#tips

Tailoring nima yoki nega kiyim modellarda chiroyliroq turadi?

Suratda maneken qanchalik "mukammal qomat"ga ega boʻlmasin, kofta va shim oʻlchami unga mos boʻlmagani uchun kiyim osilib turibdi. Chunki kiyim mijoz qomatining xususiy jihatlariga moslab tikilgan va kiyim uning qomatiga qolipdek tushadi, lekin benuqson manekenda unday turmaydi.

Koʻpincha hatto oʻlchami mos kiyimlarning ham boʻyin, koʻkrak va qoʻltiq qismlari noqulay turishining sababi shu. Bozorda kiyimlar standart qomatga moslab tikiladi. Umumiy oʻlchamingiz M boʻlsa ham, koʻkrak kichikroq, yelka kengroq, qoʻlning yuqori qismi goʻshtdorroq boʻlishi mumkin. Natijada M kiyimning yengi tor keladi, L oʻlcham esa qoʻltigʻi mos, lekin boshqa joylari osilib qoladi.

Modellar va mashhurlar uchun kiyimlar tailoring (qomatga moslash) jarayonidan oʻtadi. Tana xususiyatlari inobatga olinib, kiyim uni bequsur koʻrsatadigan qilib tikiladi. Shu bois hatto oversize modelning ulkan qornini yashirolgan kiyim sizning egningizda gʻalati turishi mumkin.

©️kamzul_uz

👉🏻 @textile_course