OKMK futbol klubi tarkibni yoshartirish siyosatiga katta e’tibor qaratmoqda
Ma’lumki, OKMK professional futbol klubi 2024-yilgi mavsumda O‘zbekiston chempionatida ilk bor ikkinchi o‘rinni egallab, kumush medallariga sazovor bo'ldi. Bu natija Superligadagi eng yuqori yutuq sifatida klub tarixida yangi sahifa ochdi. Bungacha, olmaliqlik futbolchilar 2020 va 2021-yilgi mavsumlarda bronza medallariga ega chiqqan edi. Shuningdek, 2018-yilda klub O‘zbekiston kubogida zafar quchib, bosh sovrinni qo'lga kiritgandi.
Bu zafarlardan ruhlangan OKMK FK 2025-yilgi yangi mavsum oldidan chempionatda ham yuqori o'rinlarni ko'zlagan holda katta maqsadlarni belgilab oldi. Klub o‘tgan mavsumdagi muvaffaqiyatli tarkibni saqlab qolish bilan birga, 2024-yilning 10-dekabridan 2025-yil 25-fevraliga qadar davom etadigan qishki transferlar oynasida iste‘dodli va mahoratli futbolchilarni jalb qilishga alohida e’tibor qaratmoqda.
Jumladan, hozirgacha OKMK FK sal kam 3 oy davom etadigan qishki transferlar oynasida Humoyunshoh Sayyotov, Abror Karimov, Akbar O‘ktamov, Asad Sobirjonov, Naoaki Senaga va Abubakrrizo Turdialiev kabi futbolchilarni o'z safiga qo'shib oldi. Bundan tashqari, huquqiy jihatdan OKMK futbol klubiga tegishli bo‘lgan hamda «Bunyodkor» va «Olimpik» jamoalariga ijaraga berilgan Asadbek Rahimjonov bilan Ahmadullo Muqimjonov jamoa tarkibiga qaytdi. O‘z navbatida, «konchilar» o‘tgan mavsumda barqaror o‘yin ko‘rsatgan Avazbek O’lmasaliyev, Islom To’xtaxo’jayev, Oybek Rustamov va Sardor Mirzayev bilan o‘zaro tuzilgan shartnoma muddatini uzaytirgan bo‘lsa, Valijon Rahimov va Shohruh Gadoyevlar bilan shartnoma muddati yakunlanganligi sababli do‘stona tarzda xayrlashdi. Shuningek, OKMK FK Asadbek Rahimjonovni Toshkentning «Bunyodkor» klubiga 2.5 mlrd. so'mga transfer qilish orqali o'z g'aznasini yaxshigina boyitib oldi.
✅ Quyida OKMK FKning seleksiya jarayonlaridagi amalga oshirgan ishlari bilan yaqindan tanishishingiz mumkin.
🟢 Transfer qilindi (keldi):
Darvozabon: Humoyunshoh Sayyotov.
Himoyachi: Abror Karimov.
Himoyach: Akbar O‘ktamov.
Hujumchi: Asad Sobirjonov.
Yarim himoyachi: Naoaki Senaga
Yarim himoyachi: Abubakrrizo Turdialiev.
🔵 Ijaradan jamoa ixtiyoriga qaytgan futbolchilar:
Yarim himoyachi: Ahmadullo Muqimjonov.
🟠 Klub bilan shartnomasini uzaytirgan futbolchilar:
Markaziy himoyachi: Avazbek O’lmasaliyev (31.12.2026).
Markaziy himoyachi: Islom To’xtaxo’jayev (31.12.2025).
Yarim himoyachi: Oybek Rustamov (31.12.2025).
Yarim himoyachi: Sardor Mirzayev (31.12.2025).
🔴 Jamoani tark etgan futbolchilar:
Darvozabon: Valijon Rahimov (erkin agent).
Yarim himoyachi: Shohruh Gadoyev (erkin agent).
Himoyachi: Asadbek Rahimjonov (Transfer — 2.5 mlrd. so'm).
OKMK futbol klubi kelasi mavsumda nafaqat O'zbekiston Superligasida yuqori o'rinlarni egallashni, balki Osiyo chempionlar ligasiga ham yo'llanma olishni va xalqaro maydonlarda muvaffaqiyatli ishtirok etishni rejalashtirgan. Klub rahbariyati bo'lajak mavsumda yuqori natijalarga erishish uchun jamoa tarkibini va taktik yondashuvini yanada takomillashtirish ustida ishlamoqda. Umuman olganda, OKMKning tarkibni yoshartirish va yangi isteʻdodlarni shakllantirish siyosati klubning uzoq muddatli muvaffaqiyati uchun mustahkam poydevor yaratmoqda. Bu strategiya klubning Oʻzbekiston futbolidagi yetakchi oʻrinlardan birini egallashiga xizmat qiladi desak mubolag'a bo'lmaydi.
P.S.: Qishki transferlar oynasi hali davom etayotganligini hisobga olsak, OKMK FK yana yangi futbolchilarni jamoaga jalb qilishi ehtimoli yo‘q emas. Bu borada qo‘shimcha ma’lumot keyinchalik taqdim etiladi.
