МАДИНАДА УЙ ОЛГИН БОЛАМ.

Сўзларимга қулоқ сол болам.
Менга берма қаймоқ, бол болам
Онанг қалбин шод қилай десанг
Мадинада уй олгин болам.

Майли, пастроқ тошдевор бўлсин Деразаси кичикроқ бўлсин.
Набавия кўриниб турсин.
Мадинада уй олгин болам.

Тош ерида дарахтлар битмас.
Гулу райҳонлар ҳам керакмас.
Бир тупгина хурмо бўлса бас.
Мадинада уй олгин болам.

Набий(с.а.в.)ни соғинсам ҳар гал
Равзага кираман ҳар сафар.
Кунда беш, ўн, йигирма маҳал.
Мадинада уй олгин болам.

Росулуллоҳ(с.а.в) юрган кўчалар
Тупроғини ўпсам неча бор.
Кезсам кундуз ҳамда кечалар.
Мадинада уй олгин болам.

Ухудда хатмоналар қилсам.
Қубога тез тез бориб турсам.
Қиблатайнда намоз ўқисам
Мадинада уй олгин болам.

Куним битиб, паймонам тўлса.
Фаришта жон олгани келса.
Бақиъ сўнгги маконим бўлса.
Мадинада уй олгин болам.

Сўзларимга қулоқ сол болам.
Мадинада бир уй ол болам!

Мастура ҳожи она