G'alati savol: biror marta miyangiz og'riganmi?
Tishim og'rigani sabab, bugun tish doktorga bordim, 500 ming pulim ketdi. Qaytishda kitob do'koniga kirdim. O'zimga yoqqan kitoblarni olishni reja qilib turgandim, yonimda pulim qolmagani esimga tushdi. Kitob olmay, qaytib chiqib ketdim.
Yo'lda ketyapman-u, o'ylayapman. Tish doktorga kirganimda ham yonimda pulim kam edi. Lekin tanishimga qo'ng'iroq qilib, kartamga pul tushirdim. Chunki, u paytda pul haqida emas, tezroq tishimdagi og'riqdan halos bo'lishni o'ylardim. Nega kitob uchun ham shunday qilmadim?!
Qornimiz ochsa, oshqozonimiz ovqat ber, deydi. Tana a'zomiz og'risa, meni davola deydi.
Miyamiz esa, o'ziga keragini so'ramaydi. Qaniydi, miyamiz ham boshqa a'zolarimiz kabi og'riq signalini bera olsa va bu og'riq kitob o'qish, yangi tajriba va bilimlar egallash bilan davolansa...
©
Elbek Ergashev
📌
@Abadiytalaba
