#navoiyxonlik
#buvaydaakm

Bizning shaydo ko'ngil bechora bo'lmish...

Bizning shaydo ko'ngil bechora bo'lmish,
Malomat dashtida ovora bo'lmish.

Anga baskim, yog'ar tosh ustida tosh,
Tanida yora uzra yora bo'limsh.

Irarda dam-badam xorog'a boshin,
So'ngaklar anda pora-pora bo'lmish.

Balo tog'i aro yotqanda bemor,
Xazu sinjobi xoru xora bo'lmish.

Qaro qildi nechukkim ro'zg'orim,
Oning ham xonumoni qora bo'lmish.

Qadah xurshidi qonidin, g'amidin,
Sirishkim kavkabi sayyora bo'lmish.

Navoiy, choradin ko'p dema so'zkim,
G'amingg'a chorasizlik chora bo'lmish.