Ҳаммамиз яхши яшашни хоҳлаймиз, бахтли аёл бўлишни, турмуш ўртоғимиз, оиламиздагилар ҳурмат қилишини, қадрлашини, рўзғоримизда барака бўлишини, фарзандларимиз муваффақиятли инсонлар бўлиб камолга етишини...

Ва кутамиз, кимдир яхши гапиришини, турмуш ўртоғимиз бизга совғалар беришини, қайнонамиз мақтаб қўйишини кутиб яшаймиз. Улар кутганимиздек бўлмаса хафа ҳам бўламиз, нолиймиз ҳам...

Энг катта хатоимиз ҳам шу. Биз ўзимиз яратган кутувлар оқланмагани учун ўзимизни хафа қиламиз.

Нима кутаётганимизни билмаган турмуш ўртоғимиз, қайнонамиз, фарзандимиз эса нега хафалигимизни тушунмайди ҳам.

Сизда бўлганми шундай ҳолат?
Кимдан қандай кутувларингиз бўлгану оқланмаган?