Surxondaryo viloyati hokimi Ulug‘bek Qosimov kommunal xizmatlar ko‘rsatuvchi tashkilotlar, xususan, elektr tarmoqlari, gaz, ichimlik suvi va servis kompaniyalari, favqulodda vaziyatlar sohalarida tashkil etilgan tezkor brigadalar saf ko‘rigida ishtirok etdi hamda kelgusidagi ustuvor vazifalarni belgilab berdi.

Jumladan, har bir tarmoq ishlarni sifatli yo‘lga qo‘yish, aholi va ijtimoiy soha obyektlarini energiya resurslari bilan barqaror ta’minlash, hushyorlikni oshirish, aholi xavfsizligini ta’minlash yuzasidan topshiriqlar berildi.

Shuningdek, viloyat rahbari Termiz shahrida viloyatning asosiy Yangi yil bayrami archasi o‘rnatilgan maydon, unda yaratilgan sharoitlar, yoritilishi holati bilan ham tanishib, mutasaddilarga aholiga bayram kayfiyatini beruvchi dasturlar va dekoratsiyalarni yaratish vazifasi topshirildi.

Foto: Mobil tasvirlar

Surxondaryo.uz | Telegram | Facebook | Instagram | YouTube | X