Тонгда кетиб тунда келган,
Ҳар кунини ИШ деб билган,
Дам олишни орзу қилган
Доим ҳушёр ҳисобчиман.

Фарзандларга бериб ваъда,
Лек бажармай юрган ДАДА,
Хиёбонга бориш қайда,
Бир ёлғончи ҳисобчиман.

Чиқсам агар таътилга,
Олиб борай чет элга,
Пул тополмаган йўлга,
Мен бойвачча ҳисобчиман.

Ишим учун жон куйдирган,
Ҳар байрамни ишда кутган,
Сал вақт топса отчёт қилган,
Зўр универсал ҳисобчиман.

Ҳам лойиҳачи, ҳам тадбиркор,
Ҳам қурувчи, ҳам чорвадор,
Яна бизга қандай иш бор,
Деб сўровчи ҳисобчиман.