For me

Chaqirayin, mavlom, seni

ISMI GO’ZAL O’ZI GO’ZAL MUHAMMAD

Jonim qurbon bo’lsin sening yo’lingga,
Ismi go’zal, o’zi go’zal Muhammad.
Shafoat aylagin kamtar qulingga,
Ismi go’zal, o’zi go’zal Muhammad.
Mo’min bo’lganlarning ko’pdir jafosi,
Oxiratda bo’lur zavqu safosi.
O’n sakkiz ming olamning Mustafosi,
Ismi go’zal, o’zi go’zal Muhammad.
Yetti qavat ko’kni sayron aylagan,
Samo minbarida javlon aylagan.
Me’rojida ummatini tilagan,
Ismi go’zal, o’zi go’zal Muhammad.
To’rt choriyor uning sodiq yoridir,
Uni sevgan gunohlardan beridir.
O’n sakkiz ming olamning sultonidir,
Ismi go’zal, o’zi go’zal Muhammad.
Sen haq payg’ambarsan, shaksiz-gumonsiz,
Yo’lingdan yurmagan ketar iymonsiz.
Oshiq Yunus naylar, dunyoni sensiz?
Ismi go’zal, o’zi go’zal Muhammad!

***

Tog’lar ila, toshlar ila chaqirayin Mavlom seni,
Saharlarda qushlar ila chaqirayin Mavlom seni.

Suv tagida mohi ila, sahrolarda ohu ila,
Devonadek “yo, Hu!” ila chaqirayin Mavlom seni.

Samolarda Iso ila, Tur tog’ida Muso ila,
Qo’limdagi aso ila chaqirayin Mavlom seni.

Hamdu shukri Iloh ila, vasfi qulhuvalloh ila,
Doimo zikrulloh ila chaqirayin Mavlom seni.

Angladim dunyo holini, tark etdim qiylu qolini,
Bosh ochiq oyoq yolini chaqirayin Mavlom seni.

Yunus o’qir tillar ila, ul qumri bulbullar ila,
Haqqa ochiq qo’llar ila chaqirayin Mavlom seni.

Yunus Emro
(Nosir Muhammad tarjimasi)

ҚОНИМ ИШҚҚА ҲАЛОЛ

Ай,ёронлар сўйламасман,
Жоним нега толганини,
Васф этмакка қўрқар дилим,
Кўнглимни ким олганини.

Кўнглим тўла,сиғмас дила,
Ошиқ бўлар бу ҳол ила,
Ишқ кимларни берди ела,
Англаёлмас бўлганини.

Ишқдан хабар билганларни,
Ишқ дарди-ла тўлганларни,
Куфру имон олганларни
Айбламасман кулганини.

…Ишқ Юнусни айлади лол,
Маним қоним ишққа ҳалол,
Қўй,барини этсин паймол,
Кўрмай айру қолганини…

Jonim bolam o‘zimning🥺😢

12:52
Zombi

Insonning kiyimi uning tabiatiga ta‘sir qiladi

Lablaringdin garchi qon yutmoq damo-damdur manga,
Gar dame jomi visoling yiqsa, ne gʻamdur manga?

Pand eshitmay, koʻrub oni, yuz balogʻa uchradim,
Koʻzlarim chiqsunki, yuz muncha sazo kamdur manga!

Qofi shavqum sharhini tahrir qildim, vah, iye sud,
Kim anga irsol uchun simurgʻ mahramdur manga.

Yor mundoqkim nihondur koʻzdinu men telbamen,
Kim degaykim, fitna boʻlgʻon nasli Odamdur manga.

Qora chirmab yosh toʻkub, afgʻon qilurmen xomadek,
Etgali nolon koʻngul bu navʼ motamdur manga.

Oʻzga yuzga boqma deb, har bir koʻzumga bosti muhr,
Iynak-iynak har qaro bir naqshi xotamdur manga.

Dahr aro tushgan havodis oʻtidin moniʼ emas,
Koʻz yoshimdin garchi koʻz tushguncha bir namdur manga.

Soqiyo, jomi jahonbin tutki, andin kashf etay,
Kim koʻp ish bu korgah vazʼida mubhamdur manga.

Dilbari ollida Majnun naqdi jon sarf etmadi,
Ey Navoiy, ishq atvori musallamdur manga

Ey, nubuvvat xayligʻa xotam bani Odam aro,
Gar alar xotam, sen ul otkim, boʻlur xotam aro.

Yuz eshiging tufrogʻigʻa surta olgʻaymenmu deb
Charx qasridin quyosh har kun tushar olam aro.

Anjum ichra orazing meʼroj shomi uylakim,
Tushsa durri shabcharogʻi har taraf shabnam aro.

Ne uchun kiymish qaro har yon solib jaybigʻa chok,
Furqatingdin Kaʼba gar qolmaydurur motam aro?

Sof koʻnglida yuzung mehrini goʻyo asramish,
Tush chogʻi har kun quyosh aksi emas Zamzam aro.

Mashʼale boʻlmish malak ilgida ravzang boshigʻa
Oy charogʻi har kecha bu nilgun toram aro.

Qum emas Bathodakim, mehri jamoling hajridin
Zarra-zarra jismi bir-birdin toʻkuldi gʻam aro.

Yoʻl emas, Yasribda yirtibtur yuzin tirnogʻ ila
Maqdaming to yetmadi ul vodiyi xurram aro.

Itlaring maxsusu mahzundur Navoiy, koshki,
Kirsa bu mahrum ham ul zumrayi mahram aro.

Alisher Navoiy, "Badoyi ul-bidoya"-6