Папа, я тебя люблю, деб кутиб олди қизим.
Ишдан қайтишим билан битта юзимдан ўпиб қўйди.
Бир неча кун олдин Навоийда бир аёл ўзини 3та бола билан поезднинг тагига ташлаб нобуд бўлди. Буган аёл ўғил туғмаганлиги учун эри томонидан доимий босимга учраганлиги маълум бўлди. Сўнгги ҳомила қиз эканлиги сабабли аборт ҳам қилинган экан.
Жамият ўғил фарзанддан култ ясаб олган. Бироз кенг дунёқарашга эга одамга фарзандларни ажратиш ёввойилик бўлиб туюлсада, афсуски нечталаб фарзанд ва оилалар айнан ўғил йўқлиги учун бахтсиз яшашга мажбур бўлмоқда. Нечталаб аёллар ўғил фарзанд туғмаганлиги учун эри ва жамиятнинг босимига учрамоқда.
Бугун икки ўғил ва бир қизнинг отаси сифатида айтаманки, қиз боланинг ўрни бошқача. Жойи келганда бир қиз учта ўғилнинг ўрнини босиши мумкин. Оилада кўпинча қиз отага меҳрибон, ўғилдан кўра яқинроқ бўларкан. Ҳам ўғил, ҳам қиз ўстираётганлар мен нима демоқчи эканлигимни яхши тушунишди деб ўйлайман.
Аввало фарзанд Оллоҳнинг неъмати. Унинг ўғил ёки қизлиги аёлга қараб эмас, берганига қараб бўлади. Илмий томондан фарзанднинг ўғил ёки қиз бўлиб туғилиши Х ёки Y хромосомаларга боғлиқ. Бу факторни айнан эркак кишининг хромосомалари ҳал қилади. Демак, фарзанднинг жинсини ҳал қилиш илмий томондан аёл кишининг функцияси эмас.
Аввало, ўғил ёки қиз деб фарзандни ажратиш бу қолоқлик бўлса, кейин бу разилликдир. Фарзанднинг жинси учун аёлни айблаш бўлса билимсизликдир. Фарзандсиз юрган, тирноққа зор оилалар қанча...
Динимизда ҳам учта қиз фарзандни катта қилган ота жаннатга тушади деган жойи бор.
Менгача ҳам бу мавзуда кўп гапирилган ва ёзилган.
Қизларимизни қадрлайлик, фарзандни жинсига қараб ажратмайлик.
© Фируз Аллаев.
Ишдан қайтишим билан битта юзимдан ўпиб қўйди.
Бир неча кун олдин Навоийда бир аёл ўзини 3та бола билан поезднинг тагига ташлаб нобуд бўлди. Буган аёл ўғил туғмаганлиги учун эри томонидан доимий босимга учраганлиги маълум бўлди. Сўнгги ҳомила қиз эканлиги сабабли аборт ҳам қилинган экан.
Жамият ўғил фарзанддан култ ясаб олган. Бироз кенг дунёқарашга эга одамга фарзандларни ажратиш ёввойилик бўлиб туюлсада, афсуски нечталаб фарзанд ва оилалар айнан ўғил йўқлиги учун бахтсиз яшашга мажбур бўлмоқда. Нечталаб аёллар ўғил фарзанд туғмаганлиги учун эри ва жамиятнинг босимига учрамоқда.
Бугун икки ўғил ва бир қизнинг отаси сифатида айтаманки, қиз боланинг ўрни бошқача. Жойи келганда бир қиз учта ўғилнинг ўрнини босиши мумкин. Оилада кўпинча қиз отага меҳрибон, ўғилдан кўра яқинроқ бўларкан. Ҳам ўғил, ҳам қиз ўстираётганлар мен нима демоқчи эканлигимни яхши тушунишди деб ўйлайман.
Аввало фарзанд Оллоҳнинг неъмати. Унинг ўғил ёки қизлиги аёлга қараб эмас, берганига қараб бўлади. Илмий томондан фарзанднинг ўғил ёки қиз бўлиб туғилиши Х ёки Y хромосомаларга боғлиқ. Бу факторни айнан эркак кишининг хромосомалари ҳал қилади. Демак, фарзанднинг жинсини ҳал қилиш илмий томондан аёл кишининг функцияси эмас.
Аввало, ўғил ёки қиз деб фарзандни ажратиш бу қолоқлик бўлса, кейин бу разилликдир. Фарзанднинг жинси учун аёлни айблаш бўлса билимсизликдир. Фарзандсиз юрган, тирноққа зор оилалар қанча...
Динимизда ҳам учта қиз фарзандни катта қилган ота жаннатга тушади деган жойи бор.
Менгача ҳам бу мавзуда кўп гапирилган ва ёзилган.
Қизларимизни қадрлайлик, фарзандни жинсига қараб ажратмайлик.
© Фируз Аллаев.