Ancha avval bolalikda rasm chizishga qiziqqanim va ozroq bo'lsada u haqida yozgandim. Lekin ustozlarim haqida yozmagan ekanman. Bolalikda uzoq muddat bo'lmasada rasm chizish bo'yicha to'garakka qatnashib yurganman. Keyinchalik yillar o'tib, ilk abituriyentlik yillarim (2011-yy) rassom Ilyos aka Mamatovdan tahsil ola boshladim. Ilk professional rassomlikka qadam ham ana shundan boshlangan. Oddiy rasmlar chizib yurgan yigit uchun juda katta burilish bo'lgan. Ustozim mehribon, bilimini ayamaydigan va shu bilan birga talabchan inson edilar. Ranglar bilan ishlashdan tortib xatto ramka yasash va 'xolst' tayyorlashgacha bo'lgan ilmlarni shu ustozimdan o'rgandim. Ustozdan qisqa vaqt ta'lim olgan bo'lsamda ammo juda ko'p narsa o'rgandim. Undan keyin esa 2012-yili bu o'rgangan bilimlarni yanada mustahkamlash uchun taniqli otaxon rassom, dotsent Chori Jumayevich Bekmirovdan tahsil oldim. O'sha yillari ustozni Kosmonavtlar metrosidagi ustaxonasida yashab, ta'lim olganman, ijod qilganman. Ustaxona haqiqiy ijod muhiti edi. Ustaxonaga ko'plab taniqli rassomlar, haykaltaroshlar, ijodkorlar kelardi. Ba'zilarini suhbatlarida bo'lish ham nasib qilgan.
O'sha yillari men uchun haqiqiy ijod yillari bo'ldi desam yanglishmayman.

Mana oradan 12 yil o'tkan bo'lsada hozir ham ustozlarning o'gitlari, tavsiyalari va bergan ta'limlari o'z samarasini berib kelmoqda.

Alloh ustozlardan rozi bo'lsin!

P/S: yuqoridagi natyurmortlar 2011-2012- yillardagi ijodlarimdan namunalar bo'lib, gullar Ilyos aka Mamatov ijodxonasida, "Qovun" natyurmorti esa Chori Bekmirov ustaxonasida chizilgan.

@firdavsabduraufxon