Bu dunyoning
Quvonchi kam ,
Dard-u gʻami - ziyoda,
Ammo gʻamdan qochmoqning ham
Tabiri koʻp dunyoda.
Kimning dildosh
Bor ulfati,
Dardin unga toʻkadi.
Yolgʻizlarning bor kulfati
Dil tubiga choʻkadi.
Kim najotni sokin tunning
Uyqusidan soʻraydi.
Kim gʻamini
Nikotinning -
Tutuniga oʻraydi.
Dil zahmiga malham topar
Kim habib,
Kim tabibdan.
Kim qochmoqqa aylar safar
Gʻam atalgan raqibdan.
Gar bularning
Yoʻq imkoni,
Soʻnggi chora etmoq bor.
Kulfat toʻla bu dunyoni
Shartta tashlab ketmoq bor...

© Erkin Vohidov "Ruhlar isyoni"

#nazm
@aqlliyeva_blogi