Surxondaryo viloyati hokimligi

Surxondaryo viloyati hokimi Ulug‘bek Qosimov Denov tumaniga tashrif buyurib, dastlab markaziy Sharof Rashidov ko‘chasidan Qizilsuv daryosi bo‘yida tashkil etilayotgan saylgohgacha bo‘lgan hududni ko‘zdan kechirdi.

Piyodalar xavfsizligini ta’minlash, transportlar harakatini tartibga solish, yo‘llarni muzlamalardan tozalash ishlari yetarli darajada bajarilmaganligi, chiqindilarni o‘z vaqtida olib chiqilmaganligi tanqid qilindi. Shuningdek, qisqa muddatda saylgoh hududida arzonlashtirilgan oziq-ovqat mahsulotlari savdo yarmarkasini tashkil etish, bayram archasi o‘rnatish ishlarini yakunlash topshirig‘i berildi.

Shundan so‘ng, qurilish materiallari va mol bozorida infratuzilmani yaxshilash bo‘yicha berilgan topshiriqlarga asosan ishlab chiqilgan loyihalar taqdimoti bilan tanishildi. Hududda barcha zarur sharoitlarni o‘z ichiga olgan, yopiq "drenaj" tizimiga ega zamonaviy savdo kompleksi qurish bo‘yicha loyihalarni ishlab chiqish, unda sotuvchi va xaridorlar uchun barcha qulayliklar bo‘lishini inobatga olish vazifasi topshirildi. Loyihalar puxta ishlab chiqilib, kelishuvlardan o‘tgach, qurilish ishlari boshlanishi ta’kidlandi.

Shuningdek, tashrif davomida tuman markazidagi qator ko‘chalarning obodligi, yo‘llarning muzlamalardan tozalanishi ko‘zdan kechirilib, qo‘shimcha ishchi kuchini jalb qilgan holda piyodalar va transportlar harakati uchun xavfsizlikni ta’minlash, chiqindilarni o‘z vaqtida olib chiqish topshiriqlari berildi.

Surxondaryo.uz | Telegram | Facebook | Instagram | YouTube | X

Janubi-g‘arbiy maxsus harbiy okrug tasarrufidagi Termiz garnizonida joylashgan harbiy qismda Angor tumanidagi ko‘zi ojiz va zaif ko‘ruvchi bolalarning "Nurli maskan" maktab-internati o‘quvchilari uchun "Ochiq eshiklar" kuni o‘tkazildi.

Qurolli Kuchlarimiz tashkil etilganligining 33-yilligi munosabati bilan "Yangi O‘zbekiston armiyasi-mamlakat tayanchi, xalqimiz faxri" shiori ostida boshlangan "Vatanparvarlik" oyligi doirasida o‘tkazilgan tadbir davomida harbiy orkestr jamoasining Vatanni tarannum etuvchi kuy-qo‘shiqlari, faxriy qorovul hamda qo‘l jangi ustalarining ko‘rgazmali chiqishlari o‘quvchilarga o‘zgacha taassurot ulashdi.

Shuningdek, harbiy hayoti bilan yaqindan tanishgan o‘quvchilarga tadbir yakunida harbiy qism qo‘mondonligining esdalik sovg‘alari topshirildi.

Surxondaryo.uz | Telegram | Facebook | Instagram | YouTube | X

Surxondaryo viloyatidan 79 ta Davlat mulki obyektlari hamda aktivlarini "E-AUKSION" elektron savdo platformasi orqali sotib oling!

🔷 Oltinsoy tumanidan 1 ta (ko'rish)
🔷 Angor tumanidan 3 ta (ko'rish)
🔷 Bandixon tumanidan 4 ta (ko'rish)
🔷 Boysun tumanidan 3 ta (ko'rish)
🔷 Muzrabot tumanidan 10 ta (ko'rish)
🔷 Denov tumanidan 5 ta (ko'rish)
🔷 Jarqo‘rg‘on tumanidan 8 ta (ko'rish)
🔷 Qumqo‘rg‘on tumanidan 3 ta (ko'rish)
🔷 Qiziriq tumanidan 3 ta (ko'rish)
🔷 Sariosiyo tumanidan 9 ta (ko'rish)
🔷 Termiz tumanidan 6 ta (ko'rish)
🔷 Uzun tumanidan 2 ta (ko'rish)
🔷 Sherobod tumanidan 7 ta (ko'rish)
🔷 Sho'rchi tumanidan 3 ta (ko'rish)
🔷 Termiz shahridan 8 ta (ko'rish)

Mazkur obyektlarni bo'lib-bo‘lib to‘lash asosida sotib olish imkoniyati mavjud.

☎️ +99899 203-00-30

Surxondaryo.uz | Telegram | Facebook | Instagram | YouTube | X

🍽 Surxondaryoda savdo, yashash va ovqatlanish xizmatlari sohasida qancha qo‘shilgan qiymat yaratildi?

Joriy yilning yanvar-sentabr oylari yakunlariga ko‘ra, Surxondaryo viloyatida savdo, yashash va ovqatlanish xizmatlari sohasida 5 673,3 mlrd so‘m miqdorda qo‘shilgan qiymat yaratilgan. Bu ko‘rsatkich o‘tgan yilning mos davriga nisbatan 11,3 foizga yuqori bo‘lib, viloyatning iqtisodiy rivojlanishida muhim rol o‘ynaydi.

Ushbu o‘sish, viloyatning savdo va xizmatlar sohasidagi faoliyatining kuchayishi, yangi ish o‘rinlarining yaratilishi va aholi daromadlarining oshishi bilan bog‘liqdir. Shuningdek, bu natijalar, mahalliy va xorijiy investitsiyalarni jalb qilish, infratuzilmani rivojlantirish va xizmat ko‘rsatish sifatini oshirishga qaratilgan chora-tadbirlarning muvaffaqiyatli amalga oshirilganini ko‘rsatadi.

Surxondaryo.uz | Telegram | Facebook | Instagram | YouTube | X