Bog‘ot tumani hokimligi

Bog‘otlik sportchilardan tashkil topgan Xorazm terma jamoasi regbi bo‘yicha O‘zbekiston chempionligini qo‘lga kiritdi

Joriy yilning 22-23-noyabr kunlari Bog‘ot tumanida U-18 yoshlar (o‘g‘il va qiz bolalar) o‘rtasida regbi bo‘yicha O‘zbekiston kubogi musobaqalari bo‘lib o‘tdi. Bogʻot tuman olimpiya va milliy sport turlariga ixtisoslashtirilgan maktab internatining sportchi-o‘quvchilaridan iborat Xorazm terma jamoasi yigit-qizlari barcha raqiblarini mag‘lubiyatga uchratib, Oʻzbekiston chempioni boʻlishdi.

Musobaqalar yakunida g‘olib va sovrindor bo‘lgan sportchilar tuman hokimi Jahongir Nazarov hamda O‘zbekiston regbi federatsiyasi rasmiylari tomonidan medal va esdalik sovg‘alari bilan taqdirlandilar.

@bogottumanihokimligikanali

Ajrim yoqasiga kelib qolgan oilalar yarashtirilmoqda

Oila bu - jamiyatning bir bo‘g‘inidir. Shunday ekan, oila mustahkamligi yo‘lida xizmat qilayotgan oilaviy qadriyatlarni mustahkamlash, ajrimlarni oldini olish maqsadida tuman oila va xotin-qizlar bo'limi hamda boshqa hamkor tashkilotlar a’zolaridan iborat tuman komissiyasi tomonidan notinch, yosh va ajrim yoqasiga kelib qolgan oilalar bilan muntazam ravishda uchrashuvlar tashkil etilib, ajrim yoqasiga kelib qolgan oilalar yarashtirilmoqda.

Bu kabi tadbirlar hamkor tashkilotlar bilan birgalikda muntazam ravishda o‘tkazilib kelinmoqda.

@bogottumanihokimligikanali

Bugun tuman hokimi Jahongir Nazarovning tadbirkorlik loyihalarini qoʻllab-quvvatlash va yangi ishlab chiqarish quvvatlarini ishga tushirishda uchrayotgan muammolarni aniqlash va ularni bartaraf etish boʻyicha tumandagi tadbirkorlar bilan uchrashuvi boʻlib oʻtdi.

Uchrashuvda tadbirkorlarning biznesini rivojlantirish, xizmat koʻrsatish shoxobchalari faoliyatini kengaytirish va yangi loyihalar boʻyicha taklif hamda muammolari tinglandi.

Tuman rahbari ishbilarmonlarni batafsil eshitib, muammolarga yechim topish va tadbirkorlarni qoʻllab-quvvatlash boʻyicha masʼullarga koʻrsatma hamda topshiriqlar berdi.

@bogottumanihokimligikanali

Президент Шавкат Мирзиёев Хоразм вилоятини ижтимоий-иқтисодий ривожлантиришнинг қўшимча чора-тадбирлари юзасидан йиғилиш ўтказди.

“Bir boʻlsak – yagona xalqmiz, birlashsak – Vatanmiz!” shiori ostida harbiy-vatanparvarlik yig‘ini tashkil etildi

Joriy yil yanvar oyida Prezident Shavkat Mirziyoyev raisligida o‘tkazilgan Xavfsizlik kengashining kengaytirilgan yig‘ilishida yoshlar bilan ishlash tizimini takomillashtirish, xususan, yosh avlodning qalbi va ongi uchun kurash kuchayib borayotgan hozirgi davrda harbiy-vatanparvarlik ruhidagi tarbiyaning o‘rni va ahamiyati tobora ortib borayotganiga alohida e’tibor qaratilgan edi. Davlatimiz rahbari bu masala bo‘yicha mutasaddilarga tegishli topshiriqlar bergan.

Ayni shu maqsadlarda Bog‘ot tumanida yoshlarda harbiy-vatanparvarlik tuygʻularini yanada kuchaytirish, ularni mamlakatimiz Qurolli kuchlaridagi islohotlar bilan yaqindan tanishtirish maqsadida harbiy o‘quv-yig‘ini hamda sport musobaqalari tashkil etildi.

Tadbirda tuman hokimi Jahongir Nazarov, sektor rahbarlari, kuch tuzilmalari harbiy xizmatchilari va Qurolli Kuchlar akademiyasi vakillari ishtirok etdi.

@bogottumanihokimligikanali

Bugun tuman hokimi Jahongir Nazarov sektor rahbarlari bilan birgalikda "Ayollar daftari" hamda “Yoshlar daftari”da turuvchi bir guruh xotin-qizlarga ularning murojaatlari bo‘yicha subsidiya asosida tikuv mashinalarini topshirdi.

Tuman rahbari xotin-qizlarning jamiyatdagi faolligini oshirish, ularning bandligini taʼminlash va ijtimoiy qoʻllab-quvvatlash-birlamchi ahamiyatga ega dolzarb vazifa ekanligini taʼkidlab, oʻz ustida ishlashni, oʻz-oʻzini band qilishni xohlovchi har bir fuqaro uchun, albatta, yordam berilishini, davlat tomonidan berilayotgan imkoniyatlardan samarali foydalanilish xususida to’xtaldi.

@bogottumanihokimligikanali