Surxondaryo mahallalarida kambag‘allik darajasini kamaytirish holati o‘rganildi

Korrupsiyaga qarshi kurashish agentligi direktori o‘rinbosari Umida Tuxtasheva "Kambag‘allikdan farovonlik sari" dasturiga muvofiq, kambag‘allikni qisqartirish, aholini daromadli mehnat bilan band qilish borasida belgilab berilgan vazifalarning Qumqo‘rg‘on (“Toyfang”), Uzun (“Saxovat”), Oltinsoy (“Barkamol avlod”) tumanlarida ijro etilish holatini o‘rgandi.

Ayni jarayonda tuman mahallalaridagi kambag‘al oilalar xonadonlariga tashrif buyurilib, ularning turmush shart-sharoitini yaxshilash, ijtimoiy qo‘llab-quvvatlash borasida ko‘rilayotgan choralar bilan tanishildi.

Oilalarni kambag‘allikdan chiqarish bo‘yicha mas‘ullar tomonidan olib borilayotgan ishlar va kelgusidagi rejalar muhokama qilinib, har bir oilani ish bilan taʼminlash, tadbirkorlikka jalb etish, daromadini oshirish, ehtiyojmand insonlarning xohishi va imkoniyatini ro‘yobga chiqarishda "Mahalla yettiligi", mahalla bankiri va boshqa ijrochilar bilan o‘zaro hamkorlikni taʼminlash yuzasidan tavsiyalar berildi.

O‘rganish mobaynida mahallalar hududida tomorqa yerlarini sug‘orishni yaxshilash bo‘yicha amalga oshirilgan ishlar holatiga ham alohida eʼtibor qaratildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt