Аччу гаплар 🌶

Ҳайр, анонимлик

Telegram энди суҳбатдош ҳақидаги маълумотларни тақдим этади.
Telegram иловасининг Android учун бета-версиясида эндиликда сиз билан диалог қилган фойдаланувчи ҳақидаги қўшимча маълумотларни кўриш функцияси пайдо бўлади.
Мессенжер орқали:
🔹телефон рақам тегишли давлат;
🔹аккаунтни рўйхатдан ўтган ой ва йил;
🔹умумий гуруҳлар рўйхати ва сони;
🔹верификация даражасини билиш мумкин бўлади.
Бу ғоя Павел Дуров томонидан 2024 йил июль ойида эълон қилинган эди.
Бундай янгилик иловада сохта аккаунтлар очиб фирибгарлик қилаётганларга қарши курашиш ва фойдаланувчилар учун қўшимча қулайлик яратиш мақсадида жорий қилиняпти.

📱 https://t.me.blueskyuz

Эски тизимни ўзгартирмоқчи бўлган кишиларга ҳамма ерда қийин бўлган. Ҳатто АҚШда ҳам ...

Бу суратда АҚШ ҳукуматини молиялаштириш бўйича қонун лойиҳасининг аввалги ва Илон Маск аралашувидан кейинги ҳолати.
Маск ислоҳотлар самарадорлиги ва молиявий ҳаражатларни қанчалик мақсадли сарфланаётганини тафтиш қилишни бошлагани албатта кўпчиликка ёқмайди. Сабаби, йиллар давомида бюрократик тизим миллионларни бевосита давлат ва фуқаролар манфаатига алоқаси бўлмаган нарсаларга ишлатиб келгани фош бўлиб қоляпти.
АҚШнинг давлат ҳаражатларини қисқартириш бўйича қилаётган ишлари сабабли Маск ўлим билан таҳдид қилишаётгани ҳақида айтди. «Агар ҳозиргидек давом этадиган бўлса мамлакат де-факто банкрот бўлади. Бу бор нарса. Шу сабабли менга нисбатан зарбалар ва ўлдириш билан таҳдид қилишлар кўпайяпти», - дейди миллиардер.
Шу билан бирга, Илон Маскнинг сиёсатга тобора кириб бораётгани ортидан Tesla компаниясида пастлаш кузатиляпти. Сиёсий митингларда чиқишлари, баёнотлари ва ҳаттто имо-ишоралари сабаб Европада Маскка нисбатан салбий муносабат шаклланиб боряпти ва одамлар электромобилларни сотиб олишни исташмаяпти. Аксинча, Tesla расмий салонларига нисбатан вандализм, электрокарларга свастика, антифашистик шиорлар ёзишлар ошиб боряпти. Tesla моделларини сотиб олганлар ҳам бундан шокка тушишяпти ва уларни сотиб бошқа транспорт воситаларига алмаштиришяпти.
Нидерландия, Норвегия, Франция, Испанияда Маск автомобиллари сотуви 30% дан 75% гача тушиб кетгани кузатиляпти. Айрим компания ва инвесторлар Tesla билан ҳамкорлик ва акциялари билан ишлашдан бош тортишяпти.
Экспертлар Маск ё сиёсатни, ё бизнесни танлаши кераклигини айтишяпти.

Биласизми, бу ҳолат Ўзбекистондаги 🇺🇿 бир шахс билан боғлиқ воқеаларни эслатиб юборди. Комил Алламжонов ҳам давлат сиёсатига новатор сифатида кириб, моғор босган эскича тизимни ўзгартириш бўйича таклифлар, ҳаракатлар қилишга уринди. Қайсидир маънода бу ишни уддалади ҳам. Лекин режалар охиригача бажарилишига йўл қўйишмади. Бўлиб ўтган ишлардан озми-кўпми одамлар хабардор.
Бу билан Давлат сиёсатида АҚШ бўладими, Россия ёки Европа давлатларими, Ўзбекистон ёки Марказий Осиёдаги бошқа давлатми етарлича қарши манфаатдор гуруҳлар бор бўлавераркан деган фикр келади. Буни ўша давлатда Илон Маск ёки Комил Алламжоновга ўхшаган шахсларнинг фаолияти билан боғлиқ шов-шувлар орқали билиш мумкин экан.

📱 https://t.me.blueskyuz

🇺🇸 Доналд Трамп тарафдорлари АҚШ президенти яна бир муддатга сайланиши учун Конституциясига ўзгартириш киритишни режалаштиришяпти.
1951 йил қабул қилинга АҚШ Конституциясига киритилган 22-ўзгартириш бир шахсни икки мартадан ошиқ давлат раҳбари этиб сайланишини тақиқлайди.

Бу янгиликдан кейин Ўзбекистон ва айрим собиқ иттифоқ давлатлари бу нарсада анча олдинда ва анча-мунча тажриба йиғиб қўйган давлат эканига ишоняпман 🙃

📱 https://t.me.blueskyuz

Қирғизистонда криминал, жаргон, сўкиш сўзларга алоқадор аббревиатурали авторақамлар тақиқланди

Қирғизистонда қуйидаги ҳарфлар комбинациясида давлат рақамлари бериш тақиқланди:
• давлат органларини англатадиган аббревиатуралар: MVD, MBD, MWD, MID, AKS, AKC, GNS, GTS, IIM, OBD, OVD, UBD, OWD, UVD, UWD;
• давлатлараро ташкилотлар, иттифоқларни англатадиган аббревиатуралар: OON, OOH;
• савдо ва товар белгилари, фирмалар номлари ва интеллектуал мулк объектларига тегишли аббревиатуралар;
• қўшни давлатлар номларини англатадиган аббревиатуралар — TJK, UZB, KHP, KAZ;
• сўкиш, ахлоқсиз ва икки хил маъно англатадиган жаргон сўзларни англатадиган ҳарфлар комбинацияси — GEI, HUY, HER, HUI, HYI, KOT, LOH, LOX, SEX, XEP, XUI, XUI, XYI, XYN;
• криминал ғояни билдирадиган аббревиатуралар — AUE, BOP, OPG, VOR, WOR, ZEK, ZLO.

Ушбу авто рамқамлар давлат агентлиги томонидан олинади ва кейинчалик утилизация қилинади. Рақамлар транспорт эгасининг ихтиёри билан ёки уни рўйхатдан ўтказаётганда олиб қўйилиши мумкин. Бунда янги рақам ва уни рўйхатдан ўтказиш ҳаражатлари давлат томонидан тўлиқ қоплаб берилар экан.
Рақамларни топширишдан бош тортган шахслардан транспорт воситаси жарима майдончасига олиб қўйилади ва жарима қўлланилиши, янги давлат рақами билан мажбурий алмаштирилиши ҳақида огоҳлантирилган.


Айтишларича, Ўзбекистонда яқинда олиб қўйилган UZB комбинацияли давлат рақамлари ўрнига бошқа вариантдаги рақамлар берилар экан.
Ўйлашимча, YUB (Yangi Uzbekiston Boylari), KLN (KLaN), OYU (Oyog’I Yerdan Uzilgan), SMM (MSM) каби комбинациялардаям олиш мумкин.
Сизнингча, янгилари қандай ҳарфлар комбинациясида бўлади? Ўз вариантларизи ёзинг.

📱 https://t.me/blueskyuz

Айтишларича, Белорусиядаги президентлик сайловларида овоз бериш бюллетенида номзодлар ана шундай бўлганмиш 🙃
#humortime

📱 https://t.me/blueskyuz

Ўзи яшаётган давлат еридан қазиб олинаётган газини маиший эҳтиёжи учун ҳам ишлата олмаётган халқнинг эмас, балки Алишер Қодировга ўхшаган нусхалар парламентда бўлган давлатнинг косаси оқармайди.

Сотилмаган нима қолди Ўзбекистонда? Газни шунча йил четга сотиб тушган пулни аҳоли турмуш шароитини яхшилашга сарфладиларми? Газ ўрнига муқобил энергия манбалари, узлуксиз таъминот тизими яратилдими?
Нима учун бизни давлатда ҳамма нарсага халқ айбдор қилинади?

📱 https://t.me/blueskyuz

Жума куни мусулмонлар дам олишади, шанба куни – яҳудийлар, якшанбада православлар. Душанба куни инқилоб
© В.Жириновский

Тошкент шаҳар ҳокими Шавкат Умурзоқов 2025 йил 21 январь куни «Тошкент шаҳрида миллийликни кенг тарғиб қилишга доир қўшимча чора-тадбирлар тўғрисида»ги қарорни имзолади.
Унга кўра, давлат ташкилотлари ходимларига иш кунларида миллий либосларда юриш тавсия этилади.

