uka oʻtmishni qoʻyvorib, buguni bilan yashashdan, ulgʻayishdan bosh tortadi, oʻz baxtsizligini ilohiylashtiradi.

Yozuvchi Odamning jannatdan haydalish hikoyasidan ilhomlangan deb taxmin qildim. Meyv va Dennining gollandcha uydan voz kecha olmasligi, takror-takror bu uyga qaytaverishi odamzodning butun umr jannat qidirishiga oʻxshaydi. Ammo buning oxiri bormi, odam qachon “gollandcha uy”ni qidirishdan toʻxtaydi? Aftidan yozuvchida bu savolga javob yoʻq yoki men ilgʻamadim. Muallifga koʻp savollarim qolib ketdi.

Shunday boʻlsa ham Enn Petchett qalbimga kira oldi. Yozuvchi bilan tanishuvni davom ettirsam kerak katta ehtimol bilan. “Gollandcha uy”ini esa hammaga tavsiya qilaman.

1.9k 0 6 5 18

Dildora_bookaholic

5 Jan, 01:54

И мне открылась истина одна:
Влюбленными земля населена,
А нам казалось, мы одни на свете.

@dildora_bookaholic

1.8k 0 5 1 27

Dildora_bookaholic

4 Jan, 20:01

Men koʻrgan (online/offline) kitob doʻkonlari ichida eng kreativ nom va dizayn. Ishonaman, atmosferasi ham oʻziga xos bu doʻkonni 🖤

1.8k 0 8 8 44

Dildora_bookaholic

31 Dec 2024, 18:43

#sarhisob 2024-yil oʻqilgan kitoblar. Siz nechta kitob oʻqidingiz?

Yanvar:
1. Хан Ган - Вегетарианка
2. Клайв Стейплз Льюис - Лев, колдунья и платяной шкаф
3. Sabahattin Ali - Kürk mantolu Madonna
4. Etel Lilian Voynich - Soʻna
5. Ernest Heminguey - Borlik va yoʻqlik

Fevral:
6. Харуки Мураками - Норвежский лес
7. Стивен Кинг - Кэрри
8. Франц Кафка - Процесс
9. Маргарет Этвуд - Рассказ служанки

Mart:
10. Донна Тартт - Тайная история
11. Харуки Мураками- Мой любимый спутник
12. Murod Muhammad Doʻst - Lolazor
13. Чимаманда Нгози Адичи - Половина желтого солнца
14. Мариз Конде - Я, Титуба, ведьма из Салема
15. Xuan Rulfo - Pedro Paramo

Aprel:
16. Джон Стейнбек - Жемчужина
17. Erik-Emmanuel Shmitt - Oskar va Pushti xonim
18. Sheron Dreyper - Ichimdagi musiqa

May:
19. Nodar Dumbadze - Abadiyat qonuni
20. Колин Гувер - Уродливая любовь
21. Кормак Маккарти - Дорога

Iyun:
22. Jorj Martin - Taxtlar oʻyini
23. Asli Sanjar - Haram

Iyul:
24. Тревор Ной - Бесцветный
25. Амор Тоулз - Джентльмен в Москве
26. Элиф Шафак - Честь
27. Алекс Михаэлидес - Ярость
28. Канаэ Минато - Признания

Avgust:
29. Italo Calvino - Bir kış gecesi eğer bir yolcu
30. Сильвия Плат - Под стеклянным колпаком
31. Yuy Xua - Yashamoq
32. Сара Джио - Среди тысячи лиц
33. Nodar Dumbadze - Kukaracha
34. Шота Руставели - Витязь в тигровой шкуре
35. Харуки Мураками - К югу от границы, на запад от солнца

Sentyabr:
36. Ханья Янагихара - Маленькая жизнь
37. Вирджиния Вулф - Своя комната
38. Shin Kyong Suk - Onamni asra

Oktyabr:
39. Пола Хокинс - Девушка в поезде
40. Emil Zolya - Hamal
41. Эмили Бронте - Грозовой перевал
42. Madlen Miller - Kirka
43. Салли Руни - Нормальные люди
44. Pol Oster - Nyu-York trilogiyasi

Noyabr:
45. Элена Ферранте - Моя гениальная подруга
46. Сон Вон Пхён - Миндаль
47. Daniel Glattauer - Shimol shamoli shashti
48. Фёдор Достоевский - Сон смешного человека
49. Abdurazzoq Gurna - Jannat
50. Джон Уильямс - Стоунер

