Фарзанд тарбияси — бу каналда йиғилган ҳар бир аёлни қизиқтирган масала, тўғрими?

Қизлар, қанчалик жиддий қараманг фарзандни тарбиялашдан аввал ўзингизни ўзгартиришингиз керак. Фарзандингиз сиздан ўрнак олади, сизни такрорлайди.

Шунинг учун фарзандингиз қандай бўлишини истасангиз ўзингиз намуна бўлинг

.

Меҳрибон бўлишини кутаяпсизми — меҳр беринг;
Телефондан бошини кўтармаяптими — сиз бўш вақтдан унумли фойдаланишни кўрсатиб ўрнак бўлинг;
Қайсар, қўполми — чиройли гаплар билан уни яхши характерли инсон бўлишига ишонч билдиринг...

Биз онамиз. Она эса ўз фикрлари, чиройли муомаласи билан фарзандини буюк шахс бўлиб етишишига хизмат қилади. Онанинг фарзандини ўзи тўғри деб билган йўлга солиш, ўзгартириш, доим камчиликларини тўғирлашдан ҳам муҳимроқ вазифаси — фарзандга ишонч бериш, руҳлантириш аслида.

Сиз фарзандингиз келажакда қандай инсон бўлишини истайсиз? Буни ўзига айтиб турасизми?