🔵Bugun 27-mart kuni Aloqa tarixi muzeyida “Davlat organlari va tashkilotlari hamda muhim axborot infratuzilmalari subyektlarining axborot tizimlari, resurslarida kibertahdidlarni oldini olish va kiberxavfsizligini ta’minlash masalalari” mavzusida navbatdagi seminar bo‘lib o‘tdi.

🔵Tadbir avvalida, yig‘ilganlar tomonidan Kiberxavfsizlik markazi mutaxassislarining soha doirasidagi taqdimotlari tinglandi. Xususan “Veb-ilovalarni kiberhujumlardan samarali himoya qilish hamda kibertahdidlarni oldini olishning zamonaviy yondashuvlari”, “MAI obyektlarini toifalash dalolatnomasini shakllantirish masalalari”, “Axborotlashtirish obyektlarini atestatsiyadan o‘tkazish masalalalari”, “ISO/IEC 27001 standartini davlat boshqaruv organlarida joriy qilish” “Kiberxavfsizlik sohasida kadrlar tayyorlash va malakasini oshirish” hamda “Kiberxavfsizlikni ta’minlash vositalarini sertifikatlashtirish” kabi dolzarb mavzularga bag‘ishlandi.

🔵Samimiy suhbat davomida yig'ilganlar bu kabi seminarlarning o'tkazilishi yaxshi an'anaga aylanganligini e'tirof etishdi.

📊 Tadbir so‘nggida, Markaz tomonidan 2024-yil yakuni natijalariga muvofiq kiberxavfsizlikni ta’minlashda faol ishtirok etgani va yuqori ko‘rsatkichlarga erishilgani uchun qator tashkilotlar taqdirlandi.

🌐Website | 📝Telegram | 🌐Facebook | 📹Youtube