* * *

Кўплар учиб чиройга,
Чеҳранг ўхшатар Ойга.
Сени мен Кунни ёққан -
Юзинг билан севаман.

Кўплар лафзинг "ғазал" дер,
"Лабдан томган асал" дер.
Сени мен жўшиб оққан -
Тузинг билан севаман.

Кўплар билмай огоҳни,
Кўрар нозик нигоҳни.
Сени мен қаттиқ боққан -
Кўзинг билан севаман.

Кўплар сени ҳур англар,
Ширин гуфторинг тинглар.
Сени мен аччиқ чаққан -
Сўзинг билан севаман.

Менга кулиб хуш омад,
Айласам гар хушомад:
Сени мен менга ёққан -
Ўзинг билан севаман...

БОБУР БОБОМУРОД

5.1.2025. 22:00.

@bobur_bobomurod