Dekabr:
51. Orhan Pamuk - Kar
52. Михаэль Энде - Момо
53. Харуки Мураками - Хроники заводной птицы
54. Джози Силвер - Один день в декабре
55. Энн Пэтчетт - Голландский дом
56. Toshikazu Kawaguchi - Before the coffee gets cold
57. Хван Порым - Добро пожаловать в «Книжный в Хюнамдоне»
58. Эрнст Теодор Амадей Гофман - Щелкунчик и мышиный король

2.1k 0 12 32 50

Dildora_bookaholic

30 Dec 2024, 20:46

Yil kitobi shubhasiz “Stoner”

1.8k 0 4 19 17

Dildora_bookaholic

30 Dec 2024, 18:06

Shu kitobni oʻqib chiqdim, dabdala ekan. Oʻtmishga qaytish mavzusidagi kitoblar oʻquvchilar tomonidan har doim iliq qabul qilingani uchun (axir kim ham oʻtmishga qaytishni istamaydi) yozuvchi shu mavzudagi kitoblar orasida meniki ham “yeb ketadi” deb oʻylagandir. Lekin umuman yemagan. Syujetda yopishmagan joylar, boshi-oxiri yoʻq dialoglar, ortiqcha, tushunarsiz voqealar (tag-tugi bilan olib tashlansa ham oʻquvchi hech narsa yoʻqotmaydi) butun kitob davomida asabingizga tegib turadi.

Bundan keyin kitob yoqmayaptimi, darhol uloqtirishga qaror qildim. Oʻzimga rahmim keldi 🥲

1.9k 0 1 10 32

Dildora_bookaholic

27 Dec 2024, 17:13

“Toʻgʻri ishni qilish har doim ham insonni baxtli qilmaydi”

Orhan Pamuk – Kar

Yosh shoir Ka uzoq yillik siyosiy qochqindan keyin Germaniyadan vataniga qaytadi va jurnalist doʻstining tavsiyasi bilan Turkiyaning olis qishlogʻi Karsga yoʻl oladi. Karsda yaqinda kutilayotgan saylovlar hamda yuqumli kasallikdek yosh qizlar orasida tarqalayotgan suitsidni yoritish uchun, va yana ayrim shaxsiy sabablarga koʻra Ka bu qishloqqa tashrif buyuradi. Ammo tashrifi noqulay vaqtga toʻgʻri kelib qoladi. Karsda oʻtkazgan bir necha kuni butun umrga yetgulik xotiralar qoldiradi…

Asarning asosiy mavzusi Sharq va Gʻarb, din va davlat, aql va yurak toʻqnashuvi. Yozuvchi turli qahramonlar (dindor, dinsiz, radikal, liberal, talaba, harbiy, aktyor, siyosatchi va hokazolar) taqdirini pazzldek bir nuqtada jamlab butun bir Turkiya hayotini koʻrsatib bergan. Va bu Turkiya siz-u bizga seriallar, ijtimoiy tarmoqlar orqali tanish boʻlgan Turkiyaga oʻxshamaydi. Qor esa bu yerda ajoyib metafora boʻlib xizmat qiladi.

Orhan Pamuk ijodi bilan tanish boʻlganlar uning qanchalar jasoratli yozuvchi ekanini yaxshi bilishadi. Oʻzi yashayotgan jamiyat normalarini buzib, har kimga ham yoqavermaydigan asar yozish hammaning ham qoʻlidan kelmaydi. “Qor” asarida esa siyosat mavzusida, turklarning armanlar, kurdlar bilan munosabati haqida yozib oʻz mamlakatida oʻzini, reputatsiyasini yaxshigina xavf ostiga qoʻygan. Asar esa haligacha aktualligini yoʻqotmagan. Mutolaa davomida ham yozuvchi oʻquvchiga yoqish, uni qiziqtirib ushlab turishga urinmagani sezilib turadi. Lekin asarning oʻzi katta qiziqish bilan oʻqiladi. Bunaqasi kam uchrasa kerak.

Asarni bir soʻz bilan ifodalash kerak boʻlsa arosat derdim. Hech qayerda oʻzingni, oʻzligingni topa olmasang. Oʻzingnikilarga begonadek his qilsang, boshqalar seni begona deb qabul qilmasa. Hech qaysi millat, gʻoya, e’tiqodga oʻzingni tegishlidek his qilmasang. Yozuvchi asarida ana shunday inson fojiasini koʻrsatgan.

