👊👊Barcha janglar🔞👊

Munisa Rizayeva va UFC jangchisi Maxmud Murodov turmush qurishyaptimi batafsil.👇👇👇👇👇👇👇👇👇👇👇
@hayotim05

Diqqat kanalimiz haqida qisqacha malumot bersam:
Kanalimizda qizlarni qanday rom qilish,qanaqa kiyinish uslublari haqida,qizlarga qanaqa xushomadlar qilish va juda ko'plab foydali va sifatli maslahatlar olasiz marxamat 😱😱😱😱😱😱😱😱😱😱
Kanalimizga azo bo'ling
👇👇👇👇👇👇👇👇
@erkaklar_989

Каримовга суиқасд қилганлардан бири афв этилиб, озодликка чиқди


Ўрта авлод вакиллари 1999 йилнинг 16 февралини яхши эслайди. Тошкент осмони қора тутунлар билан тўлган ўша мудҳиш кунда мамлакатдаги энг йирик қўпорувчилик ҳаракатлари амалга оширилган эди. Ўзбекистоннинг ташқи ва ички сиёсатида, хавфсизлик хизматидан тортиб, энг кичик идоралар фаолиятида ҳам туб бурилиш ясаган ушбу ҳодиса нафақат мамлакатнинг конституциявий ҳокимиятини ағдаришга ҳаракат, балки шахсан Биринчи Президент Ислом Каримовга қаратилган суиқасд эди.

Шу воқеадан кейин Жиноят кодексининг 159-моддаси, яъни Ўзбекистон Республикасининг конституциявий тузумига тажовуз қилишда айбланган Абдусаттор Қодиров узоқ йилга озодликдан маҳрум этилди. 

Тошкентнинг Шайхонтоҳур туманидан бўлган Абдусаттор Қодиров динни ўрганиш мақсадида қўшилган гуруҳ фитнакорлар тўдаси эканини чуқур англамай туриб, уларнинг буйруқларини бажаришга киришди. Динга даъватлар билан бошланган “варақа”ларда мавжуд тузумни ағдариш ғояси акс этганини 22 ёшли косиб йигит тушуниши даргумон эди. Чунки унинг на диний, на сиёсий билими йўқ эди. Шундай варақани тарқатаётганда ушланган бу йигитнинг тақдирига эса қора чизиқ тортилди.

Зокиржон Алматов Ислом Каримовга уюштирилган суиқасдни хотирлади

Хабарингиз бор, Ўзбекистон Республикаси Президенти Шавкат Мирзиёев кеча, 5 февраль куни “Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонни имзолади. Ушбу фармонга асосан Абдусаттор Қодиров ҳам озодликка чиқди, деб ёзмоқда ЎзА. 

“Ушланган пайтларим ўзимни қандайдир мақсадни амалга оширган қаҳрамондек ҳис этганман. Аммо қилмишимнинг нақадар сохта ва кераксизлигини ҳеч қанча ўтмай англаб етдим. Суд жараёнларида ота-онам, аёлим кўзидан тўкилган аччиқ ёшлар олдида ўша варақалар бир пулга ҳам арзимаслигини англадим. Аммо энди кеч ва жазо олишим муқаррар эди. Умумий ҳисобда 21 йилга ҳукм этилиб, 20 йил зонада бўлдим. Панжаралар ортида нафақат йигит умрим, балки ота-онамнинг мен билан боғлиқ умиди, аёлимнинг орзу-ҳаваси, болаларимнинг ота меҳрига бўлган талпиниши, соғинчи қурбон бўлди. Шу йиллар ичида гўёки улар мен билан бирга зонада “ўтирди”, назаримда”, дейди Қодиров.

Маълумот ўрнида, Президент фармони билан афв этилган 58 кишидан 41 нафари жазони ўташдан муддатидан илгари шартли озод қилинди, 3 нафарига тайинланган жазо енгилроқ жазо билан алмаштирилди. Бир сўз билан айтганда, 44 нафар шахс жазони ижро этиш муассасаларидан озод қилинди. Шунингдек, 14 нафар шахсга тайинланган озодликдан маҳрум этиш жазосининг муддатлари қисқартирилади. Афв этилганларнинг 2 нафарини аёллар ташкил этди.

Ухандан яширинча қайтган шахс 4 минг кишига вирус юқтиргани тахмин қилинмоқда 


Хитой полицияси Уханга ташриф буюрганлиги тўғрисидаги маълумотни сир тутиб, етти кишига янги турдаги коронавирусни юқтирган одамни қўлга олди. Бу ҳақда “Global Times” газетаси хабар бермоқда.

Нашрнинг хабар беришича, шарқий Фужиан провинциясида Жинжианг округи фуқароси коронавирус тарқалишининг маркази Ухандан қайтгач, ўз қишлоғида бир нечта оммавий тадбирларда иштирок этган ва тахминан етти кишига вирусни юқтирган. Хусусан, 22 январь куни у 3 мингга яқин меҳмон иштирок этган қишлоқ тўйида қатнашган.

Қўлга олинган киши Уханга ташрифини ҳукумат ва қишлоқдошларидан яшириб, Филиппиндан қайтганини маълум қилган. Нашрда унинг тўй пайтида вирус туфайли келиб чиққан пневмония аломатлари бўлганми ёки йўқлиги ҳақида маълумот берилмаган. Унинг коронавирус юқтиргани ҳақидаги маълумот 2 февраль куни тасдиқланган.

Қўлга олинган шахс билан алоқада бўлган 4 мингдан ортиқ одам карантинга олинган.