Ali Abduahadov,
OKMK FK Matbuot xizmati media muharriri
📱Web-site|📱YouTube|📱Facebook|📱Telegram|📱Instagram|📱Twitter
Ma’lumki, OKMK professional futbol klubi 2024-yilgi mavsumda O‘zbekiston chempionatida ilk bor ikkinchi o‘rinni egallab, kumush medallariga sazovor bo'ldi. Bu natija Superligadagi eng yuqori yutuq sifatida klub tarixida yangi sahifa ochdi. Bungacha, olmaliqlik futbolchilar 2020 va 2021-yilgi mavsumlarda bronza medallariga ega chiqqan edi. Shuningdek, 2018-yilda klub O‘zbekiston kubogida zafar quchib, bosh sovrinni qo'lga kiritgandi.
Bu zafarlardan ruhlangan OKMK FK 2025-yilgi yangi mavsum oldidan chempionatda ham yuqori o'rinlarni ko'zlagan holda katta maqsadlarni belgilab oldi. Klub o‘tgan mavsumdagi muvaffaqiyatli tarkibni saqlab qolish bilan birga, 2024-yilning 10-dekabridan 2025-yil 25-fevraliga qadar davom etadigan qishki transferlar oynasida iste‘dodli va mahoratli futbolchilarni jalb qilishga alohida e’tibor qaratmoqda.
Jumladan, hozirgacha OKMK FK sal kam 3 oy davom etadigan qishki transferlar oynasida Humoyunshoh Sayyotov, Abror Karimov, Akbar O‘ktamov, Asad Sobirjonov, Naoaki Senaga va Abubakrrizo Turdialiev kabi futbolchilarni o'z safiga qo'shib oldi. Bundan tashqari, huquqiy jihatdan OKMK futbol klubiga tegishli bo‘lgan hamda «Bunyodkor» va «Olimpik» jamoalariga ijaraga berilgan Asadbek Rahimjonov bilan Ahmadullo Muqimjonov jamoa tarkibiga qaytdi. O‘z navbatida, «konchilar» o‘tgan mavsumda barqaror o‘yin ko‘rsatgan Avazbek O’lmasaliyev, Islom To’xtaxo’jayev, Oybek Rustamov va Sardor Mirzayev bilan o‘zaro tuzilgan shartnoma muddatini uzaytirgan bo‘lsa, Valijon Rahimov va Shohruh Gadoyevlar bilan shartnoma muddati yakunlanganligi sababli do‘stona tarzda xayrlashdi. Shuningek, OKMK FK Asadbek Rahimjonovni Toshkentning «Bunyodkor» klubiga 2.5 mlrd. so'mga transfer qilish orqali o'z g'aznasini yaxshigina boyitib oldi.
✅ Quyida OKMK FKning seleksiya jarayonlaridagi amalga oshirgan ishlari bilan yaqindan tanishishingiz mumkin.
🟢 Transfer qilindi (keldi):
Darvozabon: Humoyunshoh Sayyotov.
Himoyachi: Abror Karimov.
Himoyach: Akbar O‘ktamov.
Hujumchi: Asad Sobirjonov.
Yarim himoyachi: Naoaki Senaga
Yarim himoyachi: Abubakrrizo Turdialiev.
🔵 Ijaradan jamoa ixtiyoriga qaytgan futbolchilar:
Yarim himoyachi: Ahmadullo Muqimjonov.
🟠 Klub bilan shartnomasini uzaytirgan futbolchilar:
Markaziy himoyachi: Avazbek O’lmasaliyev (31.12.2026).
Markaziy himoyachi: Islom To’xtaxo’jayev (31.12.2025).
Yarim himoyachi: Oybek Rustamov (31.12.2025).
Yarim himoyachi: Sardor Mirzayev (31.12.2025).
🔴 Jamoani tark etgan futbolchilar:
Darvozabon: Valijon Rahimov (erkin agent).
Yarim himoyachi: Shohruh Gadoyev (erkin agent).
Himoyachi: Asadbek Rahimjonov (Transfer — 2.5 mlrd. so'm).
OKMK futbol klubi kelasi mavsumda nafaqat O'zbekiston Superligasida yuqori o'rinlarni egallashni, balki Osiyo chempionlar ligasiga ham yo'llanma olishni va xalqaro maydonlarda muvaffaqiyatli ishtirok etishni rejalashtirgan. Klub rahbariyati bo'lajak mavsumda yuqori natijalarga erishish uchun jamoa tarkibini va taktik yondashuvini yanada takomillashtirish ustida ishlamoqda. Umuman olganda, OKMKning tarkibni yoshartirish va yangi isteʻdodlarni shakllantirish siyosati klubning uzoq muddatli muvaffaqiyati uchun mustahkam poydevor yaratmoqda. Bu strategiya klubning Oʻzbekiston futbolidagi yetakchi oʻrinlardan birini egallashiga xizmat qiladi desak mubolag'a bo'lmaydi.
P.S.: Qishki transferlar oynasi hali davom etayotganligini hisobga olsak, OKMK FK yana yangi futbolchilarni jamoaga jalb qilishi ehtimoli yo‘q emas. Bu borada qo‘shimcha ma’lumot keyinchalik taqdim etiladi.
Ali Abduahadov,
OKMK FK Matbuot xizmati media muharriri
📱Web-site|📱YouTube|📱Facebook|📱Telegram|📱Instagram|📱Twitter