Aslbek.uz

Toshkent shahrida bir oz oldin yer qimirladi.

🟦🟦🟦 8️⃣

Assalomu alaykum hurmatli kanalim obunachisi boʻlgan opalarim, singillarim, yaqinlarim sizlarni 8-mart "Xalqaro xotin-qizlar kuni" munosabati bilan chin qalbdan qutlayman.

Hurmatli ayollar bugun qalbim toʻrida savlat toʻkib turgan eng ezgu tilaklarni sizlarga tilayman. Kelgusida oʻz oldingizga qoʻygan maqsadlaringiz, orzu va niyatlaringizga erishish nasib qilsin. Doimo goʻzal, quvnoq, baxtli inson boʻlib qoling. Hayot sinovlari sizni aslo sindirmasin. Hamisha yaqinlaringiz baxtiga sogʻ salomat boʻling.

BAYRAMINGIZ MUBORAK BOʻLSIN!

Kech boʻlsa ham yozay dedim

@aslbeekUz

#Bolalikni_eslab

Yomgʻir yogʻaloq
Yam-yashil oʻtloq.
Endi ekinlar
Chiqarar quloq.

Yashnasin dala,
Ochilsin lola.
Togʻlar qoʻynida misli,
Shalola.

Kim esladi shu sheʼrni. Bolalik chogʻlarimiz har yomgʻir yoqqanda eslab qoʻyardik.

@aslbeekUz

Toshkentda bugun yomgʻir 🌧

#Debat

Bugungi kunda mashhurlashib ulgurgan debat tushunchasi deyarli barchaga tanish boʻlsa kerak. Ayrimlar debat desa deputatlarning saylov oldi bahslarini, ayrimlar shunchaki ikkita odam oʻrtasidagi bahsni tushunadi. Bir tomondan bu fikrlar oʻrinli sababkim haqiqatdan ham debat bu tortishuv va oʻzaro bahsdan iborat boʻlgan muloqotning bir shakli. Ammo bu tushunchalar juda joʻn va munozara haqidagi yuzaki fikrlar mahsulidir.

Aslida qanday? Munozaraning nima foydasi bor oʻzi? Deysizmi?

Oxirigacha oʻqing sizga tushuntiraman.

Munozara mohiyatan bahsni anglatadi faqat oddiy, yuzaki tortishuv emas balki, ilmiy yohud ommabop mavzudagi bahs hisoblanadi. Nexia 2 legendami Damasmi, u odam unday bunisi bunday, Real Madrid zoʻr yoki Barcelona zoʻr, Messi Ronaldo kabi mavzular munozara uchun masala boʻlolmaydi. Ular yo gʻiybat yo siyqasi chiqqan tortishuv deyiladi. Ekologik, iqtisodiy, milliy, madaniy, xalqaro bosh qotirar savollar, yechimi izlanayotgan turli "ogʻir vaznli muammolar" debatning markazida gʻoya surmak uchun sababchi vazifasini oʻtashi mumkin. Muntazam ilmiy debatlarda qatnashish, munozara intelektual oʻyinlarida ishtirok etish natijasida siz avvalo har qanday vaziyatning ham ijobiy ham salbiy tomonlarini koʻrishni oʻrganasiz. Istalgan mavzu haqida ishonchli manbalardan maʼlumot izlashga odatlanasiz. Nutqingiz ravonlashish barobarida, oʻsadi va chet tillaridan kirib kelgan soʻzlardan tozalana boradi. Intellektual oʻyinlar esa jamoaviy fikrlash va guruh boʻlib ishlash qandayligini katta seansli dars sifatida taqdim etadi. Qoʻrqmay ayta olamanki munozara sizga kelajakda ilmiy ishlar qilishingiz, maqola, tezislar yozishingizda ulkan koʻmak beradi.

Xullas gapirsa gap koʻp klaviatura tugmalari ham hafa boʻlib qolmasin uchun shu joyda mavzuni yakunlayman. Agar kimdadir ushbu mavzuga oid soʻrovlar boʻlsa bemalol yuborishingiz mumkin.

Unutmang doʻstlar odamni kitob emas odam tarbiyalaydi. Odamga aslida kitob emas boshqa odam ilm beradi.

@aslbeekUz

#Reklama

Bekorchilikdan nima qilishingizni bilmayapsizmi, boʻsh vaqtingizni manfaatli ishga sarflamoqchimisiz unda "Bookminds" guruhiga aʼzo boʻling. 💡

Guruhda
1. Kitobxonlik tanlovi📚
2. Mantiqiy savollar❓
3. Qiziqarli shartlardan😄 iborat oʻyinlar mavjud.

📌Guruh manzili: https://t.me/BookMinds_Loyihasi


@aslbeekUz

Dushanbadan yana sessiya.

Eslatma: Bizda 3 semestrli tizim joriy qilingan.

Toshkent tibbiyot akademiyasida oʻqiydigan talabalar bu joyni juda yaxshi bilishsa kerak.

Aslbek aka Har juma oʻqishlarda qizlar atlas koʻylak kiyvoti deb eshitdim va bu qonunda oʻgʻil bolalar uchun taluqli joyi yoʻqmi? Misol uchun doʻppi kiyish boʻyicha shu haqida maʼlumot bersangiz biz uchun manfaatli boʻlardi

Obunachilardan kelgan ushbu savolga javob berib oʻtaman.

Oliy taʼlim va maktablarda milliy kiyimda yurish haqida hech qanday qaror, farmon yoki qonun yoʻq. Har juma kuni milliy kiyimda yurish taʼlim muassasi rahbariyatining tashabbusi bilan ham amalga oshirilishi mumkin.

Yana bir holat agar oʻquvchi yoki talaba belgilangan formada, boshiga doʻppi kiygan holda oʻquv dargohiga kelsa bunda hech qanday noqonuniy holat yoʻq faqat diniy taʼlimotni oʻzida aks ettirmasa boʻldi.

@aslbeekUz

#Anonim_savol_javob

📨 Sizga yangi anonim xabar bor!

Shunchaki havas qilsa arziydigan insonsiz. O'g'lim bo'lsa sizga o'xshagan inson bo'lishini hohlar edim. Hayotda ideal inson bo'lmaydi, lekin sizda men o'zim ideal deb tasavvur qilgan ideallik bor. Yaxshi insonsiz. (Ustozlaringizdan biri...)


Agar menga, "Nimang bilan faxrlanasan" deyishsa, ustozlarimning duosini olganman deyman. "Mehr oqibat masofa tanlaydimi" deyishsa, ustozlarim mendan qancha uzoqda boʻlishmasin baribir bir-birimizga nisbatan mehr-oqibat kuchli ekanini misol qilib keltiraman.

Shu oʻrinda hazrat Navoiyning quyidagi misralari yodimga keldi.

Haq yo‘linda kim senga bir harf o‘qitmish ranj ila,
Aylamak bo‘lmas ado, oning haqin yuz ganch ila.

Haq yoʻlida menga bilim bergan barcha muallimlarimga sonsiz tashakkurlar boʻlsin, barchasi uchun rahmat.

@aslbeekUz