Orhan Pamukning tili juda goʻzal, ravon. Turkcham aslida unchalik ham yaxshi emas, lekin har bir jumlasini his qilib, rohatlanib oʻqidim bu asarini. Yozuvchining uslubi, asarlaridagi ruhiyat tengsiz. Tavsiya qilaman.

1.9k 1 6 7 12

Dildora_bookaholic

25 Dec 2024, 00:10

00:10

Видео недоступно для предпросмотра

Смотреть в Telegram

1.8k 0 4 19

Dildora_bookaholic

22 Dec 2024, 20:34

Book advent calendar istaydi bu koʻngil 🥲

2k 0 3 8 35

Dildora_bookaholic

21 Dec 2024, 22:14

Atrofimda shuncha krinj kamdek shu kitobni ham oʻqib chiqdim) yangi yil arafasi bayram shukuhini tutishga yaxshi yordam beradi deb orzu qilibman oʻzimcha, yana yangi yil moʻjizasiga ishontiradi bu kitob deb xomxayol qilganman-da. Realda esa bor ishonchimni ham tortib oldi)

Kitobni nimasi yoqmadi? Yoʻq, yoqmagan jihati juda koʻp, nimasi yoqqanini ayta qolaman yaxshisi. Xoʻsh, kitobni nimasi yoqdi? Hech narsasi! Mutlaq hech narsa yoqmadi bu kitobda menga! Nimaga oxirigacha oʻqidim oʻzi? Asabim buzilishni boshlagandan axlatga uloqtirishim kerak edi, yil oxirida shundoq ham defitsit boʻlib turgan sabrim tejalardi sal. Mazoxist boʻlsam kerak, aaa 😭

Ha, syujetga ozgina toʻxtalaman. Lori Rojdestvo arafasida avtobus derazasidan bir yigitni koʻrib qoladi. Yigit ham unga qaraydi. Bir koʻrishda muhabbat buyogʻi. Lori yigitni London koʻchalari boʻylab tinimsiz qidiradi. Bir yildan keyin dugonasi yaqinda tanishgan yigiti bilan tanishtiradi. Yigit kimligini taxmin qilib koʻring)

Boʻm-boʻsh qahramonlar, ishonarsiz syujet, yopishmagan dialoglar… roʻyxatni uzoq davom ettirish mumkin. Ichida iqtibossifat nimadirlar bor. 10 yillar avval ijtimoiy tarmoqlarda aylanib siyqasi chiqqan gaplar. VK, OK da oʻqiganman huddi shu gaplarni. Avtor bu tarmoqlardan foydalanmagandir, bu tarmoqlarga qayerdan kelgan boʻlsa oʻsha yerdan olgan. Qahramonlar tinimsiz alkogol ichib hayotini battar rasvo qilish bilan shugʻullanadi kamiga. Kimnidir ichkilik ichishiga mutlaq neytral qarayman. Lekin 470 bet kimga qaysi ichkilik qanday ta’sir qilishini cheksiz ta’rifini oʻqish men uchun umuman qiziqmas. Kimgadir qiziq deb ham oʻylamayman. Muallif esa aksincha fikrda. Qancha doza qanday effekt berishni boshlashi kitobxonlarga juda qiziq deb oʻylasa kerak.

Hamma platformada bir qoʻydim. Minus ball qoʻyish mumkin boʻlganda oʻshani qoʻyardim. Yil oxirigacha qoʻlimga kitob olishga kuch topolmasam kerak oʻzimda endi. Hozircha shu, kech boʻldi, yotib uxlanglar.

2k 0 2 39

Dildora_bookaholic

19 Dec 2024, 19:25

Qarasam, hamma yillik #sarhisob qilayotgan ekan)

1.9k 1 4 32

Показано 20 последних публикаций.

2 096

подписчиков

Статистика канала

Популярное в канале

#sarhisob 2024-yil oʻqilgan kitoblar. Siz nechta kitob oʻqidingiz? Yanvar: 1. Хан Ган - Вегетари...

Shu kitobni oʻqib chiqdim, dabdala ekan. Oʻtmishga qaytish mavzusidagi kitoblar oʻquvchilar tomon...

“Toʻgʻri ishni qilish har doim ham insonni baxtli qilmaydi” Orhan Pamuk – Kar Yosh shoir Ka u...

“Biz oʻtmishga hozirgi dunyoqarashimiz bilan qaraymiz. Ya’ni biz oʻzgargan ekanmiz, qaysidir ma...

Men koʻrgan (online/offline) kitob doʻkonlari ichida eng kreativ nom va dizayn. Ishonaman, atmosf...