Қонунчилик палатаси спикери Нурдинжон Исмоилов ИИВ томонидан тайёрланган “А” полосали йўлларни тартибга солиш билан боғлиқ қонун лойиҳасининг ялпи мажлисдаги муҳокамаси давомида сўнгги пайтларда йўл ҳаракати хавфсизлиги билан боғлиқ бўлган қонунларда тақиқловчи, чегараловчи ва жазо чораларини кучайтирувчи нормаларга кўп урғу берилаётганлигини танқид қилди.

“Эртага сайловчиларга нима деймиз? Сайловчилар сўрайди-ку, сизлар қачонгача жазони оширавераслар деб. Биз буни тушинтира олишимиз керак”, деди спикер.

P.S.: Спикернинг электорати машинали одамлар, шекилли. Тили, ҳуқуқи йўқ бўлган пиёда, жамоат транспорти йўловчиларини сайловчи сифатида умуман тан олмайди, афтидан. Балки ишига бир-икки марта автобусда келиб кетса, ҳақиқий аҳволни кўриб, бу масала нега кўтарилаётганини англаб, фақат ҳайдовчиларнинг эмас, пиёда-сайловчилар устуворлиги, ҳар йили 2500-3000 одамнинг йўлларда ўлаётганини, ўн минглаб одам ногирон, мажруҳ бўлиб қолаётганини тушунармиди? Жамоат транспортининг фаол тарғиботчисига айланармиди? Давлат раҳбари парламентга бу борада аниқ вазифалар қўйганини яна бир эслатиш керакдир балки.