Янги коронавирус

Хитойнинг Хубэй провинцияси маркази Ухань шаҳрида ўтган йилнинг декабрь ойи ўрталарида янги вирус пайдо бўлди. Хитой ҳукумати 31 декабрь куни Жаҳон Соғлиқни сақлаш ташкилотини мамлакатда эпидемия бошлангани ҳақида огоҳлантирди.

Коронавирус билан касалланганлар ҳозирча Хитойдан ташқари 26 давлат – Япония, Таиланд, Сингапур, Жанубий Корея, Гонконг, Австралия, Тайвань, Макао, Малайзия, Америка Қўшма Штатлар, Германия, Вьетнам, Франция, Бирлашган Араб Амирликлари, Канада, Филиппин, Буюк Британия, Россия, Италия, Ҳиндистон, Финляндия, Швеция, Шри-Ланка, Камбожа, Непал ва Испанияда аниқланди.

Вирусдан ҳалок бўлганлар сони 492 нафарга, у билан касалланганлар сони 24552 нафарга етди. ЖССТ янги коронавируснинг дунёга тарқалиши сабабли Жамоат соғлиғи учун халқаро хавотирга молик фавқулодда вазият жорий қилди. Бу инсоният соғлиғи учун жиддий хавф туғилганда эълон қилинадиган расмий мақом ҳисобланади.

😱😱😱😱😱😱😱😱

Ўзбекистонда қанча одам коронавирусга қарши карантинга олингани маълум бўлди

Жорий йилнинг 5 февраль куни Хитой Халқ Республикасидан келган 245 нафар фуқаролардан коронавирус инфекцияси учун намуналар олиниб, текширилганда коронавирус инфекцияси топилмади. Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик агентлиги маълумотига кўра, текширувлар вирусология лабораториясида ўтказилди.

Қайд этилишича, Ислом Каримов номидаги Тошкент халқаро аэропортига жорий йилнинг 5 февраль куни хорижий давлатлардан 28 та самолёт қабул қилинди, 3990 нафар фуқаролар санитария-карантин пунктларида термометриядан ўтказилди.

“Ўзбекистон темир йўллари” АЖ марказий Санитария-эпидемиология хизматига қарашли 6 та санитария-карантин пунктидан жами 663 нафар фуқаролар ўтишган, шулардан 40 нафарини хориж фуқаролари ташкил этади. Тана ҳарорати кўтарилган беморлар анииқланмаган.

Давлат чегара кесишиш пунктларидаги санитария-карантин пунктлари орқали 1585 та автотранспортлар, 28644 нафар фуқаролар ўтказилган, шулардан 14646 нафари чет эл фуқаролари ҳисобланади.

Ўзбекистон Республикаси Ички ишлар вазирлиги томонидан тақдим этилган Хитой Халқ Республикасидан келган фуқаролар рўйхати асосида 2912 нафар фуқаро тиббий кўрикдан ўтказилди. Шулардан 2188 нафарида касалликни яширин даври (14 кун) якунлангани ва тиббий кўрик давомида ҳеч қандай коронавирус инфекцияси белгилари аниқланмаганлиги боис тиббий кузатув ишлари якунланди. Бугунги кунда 724 нафар фуқаролар 14 кунлик тиббий кузатувга олинди.

Хукумат комиссияси қарори билан жорий йилнинг 4-6 февраль кунлари Ўзбекистонга ХХРнинг Пекин шаҳридан 2 та ҳамда Ухань шаҳридан 1 та чартер рейслар орқали жами 584 нафар фуқаролар олиб келинди. Фуқароларнинг барчаси Жаҳон соғлиқни сақлаш ташкилоти тавсиясига кўра махсус тайёрланган муассасаларга жойлаштирилди ва 14 кун муддат давомида (касалликнинг яширин даври давомида) тиббий назоратга олинди. Фуқаролар учун махсус тайёрланган муассасаларда барча зарурий шароитлар яратилган.

Шунингдек, агентликнинг марказий штаби мутахассислари томонидан 71-276-49-66 ишонч телефони орқали мурожаат қилганларга тушунтиришлар, аниқ маълумотлар ва зарур тавсиялар бериб борилаётгани таъкидланган.

Янги коронавирус

Хитойнинг Хубэй провинцияси маркази Ухань шаҳрида ўтган йилнинг декабрь ойи ўрталарида янги вирус пайдо бўлди. Хитой Ҳукумати 31 декабрь куни Жаҳон Соғлиқни сақлаш ташкилотини мамлакатда эпидемия бошлангани ҳақида огоҳлантирди.

Коронавирус билан касалланганлар ҳозирча Хитойдан ташқари 26 давлат – Япония, Таиланд, Сингапур, Жанубий Корея, Гонконг, Австралия, Тайвань, Макао, Малайзия, Америка Қўшма Штатлар, Германия, Вьетнам, Франция, Бирлашган Араб Амирликлари, Канада, Филиппин, Буюк Британия, Россия, Италия, Ҳиндистон, Финляндия, Швеция, Шри-Ланка, Камбожа, Непал ва Испанияда аниқланди.

Дунё бўйича 638 киши янги коронавирусдан вафот этди. У билан касалланганлар 31 481 нафарга етди. ЖССТ янги коронавируснинг дунёга тарқалиши сабабли Жамоат соғлиғи учун халқаро хавотирга молик фавқулодда вазият жорий қилди. Бу инсоният соғлиғи учун жиддий хавф туғилганда эълон қилинадиган расмий мақом ҳисобланади.