Hurmatli ustozlarga!
2025-yilning 1-yanvaridan boshlab ona tili adabiyot va tarix fani ustozlari tegishli darajadagi milliy sertifikatga ega boʻlishsa,ularning oyliklariga 50% miqdorida ustama qoʻshib beriladigan boʻldi. Taqqoslash uchun boshqa fan ustozlari bunday sertifikatga ega boʻlsa,ularga oyliklarining 20%i miqdorida ustama qoʻshib beriladi. Shundan kelib chiqib boshqa fan ustozlari bundan norozi boʻlmoqda! Toʻgʻri,barcha fan ustozlari shunday imkoniyatga ega boʻlgani juda yaxshi,lekin men sizlarga boshqa holat bilan ushbu holatni solishtirib koʻrsataman.


Shunisi achinarliki,ingliz tili ustozlari shu paytgacha sertifikati evaziga 50% ustama olib kelgan paytlarda hech qaysi fan ustozi bu holatga shikoyat qilmagan. Ingliz tilichilar ham kuchli mehnati bilan ushbu ustamaga erishgan,ularga mening gʻarazim yoʻq.

Eng achinarli holat shuki,millat tili va uning tarixini oʻrgatadigan ustozlar ham ingliz tili ustozlariday ustamali huquqqa ega boʻlishni boshlasa,koʻpchilikka bu yoqmayapti. Aslida,ingliz tili (yani oʻzgalar tili)ga berilayotgan bunday imkoniyatga shikoyat qilsak,yaxshi emasmidi? Qaytaram,ingliz tili va uning ustozlariga hech qanday gʻarazli holatda emasman. Aksincha,ularni hurmat qilaman. Sababi 5 oy ingliz tili kursiga borib bu tilni oʻrganishning qanday mashaqqatli ekanini his qilganman. Shunchaki,millat tili va tarixi har qanday chet tilidan ustun turmogʻi kerakligini aytmoqchi boʻldim!