Мактаб, институтларда форма талаб қилиб шаклланган онг энди ишхоналаргаям кириб боряпти. Одамларда миллий ғурур, ватанпарварлик ва ўзлигига содиқликни ташқи кўриниш билан эмас, қулай иш ўринлари, муносиб яшаш шароити, ҳуқуқларини бекаму-кўст таъминлаб қўйиш, жамиятда коррупция ва непотизим каби иллатларни йўқотиш билан шакллантирса бўлмайдими?
Ишхонада миллий либосда ўтириб интернетда ойлиги яхши бўш вакансияларни қидириш, хорижда ишлаш ёки яшаш шартлари ҳақидаги эълонларни ўқиш бошқача бўлса керак-а?
#бунақафикрларқаерданкеладикаллаларинга

📱 https://t.me/blueskyuz

Ўзбек зиёлилари, фаоллари қатағон бўлишига сабаб бўлган сотқин, чақимчи-қулоқлар ҳақидаги архивлар очиқланиши вақти келмадими?

Яқинда Собиқ Иттифоқ даврида советлар мафкурасига хизмат қилган бир мулозим аёлнинг вафот этгани ҳақидаги хабар муҳокамасини кузатар эканман, аксар изоҳларда у аёлни атеист, Совет мафкурасининг ашаддий ҳимоячиси ва тарғиботчиси, ўзбек ёшларини марксизм-ленинизм ғояси асосида яшашига мажбур қилган мулозим сифатида таърифлаб, қарғаган, ҳатто нариги дунёда ҳам азобланиши кераклигини ёзишган. Бу ҳолат айрим фикрларни уйғонишига сабаб бўлди ...

Шу ўринда Олий суд томонидан ҳозир ноҳақ қамалган, қатағон қилинган юртдошларимизни оқланганаётгани, номи, хотираси тикланаётгани, миллий руҳ, ғурур ва озодлик ғояларини синдиришга қаратилган сохта айбловлар ва фитналар тўғрисида тарихий архивлар очиқланаётгани эсимга тушди.
Олий Суд томонидан реабилитация қилиш ҳақидаги қарорлар тарихий адолатнинг тикланиши экани шак-шубҳасиз. Лекин ана шу реабилитациянинг ўзига ҳам муносабат, қараш турли. Сталиндан кейин Хрушев пайтида ҳам, ундан кейин Горбачёвнинг «қайта қуриш» даврида ҳам, Ўзбекистон мустақиллигининг дастлабки йилларида ҳам сиёсий мақсадда сохта айблар, чала-чулпа далиллар билан судланганлар оқланган эди. Турли давларда бўлган бундай оқлов давлат сиёсати учун қандай хизмат қилгани ва аҳамияти ҳақида гапирмоқчи эмасман, бу муҳокама, мунозарага сабаб алоҳида мавзу, менимча.

Мен кўпроқ бошқа масалага, Олий Суд қарорлари билан оқланаётган шахслар ҳақидаги хабарлар фонида жамоатчилик эътиборидан қолиб кетаётган, реабилитация бўлганлардан-да муҳимроқ савол ўйлантиряпти. Турли йилларда ЧК, ОГПУ, НКВД, КГБ идораларига ўзбек жамияти орасидаги шахслар тўғрисида чақимчилик, «аноним» кўрсатмалар, туҳматлар ёзган шахслар рўйхати қайд қилиниб борилган. Ана шу рўйхат архивлари қачон очиқланади? Давлат бундай рўйхатни қачон очиқлаши мумкин? Балки бу рўйхатда ҳозир одамлар қаҳрамон, фаол деб ҳисоблаган шахслар исми чиқиб қолар, балки улар орасида ҳозир юқори лавозимларда ўтирган шахсларнинг қариндошлари чиқиб қолар?

Кимнидир ўтмишда халқи ва давлатига қарши қилган ёмонликлари тўғрисида фақат ўлганида эмас, тириклигидаёқ одамлар билиши керак. Вафот этгани ҳақидаги хабар чиққанида «ёмон эди», «сотқин эди» деган изоҳлардан нима наф? Чунки «ўлган одам ҳақида фақат яхши гапириш, яхши гапи бўлмаса жим туриш керак».

📱 https://t.me/blueskyuz